MURU OFUNJEDHA 23
Anamabala—mukami-enga a-iminyu ira tamdhiveliwengana Yohova
“Umdhiveliwengana Yohova Nlungwaa na rimao wethene, Ingumiyaa yothene, namathuulelwaa othene.”—MAT. 22:37.
NYUMBO 134 Ana Ndi Mphatso Yochokera kwa Mulungu
VINOFUNA I-YO FUNJEDHAa
1-2. Ongani mwemo makundo a Bibilyani munokalela aliwa ofuneya maningi vyongo vyachinja vaingumi yi-u.
VADAMBO la kazamento, namathela unokala owarela pama na-iyanee obaleya, thitho tanovuruwana mopwasedha mwasa wakazamento waongiwanga. Kinokala fendo yoroma vuruwana makundo anoongiwao. Mbwenye romela dambo lelo dhowa sogolo, makundo enao anokala ofuneya maningi waaliwa. Mwasiwa ngwan’ni? Namwasa oi tanoroma aa-indi-edha basa ninga atu avabanjani.
2 Saasawa thitho naanamabala Amakristau takaana mwana. Pyovweya ira wavyawa vinjinji, aliwa tanokala tavuruwananga, myasa yokuza malangi-o okuza lela a-ima. Mbwenye vahora yen’na anofuneela maningi malangi-o enala. Tanokala ira tatokaana mwaniwa ira tamlele. Yei chiizo ilukulu! Onga mwaimbarimbari, chinja wavyongo vaingumi yi-u unooda iri-a ira nichinje moda unaonela i-yo makundo a Bibilyani, oidhiweya pama. Wen’na ngumbo-i mwamyasa dhedho anamalaba a Yohova inoleri aliwa thitho thuulela modi-a malemba “malambo othene” aingumi yiwa, ninga mwemo mwawandeliwile mamwane au Israeli.—Dotor. 17:19.
3. N’nga chini inofuna i-yo tapanyani muyofunjedha yei?
3 Anamabala, mutokaana ngari ilukulu yeyo Kristau inokaana liye, yofunji-a a-iminyu vyokuza Yohova. Mbwenye vatokala vinjinji vinofwanelanyo ira, kwaranya voakami-a idhiwa vyokuza Nlungwi-u. Munofuneela akami-a a-iminyu ira tamdhiveliwengana maningi. N’nga munaakami-e a-vi a-iminyu ira tamdhiveliwengana Yohova? Muyofunjedha yei ninotapanyani makundo 4 anofuna ukami-ani. (2 Timo. 3:16) Ninoona thitho mwemo anamabala enango, Aukristau muganyale aliwa namwasa o-indi-edha basa malangi-o a Bibilyani.
MAKUNDO MANAI ANOFUNA KAMI-A ANAMABALA
N’nga vinoiranyo vofunafuna malangi-o a Yohova thitho kala ifwanafwani-o yapama, vinakami-e a-vi a-iminyu? (Muone ndima 4, 8)
4. N’nga tilikundo liivi limbo-i, linofuna kami-a anamabala ira tafunji-e a-imiwa mdhiveliwana maningi Yohova? (Tiyago 1:5)
4 Likundo 1: musakasakenga malangi-o a Yohova. Mumvepenga Yohova ira auva-eni zelu dhinofuneelanyo ira mukami-e a-iminyu roma mdhiveliwa. (Muleri Tiyago 1:5.) Liye ngunofuna uva-ani malangi-o apama maningi. Ninoonga e-no vamyasa mingaasi. Kathuulelani myasa minlila. Yoroma, Yohova ukadhi anisogolelanga vahora yolapela. (Sal. 36:9) Yanambili, hora dhothene malangi-o azelu anovelela liye anokala okami-a.—Esaya 48:17.
5. a) N’nga gulu la Yohova linovelela vyongo viivi vofuna kami-a anamabala? b) N’nga mufunjedhile vyoi a-vi, muvidiyo yothonyi-edha bali na rongola Amorim moda ulelile aliwa a-imiwa?
5 Vo-indi-edha basa madhwee na gululee, Yohova unovelela yodya yauzimu yoinjiva yeyo inaukami-eni funji-a a-iminyu ira tamdhiveliwengana. (Mat. 24:45) Mofwanafwani-a, munooda fwanya malangi-o manjinji okami-a, mumyasa yoi “Malangizo Othandiza Mabanja,” yeyo inofwanyeya mu marevista a Galamukani! muvyawa vingasi thitho va-eni vinofwanyeya va saiti-u. Thitho mavidiyo manjinji ofwanyeya va jw.org tanokaana vikundu vyowaredha naatu enango thitho vifwanafwani-o vyokami-a anamabala i-ndi-edha basa malangi-o a Yohova, Talelanga a-imiwa.b—Sang. 2:4-6.
6. N’nga baba mwinango unaona a-vi malangi-o awachele liye na-iyanee okumela mugulu la Yohova?
6 Anamabala anjinji takadhi tasimbanga moda Yohova mwaakami-edhe liye vo-indi-edha basa gululee. Baba mwinango dhinalee Joe unorumelela ira: “Kai vyokweya kami-a a-ima araru ira tadhiveliwengana imbarimbari. Hora dhothene miyo na-iyananga ninolobela wa Yohova ira anikami-e. Hora dhinjinji ninoona ira vanolimbana i-yo nyarwa inangweene, mwasa venango vidiyo yofwanelela inokumi-iwa ira inikami-e. Hora dhothene nikadhi ninyindelanga malangi-o a Yohova ira tanikami-e vaingumi yi-u.” Joe na i-yanee tatoona ira, myasa namavidiyo enala tatokami-a a-imiwa ira takale vauxamwali olimba na Yohova.
