Agosto

Kaonani makundo menli ofuneya anofwanya i-yo va salimoli: (1) Atu olongomana tanogumanana nyarwa. (2) Yohova unonivulumucha nagumanangana vyowesedha. N’nga Yohova unonivulumucha a-vi? Ndhila imbo-i kunikami-a ira nionenga vyongo mofwanelela. Angalive ira Yohova unolanyedha ira nisangalalenga namlabelanga, liye kaongile ira kaninagumanengana nyarwa malamboano. (Esa. 66:14) Liye unonilimbi-a ira nithuulelenga vya hora inofuna i-yo dhakaana ingumi yosangalala modhowa nodhowa. (2 Ak. 4:16-18) N’nga chini inafunjevo i-yo kumela waarumiwi awale thitho amalamboano. (Mal. 3:22-24) Ninooda gumanana nyarwa dho-odedi-edhela. Mbwenye akala ira ninomnyindela Yohova liye kanodha imwanana nikami-a.—Sal. 55:22. w23.04 14-15 ¶3-4.

Ninooda funjedhavo yongo vaifwanafwani-o ya Yosefe na Mariya enao tali okozeya vwela anamatonga aandimuwa andimuwa angalive ira vyali vyorucha irana vyevyo. (Luk. 2:1-6) Mariya vyana liye wise ya medi 9, liye na Yosefe tatoowandeliwa ira taire vyongo vyorucha. Agusto wenuo ali namatonga muumwene wa Aroma, ali angatongile ira atu tamalembeliwe. Yosefe na Mariya tanofuneela wenda ulendo orucha ovira myangoni dhowa Betelehemu weo wali wa makilometuru 150. Ulendula wali orucha maningi simbwasimbwa wa Mariya. Aliwa tanookumbanyedha maningi ingumi ya Mariya na ya mwana afuna baliwa. N’nga vyakale a-vi aakale ira marendao taromile tangali ndhila? Liye adedi-edha dha bala mwana afuna dhakala Mesiya. N’nga vyevi vyatoiri-a ira ta-avwele lamulo la guverno? Yosefi na Mariya katarumeli-idhe ira vyongo vyevi vyaaimwanani-e vwela lamulo. Yohova atoaraeli-a namwasa ovwela wiwa. Mariya atoofiya phama wu Betelehemu, atoobala mwana wa manungo aphama thitho atookami-a ira ulosi wa Bibilyani ukwakwaneli-edhiwe!—Mik. 5:2 w23.10 8 ¶9; 9 ¶11-12

N’nga a-vi akala ira munoova wakula vamigumanoni? Yongo inaukami-eni khukozeelenga pama. (San. 21:5) Mwauidhiwa pama vinoonga mwasuo, kavinokala vyorucha wakula. Mbwenye vyowakula vinyu vikalenga vyogwandela. (San. 15:23; 17:27) Kamunaovenga maningi wakula vyowakula vyogwandela. Mwawakulanga mogwandela thitho madhwinywene, munothonyi-edha ira mutokozeela pama thitho mutovwechecha vyevyo vinofunjedhanyo. N’nga a-vi akala mutodhilimbi-edha a-rela enango mwamalangi-oala, mbwenye munoona ira munoovave wakula fendo mbili venango kwaranya? Kamukaikelenga ira Yohova unousimbani ira munodhilimbi-edha irana vyevyo vinaoda nyo. (Luk. 21:1-4) Mbwenye irana vyevyo vinaodanyo, kunothapulela kalanga opingeya. (Afl. 4:5) Muonenga vyevyo vinaodenyo irana, mudhi-elelenga vifunelo vyoi muviirenga thitho mulobelenga ira mwa-aovega. Munooda roma naifunelo yoi muwakulenga mogwandela fendo imbo-i. w23.04 21 ¶6-8

Rumiwi Paulo atoonifwanafwani-edha na anyakondo enao tali okozeya thitho wara vyowara vyau nyakondo. Nyakondo akala vabasanivee, hora dhothene unodedi-edheliwa kala okozeya koma kondo. Saasawa thitho na i-yo. Ninodhowanave kozeela dambo la Yohova vowara yovibarelana vamirimani yairoromelo, yaudhivela thitho ichapowa yaivulumucho. Yovibalelana vamirimani yanoobarela rima wa nyakondo. Iroromelo na udhivela, unovunela rimi-u opipirisa. Makalelwala anonikami-a ira nidhowenave mlambela Nlungu thitho msazi-edha Yesu. Iroromelo inonikami-a kala osikimizela ira Yohova unodha niva-a yotuva namwasa omfunafuna na rima othene. (Aeb. 11:6) Unonikami-a thitho kalave ororomeleya wa namasogololi-u Yesu, angalive ira ninogumanana nyarwa. Ninooda limbi-a iroromelwi-u ira nivilelenga nagumanangana nyarwa. Vothuulela vifwanafwani-o vya malamboano vyaatu enao takanleve ororomeleya angalive ira tanooni-iwa nyarwa venango gumanana nyarwa dhafuma. Ninooda rambela ngo-i odhiveliwana kobiri vosazi-edha atu enao tasakunle kaana ingumi yo-ofuna vyongo vinjinji naifunelo yoi ta-elenga vyongo vya Umwene valimburo loroma. w23.06 10 ¶8-9

