Zabbuli

132 Ai Yakuwa, jjukira Dawudi

N’okubonaabona kwe kwonna;+

 2 Jjukira bwe yalayirira Yakuwa,

Jjukira bwe yeeyama eri Katonda ow’Amaanyi owa Yakobo, ng’agamba nti:+

Sijja kwebaka ku buliri bwange, ku kitanda kyange,

 4 Sijja kuganya maaso gange kwebaka,

Sijja kuganya maaso gange kusumagira,

 5 Okutuusa nga nfunidde Yakuwa ekifo,

Ekifo ekirungi eky’okubeeramu ekya Katonda ow’Amaanyi owa Yakobo.”+

 6 Laba! Twawulira ebikwata ku ssanduuko y’endagaano* nga tuli mu Efulaasa;+

Twagisanga mu kitundu eky’ebibira.+

 7 Ka tuyingire mu kifo kye ky’abeeramu;+

Ka tuvunname mu maaso g’entebe y’ebigere bye.+

 8 Situka, Ai Yakuwa, ogende mu kifo kyo eky’okuwummuliramu,+

Ggwe n’Essanduuko eraga amaanyi go.+

 9 Bakabona bo ka bambale obutuukirivu,

Abeesigwa gy’oli ka boogerere waggulu n’essanyu.

10 Ku lw’omuweereza wo Dawudi,

Toyabulira oyo gwe wafukako amafuta.+

11 Yakuwa yalayirira Dawudi;

Talirema kutuukiriza kye yayogera nti:

“Omu ku baana bo,*

Ndimuteeka ku ntebe yo ey’obwakabaka.+

12 Abaana bo bwe balikuuma endagaano yange,

Era ne bakwata ebiragiro bye mbayigiriza,+

Abaana baabwe nabo

Balituula ku ntebe yo ey’obwakabaka emirembe n’emirembe.”+

13 Kubanga Yakuwa yalonda Sayuuni;+

Yayagala kibeere ekifo kye eky’okubeeramu, ng’agamba nti:+

14 “Kino kifo kyange eky’okuwummuliramu emirembe n’emirembe;

Muno mwe nja okubeera,+ kubanga ekyo kye njagala.

15 Nja kukiwa emmere nnyingi;

Abaavu baakyo nja kubakkusa emmere.+

16 Bakabona baakyo nja kubambaza obulokozi,+

Abantu baamu abeesigwa bajja kwogerera waggulu n’essanyu.+

18 Abalabe be nja kubambaza obuswavu,

Naye engule eri ku mutwe gwe ejja kumasaamasa.”+