Yesu atoocheni-a kachisi

Yawa ya 30 C.E., Yesu atoodhowa wu Yerusalemu vahora ya pwando la paskwa. Atu anjinji tatoodhowa wu Yerusalemu maira pwandoli. Vahora yen’na, atu tanoovelela sembe dha nyama kachisini. Enango taira dhana nyamadhi, mbwenye enango tagunle wu Yerusalemu weo.

Yesu angavolowile kachisini, atoofwanya atu taguli-anga vinyama mwemo. Atu enango katadhowele malambela Yohova! Mbwenye tadhowele maganyali kobri. Hora yeniyene, atootukula go-i nousaka-edha khala ninga ichamu yokwapulana. Moi ee-no atooroma tamangi-a ng’ombe dhali kachisinimo. Atoondunya mameza aatu taira goswao nokutulela vathi kobri dhiwa. Atoawandela atu aguli-a kangaiwa ira: ‘Kumi-animo vyevi muno, nyumba ya babanga kamuisanduche limburo loirelamo goso.’

Atu tatoodabwa maningi na vyongo vyairile Yesuvi. Anamafunjedhee tatothuulela vya ulosi oonga ira: ‘Ndinodhakala odhivelela mamningi vanyumbani va Yohova.’

Yawa ya 33 C.E., Yesu atoocheni-a kachisini votamangi-a atu aira goso vanyumbani va Yohova. Liye kaarumeli-idhe ira mutu uliwethene anyozenga nyumba ya Yohova.