Mumvepenga Yohova ira aukami-eni kala odhikondi-a. Dhikondi-a unofuneya thitho ira niire vyongo vyapama simbwasimbwa akala ira vinofuna i-yo iravyo pyorucha venango kanina rima ofunechecha viirana. Muthuulelenga ira dhikondi-a ndi imbo-i mwa makalelo enao zimu ochena anokumi-a aliwa, ee-no muvepenga zimu ochena wa Yohova ira uukami-eni kaana kalelo lofuneyali. (Luk. 11:13; Agl. 5:22, 23) Kamudedi-edhelenga ira vyongo vikale pama. Muilamboi kavali hora yoi vyongo vyothene viniwendelenga pama. Akala ninooda dedi-edha ira vyongo vikale pama, kaninaode kwakwaneli-edha ifunelwi-uMuromenga mwavang’ono navang’ono. Hora dhinango kaninaode kaana rima ofunechecha kwakwaneli-edha ifunelo yi-u, namwasa oi ifunelwi-uiyo inooda oneyanga ninga njorucha. Akala mwemo ndi moda ulinyo, n’nga munooda roma na vyongo ving’onoving’ono vokwakwaneli-edha ifunelwiyo? Akala ifunelwinyu choi mukaena kalelo n’nangolee munoona a-vi nyo roma lithonyi-edha kalelolo mundhila dhing’onodhing’ono? Akala ira ifunelo inyu choi muleringa Bibilya, munoona a-vi nyo roma leringa hora yoyeva? w23.05 29 ¶11-13

Malambo omari-ala, Yohova ukadhi a-indi-edhanga basa gululee voniva-a yodya yauzimu naifunelo yoi i-yo othene nidhowenave wenda va “ndhila yochena.” (Esa. 35:8; 48:17; 60:17) Ninooda onga ira mutu arumela funjedha Bibilya, unokaana ngari yoroma wenda va “ndhila yochena.” Enango anowenda vandhilila wa hora yoyeva baa-i amala aliwa kumamo. Vevo atu enango tatosikimiza dhowanave wenda vandhilila fiyedha mafiya unaaliwa. N’nga ana wani? Wa atu enao ana idedi-edho yodhowa dhulu “ndhila yochena” inoafii-a mu “paradaizo wa Nlungu” dhulu. (Apk. 2:7) Waatu enao tana idedi-edho yodhakala vailamboi, ndhilila inoakami-a ira tadhafiye vodhakala olongomana komoni wa vyawa 1.000. Akala munowenda vandhila yen’na kamuing’ane nduli. Thitho kamukumevo fiyedha mungafiile muilambo ipya! w23.05 17 ¶15; 19 ¶16-18

Vinooda kala vyo-orucha vivelela wa Yohova akala munothuulela vyongo vyothene viuirelene liye. (Sal. 116:12-14) Bibilya linoonga ira Yohova ngunovelela “yotuva iliyothene yapama na yolongomana.” (Yak. 1:17) Yotuva ilukulu iniva-idhe liye ndi sembe ya Mwanee Yesu. Kathuulelani, kuto utoiri-a kala vyoodeya i-yo kala vauxamwali na Yohova. Kuto utoukami-ani ira mukaena ngari yodha kaana ingumi yokalao dhowa nodhowa. (1 Ju. 4:9, 10, 19) Vivelela ndi ndhila yapama yothonyi-edha ira munosimba riya rima ulukulu wa Yohova uuthonyi-edheni liye na maraeli-o othene anouva-ani liye.—Dot. 16:17; 2 Ak. 5:15. w24.03 5 ¶8

Makalelo othakala ali muilamboi anooda niiri-a dhivwa ninga mwemo mwadhivwele Loti, wenuo ali olongomana. Liye “atoorucheya rimani maningi namwasa ovolowela waatu o-ovwela malamulo mwamakalelwiwa o-ozindiyela,” oidhiwene ira Babi-u wadulu unoidanana makalelo othakala. (2 Pe. 2:7, 8) Ova thitho mdiveliwana Nlungu watom’mwiri-a Loti ira arambele makalelo othakala aatu tamrungunuwile tana aliwa. I-yo thitho nitorungunuwiwa naatu othakala enao ta-anolemeza makundo a Yohova amakalelo apama. Masiki agalive e-no, ninooda kaana makalelo apama akala ninodhowanave mdiveliwana Nlungu thitho mlemeza maningi. (San. 14:2) Vofuna nikami-a irana vyevi, Yohova unonilimbi-a mwaudhivela vo-indi-edha basa buku la Sanganiko. Makristau othene, alombwana, a-iyana, naa-ima thangani-avo andimuwa oulula tanooda ganyali maningi vo-arela malangi-o azelu ofanyeya mubukhuli. Naovanga Yohova vinonikami-a ira na-aire vyongo vyotakala nom’sukwali-a. w23.06 20 ¶1-2; 21 ¶5

