Namanami-a atoom’mwesedha Yesu

Yesu angamadhi badiziwa, zimu ochena watoom’sogolela dhowa kokolani. Kaadyide yongo iliyothene wa malambo 40, ee-no atookaana ndhala maningi. Moi ee-no Namanami-a atoodha dham’mwesedha. Liye aongile ira: ‘Akala uli mwana Nlungu usanduche mabwala ira akale mapau.’ Mbwenye Yesu atoom’mwakhula voonga vyevyo vinoonga malemba. Liye aongile ira: ‘Mutu kanakaena ingumi namwasa wa yodya baa-i, mbwenye namadhu othene okhumela valomoni va Yohova.’

Moi ee-no Namanami-uo atoom’mwandela ira: ‘Akala uli mwana Nlungu udhiponyedhe vathi khumela vadhulu va kachisuo. Namwasa oi malemba anoonga ira Nlungu unodharuma angelwee ira taugete mandhani mwiwa ira nyalolaa la-akome libwe.’ Mbwenye Yesu atoom’mwakhula mo-indi-edha basa malemba ira: “Malemba anoonga thitho ira: ‘Yohova Nlungwaa kum’mwesedhe.’”

Moi ee-no Namanami-a atoom’moni-a Yesu maumwene othene availambo yavathi na fumiwa. Adhamale atoom’mwandela ira: ‘Ndinouva-a maumwene othene availambo yavathi na titimi-o liwa, wandikokorela fendo imbo-i baai nondilambela.’ Mbwenye Yesu atoom’mwakhula ira: ‘Khumavo vano Satana! Namwasa oi malemba anoonga ira, Yohova Nlungwaa ngunofwanelawee m’lambela thitho unofwanela m’labelanga liye baa-i.’

Yesu angaongile vyevyi, Namanami-a atoom’iya thitho angelo tatoodha dha’mva-a yodya. Vyevi vingamadhi, Yesu atooroma laleela milanyu yapama ya Umwene. Yen’na yali basa yam’rumile Nlungu ira adhalabe. Atu tanoodhiveliwana vyafunji-a Yesu thitho tanom’arela uliwethene wadhowa liye.