Ngelo Gabrieli atoonga na Mariya

Elizabeti atookaana balee wasikana dhinalee Mariya. Liye akala Musidadi la Nezareti wu Galileya. Sikanula ali vaimwendi nanamasema mwinango dhinalee Yosefi. Vangavirile medi 6 Elizabeti angana wise, ngelo Gabriel atoodhowa wa Mariya nom’mwandela ira: ‘Rendele ukale nawe Mariya. Yohova utoulemeza maningi.’ Mariya kaavwechechile vyathapulela ngelula. Ee-no Gabrieli atoom’mwandela ira: ‘Unodha kaana mwana walombwana thitho udham’va-e dhina loi Yesu. Liye unodhakala Mwene thitho Umwenee unodha kalavo modhowa nodhowa.’

Mariya aongile ira: ‘N’nga vyevi vinaodeye a-vi? Miyo kandinagonathivo na lombwana.’ Gabrieli atoom’mwandela ira: ‘Nlungu kanaimwanena irana yongo iliyothene. Zimu ochena unodha ukami-a ira ukaena mwana. N’nga unoidhiwa ira va-eni Elizabeti utokaana wise?’ Ee-no Mariya atoonga ira: ‘Ndili dhaari wa Yohova. Viongile nyoovyo viireye wamiyo.’

Mariya atooroma ulendo odhowa mam’mona Elizabeti. Vahora yeniyo Elizabeti akala musidadi n’nangolee la myango. Angafiile nom’mwenyula Elizabeti, mwana ali mbani mwa Elizabeti atooroma lupha. Ee-no Elizabeti atoodhaliwa na zimu ochena noroma onga ira: ‘Mariya, Yohova utouraeli-a. Ndingari ilukhulu ira m’mee wa mbwiyanga adhe nyumbani wanga uno.’ Mariya aongile ira: ‘Ndinom’titimi-a Yohova narimanga wethene.’ Mariya atookala na Elizabeti medi miraru, adhamale atoowelela waniwa wu Nazareti.

Yosefi angavwide ira Mariya utokaana wise, anoofuna vyomali-a imweendi. Mbwenye angali muirulo ngelo atoom’mwandela ira: ‘Kuove m’tukhula Mariya ira akale i-yanaa. Liye kairilena yongo yothakala iliyothene.’ Ee-no Yosefi atoom’tukula Mariya nokalanga vambo-i naliye vandhe viwa.