Venango nyo munogumanana nyarwa ninga runi-iwa naabalinyu venango mwato-iya vyongo vinango ira mwa-akaena vyongo vinjinji naifunelo yoi mu-elenga vyongo vyokuza Umwene wa Nlungu valimburo loroma. (Mat. 6:33) Akala ndi e-no idhiwani ira Yohova unoona vyongo vyothene vinoira nyo vom’labela mororomeleya. (Aeb. 6:10) Venango nyo mutoona kwakwaneli-edhiwa wa madhu a Yesu oonga ira: “Kavali mutu u-iidhe nyumba, abalee, arongolee, m’mee, babee, a-ima venango minda namwasa wa miyo thitho namwasa wa milanyu yapama, oi va-eni kanofwanya vyongo vyoinjiva weli-edha fendo 100 hora ino. Liye unodha fwanya nyumba, abalee, arongolee, m’mee, a-ima na minda, thitho a-ra-ariwa, mbwenye hora inodhiyo, unodha kaana ingumi yo-omala.” (Mrk. 10:29, 30) Maraeli-o anofuna nyo dhakaana, anodha kala malukulu kwaranya vyongo vyavimanile nyo.—Sal. 37:4. w24.03 9 ¶5

Makristau au Yudeya vahora wali aliwa dhala ilukulu, makristau a pingo wau Antiyokeya “tatosikimizela rima tumiza pedhelo nlilothene laode aliwa wa abali okala wu Yudeya.” (May. 11:27-30) Angalive ira Makristau enao takuziwile na ndhalila takala undendai, Makristau au Antiyokeya tali osikimiza rima ira taakami-e. (1 Ju. 3:17, 18) I-yo thitho malamboano ninooda thonyi-edha tangaranga akala Makristau afwi-u tatokuziwa na masoka avilengo venango nyarwa dhinango dhilukulu. Ninooda iravo yongo mombaranya, venango fuka andimuwa avapingoni akala ninooda laba basa lovelela kami-o, vovelela kobiri dhokami-ana va basa yavailambo yothene yavathi thitho vowalobelela enao takuziwile. Abali-u naarongoli-u thitho tanooda fwanya vyofuneya vya vaingumi. Dhoweni nidhilimbi-edheni ira vevo Mweni-u, Kristu Yesu, adhadha ira atongenga, adhanifwanye nithonyi-edhanga tangaranga thitho adhaniwandele ira: “Volowani mu Umwene.”—Mat. 25:34-40. w23.07 4 ¶9-10; 6 ¶12

Yesu anom’sazi-edha Yohova vamwasa ololela. Liye atorumiwa vailambo yavathi ira adhalaleele wa “mabila odimela anyumba ya Israeli.” Mbwenye atoothonyi-edha ira ali ololela vevo vaira liye urumiwee. Vahora inango m’ma unango oi kaali wa Israeli atom’vepa ira am’mwili-edhe mwanee wa i-yana wenuo ana “iwanda yoopi-a.” Mwatangaranga Yesu atoira vyevyo m’muo vyamvepile liye thitho atom’mwili-edhela mwaneuo. (Mat. 15:21-28) Kathuulelani thitho ifwanafwani-o inango. Maromelo wa urumiwee, Yesu atoonga ira: “Uliwethene ondikonda . . . , Miyo thitho ndinodha mkonda.” (Mat. 10:33) Mbwenye Yesu kaa-iidhe Pedru angalive ira Pedru ali angakondile fendo dhiraru. Yesu atoidhiwa ira Pedru ali angachinyuwile thitho ali ororomeleya. Yesu angaveyathi-iwile, atoodhowa maoneela wa Pedru thitho pyoidhiweya ira atom’sikimizela ira atom’levelela thitho unomdhiveliwana. (Luk 24:33, 34) Yohova na Yesu Kristu mbololela. N’nga a-vi wa i-yo vano? Yohova unodedi-edha ira i-yo thitho nikalenga ololela. w23.07 21 ¶6-7

Movwelana na vifunjedhile i-yo, n’nga ninakami-e a-vi atu anokaikela yolanyedha ya Nlungu yokuza paradaizo? Yoroma, uongile yolanyedhai ngu Yohova. Bukhu la Apokalipse linoonga ira: “Nlungu ukaathide vapandoni wa umwene aongile ira: ‘Kaonanai! Vyongo vyothene vinosaka-edha miyo ndi vipya.’” Liye utokaana zelu na kopolo thitho unofunechecha angakwakwaneli-edhe vyolanyedhavyee. Yanambili, pyo-okaikeli-a ira yolanyedhai inodha kwakwaneli-edhiwa thitho wa Yohova vinokala ninga vitomala kwakwaneli-edhiwa wale. Voi liye aongile ira: “Madhu enala mbonyindeleya thitho mbaimbarimbari. . . . Vitokwakwaneli-edhiwa.” Yaneraru, madhu oonga ira, “miyo ndili Alefa na Omega,” (Apk. 21:6) anosikimizeli-a ira Yohova aroma yongo kano-iyachi a-anakwakwaneli-edhe. Vyevyo vinofuna dhaira Yohova, vinothonyi-edha ira Satana ngonama thitho utoimwanana. Mutuo unoonga ira, “vinovweya phama mbwenye pyorucha viroromela,” muleri Apokalipse 21:5, 6 nom’mwandela vyaongile Yohova vosikimizela yolanyedhiyo, vyevyo vili ninga unosinarela madhwee.— Esa. 65:16,16. w23.11 7 ¶18-19

