Zabbuli

86 Ai Yakuwa, tega okutu kwo* onnyanukule,

Kubanga ndi munaku era ndi mwavu.+

Lokola omuweereza wo akwesiga,

Kubanga ggwe Katonda wange.+

 3 Nkwatirwa ekisa, Ai Yakuwa,+

Kubanga nkukoowoola okuzibya obudde.+

 4 Sanyusa omuweereza wo,

Kubanga ggwe gwe nneeyuna, Ai Yakuwa.

 5 Kubanga ggwe, Ai Yakuwa, oli mulungi+ era oli mwetegefu okusonyiwa;+

Abo bonna abakukoowoola obalaga okwagala okutajjulukuka kungi.+

 6 Ai Yakuwa, wuliriza essaala yange;

Wulira okuwanjaga kwange.+

 7 Lwe mba mu buyinike nkukoowoola,+

Kubanga onnyanukula.+

 8 Ai Yakuwa, mu bakatonda teriiyo alinga ggwe,+

Teriiyo bikolwa biringa bibyo.+

 9 Amawanga gonna ge wakola

Galijja ne gavunnama mu maaso go, Ai Yakuwa,+

Era galigulumiza erinnya lyo.+

10 Oli wa maanyi era okola ebintu ebyewuunyisa;+

Ggwe wekka ggwe Katonda.+

Nja kugulumizanga erinnya lyo emirembe n’emirembe,

13 Kubanga okwagala okutajjulukuka kw’ondaga kungi nnyo.

14 Ai Katonda, abantu abeetulinkiriza bannumba,+

Ekibinja ky’abantu abakambwe kyagala okusaanyaawo obulamu bwange,

Era tebakuwa kitiibwa.*+

15 Naye ggwe, Ai Yakuwa, oli Katonda omusaasizi era ow’ekisa,

Alwawo okusunguwala, alina okwagala kungi okutajjulukuka, era omwesigwa ennyo.*+

Omuweereza wo muwe amaanyi go,+

Era lokola omwana w’omuzaana wo.

17 Ndaga akabonero akalaga* obulungi bwo,

Abo abatanjagala bakalabe baswale.