Mu-indi-edhenga basa ixibukhu na bukhu loonga ira Ingumi yokalao dhowa nodhowa! muurumiwini

Tipama kaana broxura lipya na bukhu ira ni-indi-edhenga basa vofunjedha Bibilya! Mwaimbarimbari i-yo ninave lobela wa Yohova ira araeli-e vilimbi-edha wi-u vosaka anamafunjedha. (Mat 28:18-20; 1Akor 3:6-9) N’nga nina-indi-edhe a-vi basa mafarameto mapyala?

Ndhila dhina-arelenga i-yo vo-indi-edha basa bukhu loi Ingumi yokalao dhowa nodhowa! dhinodhakala dho-iyana na dhalemeele i-yo. Vikundu vyo-arelavi vinodha ukami-ani kozeela iri-a funjedha Bibilya wavanyumbani.a

• Muleri myasa yothene no i-ndi-edha basa vyofuka ira muode tapanya mwasuo na namafunjedha

• Muleringa vambo-i na namafunjedha maversu anodha vambo-i na malangi-o anodha vaikundu yoi “muleri” nomkami-a namafunjedhuo vwechecha mwemo malembao munovwelana aliwa na mwasuo

• Oni-ani vidiyo thitho i-ndi-edhani basa vyofuka ira mutapanye makundo a vidiyonimo

• Dhilimbi-edheni funjedha muru wethene vakadha yofunjedha

Malaleelo, yoroma mumva-enga broxura ira muone akala mwaimbarimbari mutuwo unofuna funjedha. (Onani kwadru loi “Ninagawele a-vi broxura loi Ingumi yokalao dhowa nodhowa vaulendo oroma” vathakuru 16.) Akala nyo mutomala funjedha broxura lipubula thitho namafunjedha unofuna dhowanave funjedha, iyedheni bukhulo thitho dhowananive funjedha va yofunjedha 04. Akala nyo mwanofunjedha Bibilya na mutu mwinango vo-i-ndi-edha basa bukhu loi N’nga Bibilya linonifunji-an’ni? Venango Mulungu Azikukondani Chinjani noroma funjedha bukhu loi Ingumi yokalao dhowa nodhowa. Nyo kamunofwanela romela vamuru oroma wa bukhuli. Sakulani yofunjedha yofwanelela yovwelana nodhowa vasogolo wanamafunjedhuo.

ONELANI VIDIYO BEM-VINDO AO SEU CURSO DA BÍBLIA, MWAMALA WAKULANI VYOFUKAVI:

• N’nga anamafunjedha tanafunjedhevo n’ni na bukhu lipyali?

• Mwasiwa ngwan’ni pyofuneya vinjinji oni-a vidiyonwila wa anamafunjedha achineneeva?

• N’nga pivifunelo viivi vyevyo vinamkami-e nyo namafunjedha Bibilyinyu kaana?—“Onani kwadru va thakuru 16”