Yohova atolanyedha Abrahamu,.vahora yana liye vyawa 75, ali a-anakaena mwana. N’nga Abrahamu atoona vyongo vyothene vyokuza yolanyedha vikwakwaneli-edhiwanga? Kabe. Pyaimbarimbari ira angavandenle i-nje wa Firate nodedi-edhela wa vyawa 25, Abrahamu atoona baliwa wa mwanee Isaki wewo wali odabwi-a thitho vangavirile vyawa 60 atoona thitho baliwa wa vidhuuluvyee Esau na Yakobo. (Aeb. 6:15) Mbwenye Abrahamu kaafiyedhele ona atu tainjivanga nokala ziza nlukulu nowachela ilambo yolanyedhiwa. Angalive ee-no, lombwana ororomeleula atokala vauxamwali olimba na Namapanduchee. (Yak. 2:23) Thitho tadhavenyathi-iwa muukwani tanodha sangalala idhiwa ira maziza othene aatu tatoraeli-iwa na mwasa wa iroromelo thitho leva wiwa rima! (Mar. 22:18) N’nga ninofunjedhavon’ni? Venango i-yo thitho kaninaode ona vyolanyedha vya Yohova vikwakwaneli-edhiwanga, mbwenye nakala oleva rima ninga Abrahamu ninooda kala osikimiza ira Yohova unodha niraeli-a maningi muilambo ipya yeniyo ilanyedhile liye.—Mrk. 10:29, 30. w23.08 24 ¶14

Mwene Uziya angali zombwe ali odhiyevi-a. Liye atofunjedha ‘m’mova Nlungu waimbarimbari.’ Liye atokaana ingumi wa vyawa 68 thitho Yohova atom’raeli-a wa vyawa vinjinji vaingimiyee. (2 Li. 26:1-4) Uziya atongonji-a amwidane anjinji Aisraeli thitho atoonechecha ira sidadi ya Yerusalemu chovuneleya. (2 Li. 26:6-15) Pyo-oira fuka ira Uziya anosangalala na vyongo vyothene vyevyo Nlungu vyam’kami-idhe liye irana. (Nam. 3:12, 13) Mwene Uziya ali angalemeele wandelanga atu enango vyoira. N’nga Venango ndi vyevyo vyamwiri-idhe ira athuulele ira unodha irana iliyothene yeyo yafuna liye? Dambo n’nango Uziya atoira vyongo modhigweli-a. Liye atovolowa kachisi wa Yohova noroma velela sembe dhoka-a va guwani, vyevyo mamwene katarumeli-iwa. (2 Li. 26:16-18) Ndimuwa waalimbo velela sembe Azariya atodhilimbi-edha m’kondi-a mbwenye liye atothakaleliwa maningi. Pyovwi-a tangaranga ira Uziya atoononga limbililee lokala ororomeleya thitho Yohova atom’langa vomwiri-a kaana vikutwe. (2 Li. 26:19-21) Vyongo vingam’mwedenle phama akaleve odhiyevi-a. w23.09 10 ¶9-10

Masiki vasogolo vozoziwa, rumiwi Pedru anodawi-ave vyongo vinango. Mu 36 E.C., liye atookalavo vevo Cornelius vya zoziwile liye na zimu ochena. Wena ali umboni ooneelatu ira “Nlungu kana sakulo” thitho ira atu amaziza enango tatokaana ngari yokala pingoni wa Ikristau. (May. 10:34, 44, 45) Vasogolo va vyevi Pedru anoothathuwa udya naatu amaziza enango vyongo vyoi voroma kaaviirana. Mbwenye Makrustau enango Aiyuda kataona ira kofwanelela ira Ayuda tadyenga vambo-i naatu amaziza enango. Ayuda enango enao tana mathuulelo ninga enala tangadhidhe wu Antiokeya, Pedru atoo-iyachi udya na abalee amaziza enango venango voova ira unodha asukwali-a Ayudao. Rumiwi Paulo angaoni vyongo vyainyengo vyairile Pedru, atom’sumulula vamethoni vaatu othene. (Agl. 2:13, 14) Masiki ira liye atoodawi-a vyongo vyevi kavyam’muiri-idhe fooka. w23.09 22 ¶8

Dhisakasaka moona rima unoukami-ani ira muidhiwe ikundu inango yeyo inofuneela nyo sakayedha, thitho kamunofwanela tatila rima. “Mbwiye ngoriya rima” thitho unodha ukami-ani. (1 Pe. 2:3) rumiwi Pedru atonisikimizela ira: “Nlungu . . . Unodha mari-a ufunji-ani thitho unodha ulimbi-ani.” Vahora inango, Pedru adhiona ira kai ofwanelela kala duzi na mwana Nlungu. (Luk. 5:8) Mbwenye mokami-iwa na Yohova thitho Yesu, liye atodhowanave m’arela Kristu mororomeleya. Ee-no Yohova atorumela ira Pedru ‘avolowe mwatitimi-o muumwene o-omala wa mbwiye na namavulumuchi-u Yesu Kristu.’ (2 Pe. 1:11) Yen’na yali ngari yapereso yavadhulu. Akala nyo thitho munodhowanave kala ororomeleya ninga Pedru, norumela funji-iwa na Yohova, munodha wachela ingumi yo-omala. “Iroromelwinyu inodha iri-a ira vingumi vinyu vidhavulumuwe.”—1 Pe. 1:9. w23.09 31 ¶16-17

