Zabbuli
Zabbuli. Oluyimba olw’oku lunaku lwa Ssabbiiti.
92 Kirungi okukwebazanga ggwe Yakuwa+
N’okuyimbanga ennyimba ezitendereza erinnya lyo, Ai ggwe Asingayo Okuba Waggulu;
2 Kirungi okulangiriranga okwagala kwo okutajjulukuka+ ku makya
N’obwesigwa bwo ekiro,
3 Nga bwe nkuba ekivuga eky’enkoba ekkumi n’endongo,
N’entongooli ezivuga obulungi.+
4 Kubanga onsanyusizza, Ai Yakuwa, olw’ebikolwa byo;
Njogerera waggulu n’essanyu olw’ebyo emikono gyo bye gyakola.
5 Bye wakola nga bya kitalo nnyo, Ai Yakuwa!+
Ebirowoozo byo nga bya buziba nnyo!+
6 Omuntu atalina magezi tasobola kubimanya;
Era omusirusiru tasobola kutegeera kino:+
7 Ababi bwe bameruka ng’omuddo,
Era abakozi b’ebibi bonna ne baala,
Ekyo kiba bwe kityo balyoke bazikirizibwe.+
8 Naye ggwe ogulumizibwa emirembe gyonna, Ai Yakuwa.
9 Tunuulira okuwangulwa kw’abalabe bo, Ai Yakuwa;
Laba engeri abalabe bo gye banaasaanawo;
Abakozi b’ebibi bonna bajja kusaasaanyizibwa.+
10 Naye ojja kunnyongera amaanyi* gabeere nga aga sseddume ey’omu nsiko;
Nja kwesiiga amafuta amaggya.+
11 Nja kutunuulira abalabe bange n’amaaso agooleka obuwanguzi;+
Amatu gange gajja kuwulira ebikwata ku kugwa kw’abantu ababi abannumba.
13 Basimbibwa mu nnyumba ya Yakuwa;
Banyiririra mu mpya za Katonda waffe.+
14 Ne mu myaka egy’obukadde* baliba bakyabala ebibala;+
Balisigala nga balina amaanyi* era nga banyirira,+
15 Nga balangirira nti Yakuwa mwesigwa.
Lwe Lwazi lwange,+ era mu ye temuli butali butuukirivu.