Ebirimu

Abantu mu nsi yonna baagala okuweebwa eddembe erisingawo. Abakristaayo basaanidde kutunuulira batya eddembe? Ebitundu bino ebibiri bijja kutuyamba okumanya eddembe erya nnamaddala kye kitegeeza, engeri gye tuyinza okulifunamu, n’engeri gye tuyinza okukozesaamu eddembe ery’ekigero lye tulina mu ngeri etuganyula era eganyula n’abalala. Ate era tujja kulaba engeri gye tusobola okuwa Yakuwa, Katonda ow’eddembe, ekitiibwa.

Ebitundu bino biraga nti Yakuwa abaddenga azzaamu abaweereza be amaanyi era nti nabo bafubye okumukoppa. Era biraga ensonga lwaki kikulu nnyo leero okweyongera okuzziŋŋanamu amaanyi.

Abavubuka mu kibiina baganyulwa nnyo bwe beemalira ku kuweereza Yakuwa. Ekitundu kino kiraga emiganyulo egiri mu kweteerawo ebiruubirirwa eby’omwoyo ng’okyali muto, n’ensonga lwaki kikulu okukulembeza omulimu gw’okubuulira.