Sasuo watokaana limburo lelo lamangeliwile panda weo alimbo velela sembe walaba aliwa basaliwa. Mulimburoli mwatookala iguwa ilukulu yam’kuwa na basiya lam’kuwa mokala ma-inje lelo alimbo velela sembe la-indi-edha aliwa basa vofuna dhicheni-a ta-anarome laba basaliwa lopambuleya. (Eki. 30:17-20; 40:6-8) Kachisi wadhidhe dhamangiwa vasogolovee, watookaana limburo laundhe, weo waimela atu oi kai alimbo velela sembe nom’lambelanga Nlungu. Ndhila yolambelela ya Makristau. Abalee a Yesu ozoziwa ta-anadhowe malaba na Yesu dhulu ninga alimbo velela sembe, anolaba basa mwathindhi vailamboi mumamburo amwari mwakachisi wauzimu. Basiya nlukulu la mwari mwakachisi linoathuucha ozoziwa thitho Makristau othene ira anofwanela kaana makalelo aphama thitho ochena mwauzimu. N’nga “amwinji nlukulu” enao anokami-a mororomeleya abalee a Kristu ozoziwa, anom’labela Yohova tangali wani? Rumiwi Juwau atowaona “tangaimenle vamethoni vapando waumwene,” vyevyo vinothonyi-edha ira tali mulimburo laundhe lavailambo yavathi weo “unom’labela aliwa Nlungu urumiwi wavakundu thana na ma-iyu mukachisee.” (Apk. 7:9, 13-15) Ninosimba maningi ngari yapereso yavadhulu iniva-idhe Yohova, yolambela kachisinimwee nlukulu wauzimu. w23.10 28 ¶15-16

Yohova unoniva-a thitho kopolo vo-indi-edha basa andimuwa avapingoni. (Esa 32:1, 2) Ee-no mwakala osukwala muwandelenga andimuwa avapingoni nyarwa dhinyu. Taukami-angani, muwachelenga pedhelolo thitho simba. Yohova unooda a-indi-edha basa ira tauva-eni kopolo. Vyolanyedha vya Bibilyani vinooda niva-a ngari yodhakaana ingumi muilambo yavathi. Paradaizo venango mu Umwene wadhulu ninooda kaana kopolo. (Aro. 4:3, 18, 19) Idedi-edho yi-u inodha nikami-a ira nivilelenga vyowesedha, nilaleelenga milanyu yapama thitho nilabenga pama urumiwi uliothene wari mwa pingo. (1 At. 1:3) Idedi-edho yei njam’va-idhe rumiwi Paulo kopolo. Liye “atosanyiwa” “gomiwa zelu” “oni-iwa nyarwa” thitho “gwi-iwa vathi.” Hora dhinango ingumiyee yali vangovini. (2 Ak. 4:8-10) Paulo atofwanya kopolo nolimba rima namwasa o-ela mathuulelwee va indedi-edhwee. (2 Ak. 4:16-18) Thuulela vya idedi-edhwee watom’kami-a Paulo. Paulo anothuulela maningi vya sogololee. Liye atoonga ira idedi-edhwee yodhowa makaana ingumi dhulu yali “yatitimi-o nlukulu” thitho yanokwaranya nyarwa dhagumanana liye. Paulo anothuulela vya idedi-edho yei thitho yatom’kami-a ira “akale m’pya dambo na dambo.” w23.10 15-16 ¶14-17

Nalobelanga ninofwanela vifuka iran’nga yen’na ndi hora yoi Yohova andiva-e vinovepha miyo?’ Venango ninooda funanga ira Yohova awakule malobelwi-u vahora yeniyene. Mbwenye imbarimbari choi, Yohova unoidhiwa hora yapama yoi anikami-e. (Aeb 4:16) Akala kaniva-iwile vahora ivephile i-yo venango ninooda onanga ira Yohova utokonda vivephile i-yovyo. Mbwenye venango vinodha kala ira utowakula ira: “Undidedi-e vang’ono.” Ifwanafwani-o vamwasa wen’na ngu bali wazombwe um’mongile i-yo maromelou. Liye atom’vepha Yohova ira am’muili-e. Aa-kale ira Yohova utom’muili-a modabwi-a, Satana angaongile ira Baluo unodhowanave m’lambela Yohova namwasa oi utom’muili-a. (Yob 1: 9-11; 2:4) Wenjedhela vevo, Yohova utosaka-edha hora yoi amali-e marenda othene vailambo yavathi. (Esa 33:24; Apk. 21:3, 4) Ee-no, kaninodedi-edhela ira Yohova aili-enga atu modabwi-a maningi malamboano. Mbwenye baluo angam’vephile Yohova ira am’va-e kopolo, rendele warimani, avilele marendao thitho adhowenave m’lambela mororomeleya. w23.11 24 ¶13

