Tuzziŋŋanemu Amaanyi

1. Bwe tuzziŋŋanamu amaanyi

Nga tuweereza Yakuwa,

Tweyongera okwagalana

N’okuba obumu ffenna.

Okwagala okuli mu ffe

Kutuyamba okunywera.

Ekibiina bwe buddukiro

Era ffe kye kitukuuma.

2. ’Kigambo ekituukirawo

Ddala kitusanyusa nnyo.

Tuwulir’e bigambo ng’ebyo

Okuva mu b’oluganda.

Kirungi ’kukolera ’wamu

Ne baganda baffe bonna.

Buli omu azimba munne,

Ffenna ne tuyambagana.

3. Nga bwe lugenda lusembera

Olunaku lwa Yakuwa,

Tulina okukuŋŋaananga

Tunywerere mu mazima.

Ffenna ng’abantu ba Yakuwa,

Tuweererezenga wamu.

Ka tuzziŋŋanemu amaanyi

Tukuum’o bwesigwa bwaffe.