Angelo tatoolaleya baliwa wa Yesu

Vahora inango muutongi wa Kaisara Augusto, watookaathi-iwa lamulo loi Ayuda othene tawelele masidadi awaniwa ira tamalembi-e. Yosefi na Mariya tatoodhowa wu Betelehemu weo wali waniwa wa Yosefi. Vinooneya ira Mariya ali anga-adhi vang’ono bala.

Tangafiile wu Betelehemu, tafwaidhe nyumba dhothene mutomala dhala atu moi ee-no tatoogonathi tangani. Vyevi vyatooiri-a ira Yesu abaliwele tanganimo. Mariya atoom’bilinga mwanuo na nguwo yapama nom’gonathi-a modyelamo vifuo.

Vahora yeniyo anamakhumbiza enango tagona kokolani vaduzi nawu Betelehemu noing’anelanga mabiliwa. Mo-odedi-edhela vatoofiya ngelo thitho valimburo lothenelelo vatookala njeza yothonyi-edha titimi-o la Yohova. Anamakhumbizao tatoova maningi mbwenye ngeluo aongile ira: ‘Kamuove. Nditodhana milanyu yosangalali-a maningi. Penene Mesiya utobaliwa wu Betelehemu.’ Hora yeniyene angelo anjinji tatooneya tangali dhulu thitho tatoolaleya ira: ‘Alemeziwe Nlungu wa dhuludhulu thitho rendele vailambo yavathi.’ Adhamale angelwao kataoneileve okoka. N’nga utoidhiwa vyairile anamakhumbizao?

Tatoowandelana ira: ‘Dhoweni wu Betelehemu vachineneeva.’ Hora yeniyene tatoovenyathi roma ulendo odhowa wu Betelehemu, tangafiile tatoom’mona Yosefi na Mariya tangali na mwanuo tangani.

Mutu uliwethene avwide vyaongile ngelule wandela anamakhumbizao, anoodabwa maningi. Mariya atoothuulela maningi madhu angelwao thitho kaaduwanle. Anamakhumbizao tatoowelela kokolanio wu tam’simbanga Yohova namwasa wa vyaoni aliwa.