Samisoni ali angadawi-idhe vyongo vinjinji mbwenye kam-iidhe mlambela Yohova. Liye ndhila yoi akwakwaneli-edhe urumiwee wava-iwile liye na Nlungu ongonji-a Afilisiti. (Ana. 16:28-30) Samisoni atovepha wa Yohova ira: “Mundirumeli-e ira ndaaweli-edhe Afilisitala.” Nlungu waimbarimbari atom’mwakula thitho atomva-a kopolo okoka dhodabwi-a. Ee-no vahora yen’na Samisoni atopha Afilisiti anjinji kwaranya ndulimu. Angalive ira Samisoni atogumanana nyarwa dhilukulu namwasa odawi-a vyongo, liye kaa-iidhe mlabela Yohova. Ee-no masiki nidawi-e yongo, sumululiwa, ii-iwa izo venango urumiwi unango kaninofwanela fooka. Nithuulelenga ira Yohova ngokozeya nilevelela. (Sal. 103:8, 9) Angalive ira ninodawi-a vyongo, nithuulelenga ira Yohova unooda ni-indi-edha basa ninga mwemo mwairile liye na Samisoni. w23.09 6 ¶15-16

Navilelanga vyowesedha ninokala orumeliwa wa Yohova. Vyevi kavinothapulela ira Yohova unosangalala nagumanangana vyowesedha venango nyarwa kabe. Malomwe, Nlungu unosangalala na i-yo. Vilela wi-u unoniiri-a ira nikale orumeliwa wa Nlungu. Enala ndimaraeli-o malukulu maningi! (Sal. 5:12) Muthuulelenga ira Abrahamu atoovilela vyowesedha thitho Nlungu atoosangalala na liye. Yohova anom’mona ira ali fwee thitho atoonga ira ali olongomana. (Mar. 15:6; Aro. 4:13, 22) Vyevi vinodha niirelavo thitho i-yo. Kaiira Nlungu unosangalala na injiva wa vyongo vinoira i-yo vom’labela venango vizo vina i-yo. Liye unosangalala na i-yo namwasa ovilela no roromeleya wi-u. Thitho i-yo othene ninofwanela vilela vo-otukulela tunga li-u, moda muli vyongo venango dodoliso li-u. N’nga vatokala vyowesedha vinovilela nyo mororomeleya va-eeni? Akala ndi-eno, vinoulimbi-ani idhiwa ira Nlungu unosangalala na nyo. Idhiwa ira Nlungu unosangalala na i-yo, unooda nikami-a ira idedi-edho yi-u ikale yakopolo. w23.12 11 ¶13-14

Mutu oi ngu Kristau unofwanela funjedha onga phama naatu. Mutu unoonga phama naatu unovuruwana ira azindiyele vinothuulela atu noidhiwa mwemo munowvela aliwa. (San. 20:5) Liye unooda zindiyela vyongo vinango namwasa wa mwemo munovwela liye madhu amutuo, moda unooneya khove na mwemo munoirela liye vyongo. Mbwenye ira muidhiwe vyongo vyothene vyevi, munofwanela waredhanga naatu. Akala hora dhothene munoongecha naatu vo-indi-edha basa telefoni, lemba mamesage, dodoliso linyu loonga phama naatu vamethoni na vamethoni linooda fooka. Ee-no munofwanela dhilimbi-edha tapanyanga naatu vamethoni na vamethoni. (2 Ju. 12) Lombwana olimba mwauzimu unofwanela fwanyanga vyofuneela vaingumiyee thitho vya banjalee. (1 Ti. 5:8) Munofwanela funjedha dodoliso n’nango lelo linaukhami-eni fwanya basa. (May. 18:2, 3; 20:34; Aef. 4:28) Munofwanela idhiweyana ira muli mutu wathindhi thitho mwava-iwa basa munolimari-echa. Mwaira e-no munooda fwanya basa thitho kamunodha khumi-iwa basa. w23.12 27 ¶12-13

Bibilya laonganga vya “dambo la Yohova,” linothapulela dambo lelo linofuna liye dhanonga amwidanee novulumucha atwee. Ndulimu vahora inango Yohova atoononga amwidanee. (Esa. 13:1, 6; Zak. 13:5; Zef. 1:8) Malamboano “dambo la Yohova” linodha roma nonongiwa wa Babulo nlukulu thitho linodha fiya vari va kondo ya Armagedo. Ira nidhavulumuwe “vadambo” leli, ninofwanela kozeela va-eni. Yesu atoofunji-a ira kaninofwanela kozeela “nyarwa ilukulu” mbwenye ninofwanela “dhowanave kala okozeyene.” (Mat. 24:21; Luk. 12:40) Mukartalee lovudeleliwa loroma lalembele liye Makristau oroma au Tesalonika, rumiwi Paulo ato-indi-edha basa vifwanafwani-o vingasi vofuna akami-a ira tadhowenave kozeela dambo nlukulu la Yohova. Liye atoidhiwa ira dambolo kalali vakwikwi vahora yeniyo. (2 At. 2:1-3) Mbwenye atoalimbi-a abaleao ira takozeelenga dambolo ninga linofiya bebe-i thitho i-yo ninofwanela i-ndi-edha basa malagi-o enala. w23.06 8 ¶1-2

