Yohova atoom’barela Yesu

Muilambo inango yau Israeli, watookala atu enao aroromela ira nyenyedi dhinooda akami-a idhiwa vyongo. Dambo n’nango, atu enango okhumela muilamboi tatoona yongo inango yokala ninga nyenyedi iwendanga dhulu thitho tatooroma i-arela. Aliwa tatooi-arela fiyedha wu Yerusalemu. Tangafiile tatooroma fuka atu ira: ‘N’nga mwana unofuna kala Mwene wa Ayuda uliwani? Nitodha ira nim’kokorele.’

Herodi angavwide vyevyo atoosukwala maningi. Liye atoafuka andimuwa aalimbo velela sembe ira: ‘N’nga mwene wen’na unodha baliwela wani?’ Andimuwa aasembao tatoom’mwakhula ira: ‘Anamaongela tatoonga ira unodha baliwela wu Betelehemu.’ Ee-no Herodi atoawandela atu okhumela makumelo adhuwao ira: ‘Dhowani wu Betelehemu mumam’sake mwanuo. Mwam’fwanya mudhandiwandele. Namiyene thitho ndinofuna ndimam’kokorele.’ Mbwenye kaiira Herodi afuna ira amam’kokorele mwanuo.

Yongo yooneya ninga nyenyediile yatooroma wenda thitho atwale tatooroma i-arela. Ee-no yatooimela vanyumbani inangwee. Tangavolowile m’mbamo, tatoom’fwanya Yesu nam’mee. Aliwa tatoom’kokorela mwanuo moi e-no tatookhumi-a oro, makhura a olibano na mira. Mbwenye aarumile atwao kaali Yohova.

Ma-iyu enao, Yohova atoom’mwandela Yosefi dhela mu vyoro-a. Atoom’mwandela ira: ‘Herodi unofuna m’pha Yesu. Tukula i-yanao na mwanuo mutawele wu Iguputu. Mumakale weo fiyedhela ndingauwandenle ira uweleo.’ Hora yeniyene, Yosefi atoovenyathi nabanjalee nodhowa wu Iguputu.

Ee-no Yohova atoawandela atu okhumela makhumelo adhuwale ira katidhelena wa Herodi. E-no Herodi angaoni ira alombwana ororomela nyenyedale tatom’nami-a, atoothakaleliwa maningi. Namwasa oi vyali vyorucha ira am’fwanye Yesu, Herodi atootumiza atu dhowa mapha a-ima othene aalombwana amu Betelehemu na visavyee vyothene, romela avyawa vinli dhowa chindo. Vyevi vyaireya aliwa, vyali Yosefi na banjalee tangamadhi tawela wu Iguputu.

Vangavirile hora Herodi atookwa. Ee-no Yohova atoom’mwandela Yosefi ira: ‘Ee-ni unooda welela.’ Yosefi, Mariya na Yesu tatoowelela wu Israeli thitho tadhowile makalanga wu Nazareti.