Muyawa ya 1970 wu Tokyo ilambo ya Japao, watoomangiwa nyumba dhothandhaedhana dhokwakwana 60. Atu enao taona nyumbila vyamangiwa aliwa, tanoovikumbanyedha namwasa oi sidadinimo mwanoireya vindharandhara. N’nga chini yairi-idhe ira nyumbila iwode limba? Atu adodoliso enao tamanga nyumbila, taimangile ira ikale yolimba thitho iwodenga tekenyeya mbwenye aliwa a-nongeya. N’nga Makristau tanofwanafwana a-vi na nyumbila? Kristau unofwanela kala o-otekenyeya thitho vahora imbo-ive yeniyo, unofwanela kala ololela. Unofwanela kala olimba thitho o-otekenyeya vamwasa o-arela malamulo a Yohova na makundwee. Unokala “okozeya vwela” thitho unodhowanave kala ororomeleya. Mbwenye unofwanela kala “ololela” akala ira pyoodeya venango vyafuneyanga ira vikale ee-no. (Yak. 3:17) Kristau wenuo unoona vyongo mofwanelela va myasa dhedhi, unorambela kwimi-a maningi venango levelela vyongo. w23.07 14 ¶1-2

Yesu afwanela khonda vyowesedha vya Satana Namanami-a thangani-avo vyongo vyam’mwandela liye ira a-akale ororomeleya wa Nlungu. (Mat. 4:1-11) Satana atoovilimbi-edha ira Yesu adawe naifunelo yoi aimwanane velela kuto. Vaurumiwee wavailambo yavathila, Yesu atoovilela vyowesedha vinjinji. Atooni-iwa nyarwa thitho amwidanee anjinji tanootucha ira anom’pha. (Luk. 4:28, 29; 13:31) Afuneela thitho vilela vyongo vyadawi-a anamafunjedhee. (Mrk. 9:33, 34) Vahora yaombiwa liye landu, atooireliwa vyongo vyauwalanga nonyoziwa. Ee-no wukwa wee wali orucha thitho ova-a manyadho. (Aeb. 12:1-3) Afuneela thitho vilela vaikundu yomari-a ya vyowesedha vyagumanana liye vaekene mo-okami-iwa na Yohova. (Mat. 27:46.) Onga mwaimbarimbari, Yesu atoogumanana nyarwa dhilukulu ira avelele kuto. N’nga thuulela nyarwa dhaguman’nena Yesu namwasa ofunechecha velela ingumiyee, unouiri-ani ira mum’dhiveliwengana maningi? w24.01 10-11 ¶7-9

Leva rima unonikami-a nairanga vyongo naatu enango. Ninooda vuruwana mwapama atu enango taonganga. (Yak. 1:19) Leva rima unolimbi-a thitho rendele. Nasukwala, leva rima unonikami-a ira na-aire vyongo mombaranya maningi venango onga vyongo vyevyo vinasukwali-e atu enango. Thitho akala ira nili oleva rima kaninombaranya thakaleliwa mutu mwinango anisukwali-a. Malo moweli-edha “ninodhowanave lolelana nolevelelana na rima wethene.” (Ako. 3:12, 13) Leva rima unooda nikami-a thitho ira nisakulenga vyongo mwazelu. Malo moira vyongo mothamanga rima venango mo-othuulela pama, ninooda sakasaka thitho thuulela vyongo vinofuna i-yo sakulavyo, amala i-yo sakula vyongo vili vyapama maningi. Mofwanafwani-a, akala ira ninosaka basa, ninooda landeya mathuulelo norumela basa. Mbwenye nakala atu oleva rima, ninooda thuulelmwemo basalo munakuzele aliwa banjali-u na uxamwali-u na Yohova. Leva rima unonikami-a ira na-asakule vyongo modaweya. w23.08 22 ¶8-9

Rimani mwanga ndinosangalala maningi na malamulo a Nlungu, mbwenye ndinoona lamulo n’nango manungoni mwanga liwananga na malamulo amathuuleloni mwanga, nondiiri-a kala dhaari wa lamulo la vyodawa lelo nli manungoni mwanga.” Nyo mwafooka namwasa wa vyongo vyothakala vinothuulela nyo, thuulela vyongo vyam’lanyedhile nyo Yohova vahora yadhivelela nyo, unooda uva-ani kopolo ira muodenga limbanana vyowesedha vyothene vinagumanengana nyo. Moi avi? Mwavivelela wa Yohova, munodhikonda mwekene. Vyevyo vinothapulela ira munokonda vyolavela na vifunelo vinyu vyevyo vinoona nyo ira kavinom’sangalali-a Yohova. (Mat. 16:24) Mwaira e-no, mwagumanangana vyowesedha kamunodha dembuwa thuulela vyongo vinaire nyo. Munodha kala mungamadhi idhiwa wale vyoira nokalave ororomeleya wa Yohova. Munodha funechecha dhowanave m’sangalali-a Yohova. Mwairangana vyevyo munodha landana na Yobo. Angalive ira Yobo atoogumanana vyowesedha viluku, liye atoonga mosikimizela rima ira: “Kandinodha i-ya kala ororomeleya.”—Yob 27:5. w24.03 9 ¶6-7

Yohova “Nlungu waudhivela,” uli na i-yo! (2 Ak. 13:11) Liye unodhiveliwana mutu uliwethene vaekhene. Kaninokaikela ira hora dhothene “unonithonyi-edha udhivelee ororomeleya.” (Sal. 32:10) Nathuulelanga maningi vya mwemo munonithonyi-edhela liye udhivelee, paevo thitho vanokala i-yo vauxamwali olimba maningi na liye. Ninooda lobela mothathuwa nom’mwandela mwemo munosimbela i-yo udhivelee. Ninooda m’mwandela vyongo vyothene vinonikhumbanyi-a nororomelanga ira unonivuruwana thitho ngofunechecha nikami-a.Sal. 145:19. I-yo othene ninokopeyana udhivela wa Yohova ninga mwemo munoirela i-yo na mulo undhe wadidilanga. Udhivela wa Yohova ngwakopolo thitho unouthonyi-edha moriya rima. Ee-no musangalalenga namwasa oi Yohova unoudhiveliwanani. Vyevi vinoniiri-a i-yo othene onganga mosangalala ira “Ndinom’dhiveliwana maningi Yohova.”—Sal. 116:1. w24.01 31 ¶19-20

Yesu atooirana vyongo vinjinji kwaranya idhiwi-a atu ira dhina la Nlungu ngu Yohova. Ayuda enao aafunji-a liye tali tangamadhi idhiwa wale dhina la Nlungu. Mbwenye Yesu atoovelela ifwanafwani-o yaphama namwasa oi “ngu liye aonga vya Nlungu.” (Ju. 1:17, 18) Mwaifwanafwani-o, malemba Aieberi anothonyi-edha ira Yohova ngu Nlungu watangaranga thitho oriya rima. (Eki. 34:5-7) Yesu atoovwei-a phama likhundo laimbarimbarili vevo vaongile liye ifwanafwani-o ya mwana opupuruwa na babee. Naleringani vyevyo vyairile babula angam’moni mwanee ira utochinyuwa, “angali vandandai,” atoom’tamangela, nom’kumbarela thitho m’levelela na rima wethene, ninovwechecha phama tangaranga no riya rima wa Yohova. (Luk. 15:11-32) Veva Yesu atookami-a atu vwechecha imbarimbari yokuza mwemo Babee mukalele liye. w24.02 10 ¶8-9

Yohova unodidili-a atu anongumanana vyowesedha. N’nga ninasazi-edhe a-vi Yohova vothonyi-edha tangaranga waatu enango thitho adidili-a? Ndhila imbo-i yeniyo inairile i-yo vyevi ndi ulukuli-a khaleloli rimani mwi-u vodidili-a atu enago. N’nga mbaavi enango mwamakhalelo ala? N’nga chini inanikami-e ira “nikaena udhivela unanikami-e ira nididili-engana” dambo na dambo? (1 At. 4:18) Ninofwanela kaana makalelo ninga vwela atu enango tangaranga, dhiveliwana abali thitho ariyela rima (Ako. 3:12; 1 Pe. 3:8) N’nga makalelo enala ananikami-e a-vi? Nakaana makalelo ninga aaongile i-yo ala, kaninairele munango mbwenye didili-a atu enango baa-i. Yesu aongile ira: “Ninoonga vidhanle rimani mwi-u. Mutu waphama unoonga vyongo vyaphama namwasa oi rimanimwee mudhanle vyongo vyaphama thitho mutu othakala unoonga vyongo vyothakala namwasa oi rimanimwee mudhanle vyongo vyothakala.” (Mat. 12:34, 35) Didili-a abali naarongoli-u anogumanana nyarwa, ndi ndhila imbo-i yothonyi-edha ira ninoadhiveliwana. w23.11 10 ¶10-11

Ninofwanela m’vepa Nlungu ira anikami-e vwechecha maulosi a Bibilyani. Kathuulelani ifwanafwani-oi. Kafwanafwani-edhani ira munowenda mutatamo la ilendo mbwenye fwinyu unom’muendana nyo utoidhiwa pama tatamolo. Unoidhiwa pama valinyo thitho unodhowa nyo. Pyo-okaikela ira munokala osangalala ira fwinyuo utorumela ira awende na nyo. Mofwanafwana na vyevi, Yohova unoidhiwa pama hora inokala i-yoi thitho vinofuna dhaireya sogolou. Ira nivwecheche maulosi a Bibilyani, modhiyevi-a ninofwanela m’vepa Yohova ira anikami-e. (Dan. 2:28; 2 Pe. 1:19, 20) Molandana na anamabala audhivela, Yohova unofuna thitho ira a-imee takaena sogolo la pama. (Jer. 29:11) Mbwenye mo-iyana na anamabali-u, Yohova unooda ongelatu vyongo vinofuna dhaireya sogolou movweya pama maningi. Liye atoorumeli-a ira maulosi alembiwe mu Madhwee na ifunelo yoi niidhiwe vyongo vyofuneya vya-anaireye.—Esa. 46:10. w23.08 8 ¶3-4