7. Mwasiwa ngwan’ni anamabala tanofwanela ira polepole na ifwanafwani-o inovelela aliwa waa-imiwa? (Aroma 2:21)
7 Likundo 2: Mukalenga ifwanafwani-o yapama. A-imi-u tanoing’ananechecha vinoira i-yo thitho hora dhinjinji tanosazi-edha vinoona aliwa. Njiimbarimbari ira kavali namabala unokonda a-dawi-a vyongo. (Aroma 3:23) Angalive ira vili e-no, anamabala azelu tanovilimbi-edha ira takale vifwanafwani-o vyapama waa-imiwa. (Muleri Aroma 2:21.) onga vyaa-ima baba mwinango atoonga ira: “Aliwa tali ninga tonje linowamwa iliyothene.” Atowenjedhela ira: “Vyoira viwa vinothonyi-edha ira ninoira venango kaninoira vyevyo vinaafunji-a i-yo.” Ee-no akala ninofuna ira a-imi-u tamdhiveliwengana Yohova, i-yo thitho ninofwanela thonyi-edha ira ninomdhiveliwana maningi.
8-9. N’nga mufunjedhilen’ni va viongile Andreya na Emma?
8 Vatokala ndhila dhinjinji dhedho anamabala dhinofuna aliwa funji-ana a-imiwa ira tamdhiveliwengana Yohova. Kaonani viongile zombwe mwinango wavyawa 17 dhinalee Andreya. Liye aongile: “Hora dhothene anamabalanga takadhi tandikami-anga ira ndionenga lobela kala ofuneya. Namaulo lililothene babanga unolobela na miyo angalive ira nditomala lobela va miyo mekene. Hora dhothene anamabali-u tanoonithuucha ira: ‘Munooda onga na Yohova hora iliyothene inofunanyo.’ Vyevi yvatoiri-a ira ndionenga lobela kala ofuneya maningi thitho va-eni ndinolobela wa Yohova momasuwa m’monanga ninga babanga waudhivela.” Anamabala, kamukaikele ira a-iminyu anoroma mdhiveliwana maningi Yohova namwasa oona moda unomdhiveliwananyo.
9 Kathuulelani thitho ifwanafwanio ya Emma. Babee ato-iyachi banjalee thitho ato-iyachi mangawa manjinji oi m’mee afwanela apagali. Emma aongile ira: “Hora dhinjinji m’manga anorucheya fwanya kobiri, mbwenye hora dhothene anoongecha vya mwemo Yohova munosamelela liye thitho kami-a arumiwee. Ndaira onelatu ira vinoira liye vaingumiyee, vinothonyi-edha ira anororomela maningi vyevi. Liye anoirana vyanifunji-a liye.” N’nga ninofunjedhavon’ni? Angalive ira anogumanana nyarwa, anamabala anooda funji-a a-imiwa mwavyoira viwa.—Agal. 6:9.
10. N’nga anamabala Aisraeli takaechana mahora aavi owaredha naa-imiwa? (Dotornomio 6:6, 7)
10 Likundo 3: Muongenga naa-iminyu vaduzi navaduzi. Yohova atoawandela Aisraeli ira hora dhothene, tafunji-enga a-imiwa vyokuza liye. (Muleri Dotornomio 6:6, 7.) Anamabala enango tanookaana mahora manjinji vadambo lowaredha naa-imiwa thitho akami-a ira tamdhiveliwengana maningi Yohova. Mofwanafwani-a, zombwe wa Israeli anooda kala mahora manjinji akami-anga babee dhala mbeu venango a-nda. Thitho rongolee wa-iyana anokala hora injinji akami-anga m’mee sona na luwa thitho mabasa enango avandhe. E-no anamabala tawaredhanga naa-imiwa tanooda tapanya myasa minjinji yofuneya munairela aliwa vyongo vambo-ive. Mofwanfwani-a, aliwa tanooda tapanya vyakalelo la Yohova laupama thitho moda wakami-ela liye banja liwa.
11. N’nga chihora iivi inango anamabala Aukristau inofwanela aliwa i-ndi-edha basa votapanya naa-imiwa?
11 Malamboano vyongo vitochinja. Vilambo vinjinji anamabala katinokala vambo-i naa-imiwa wadambo lipumbula. Venango tanofwanyeya tangali basani thitho a-imiwa tanofwanyeya tangali xikolani. Ee-no anamabala tanofwanela vilimbi-edha ira taone hora yotapanya naa-imiwa. (Aef. 5:15, 16; Afil. 1:10) Hora inango yoirela vyevi kulambela wavabanjani. Bali mwinango wazombwe dhinalee Alexander aongile ira: “Hora dhothene babanga anoira masaka-edho olambela wavabanjani thitho kaarumeli-a iliyothene ira inidhodhomi-e, hora inoirela i-yo vyongo vambo-ila. Namari-a lambelao ninoroma waredha.”
12. N’nga lombwana uli muru wabanja unofwanela kaana ifunelo iivi airi-anga lambela wavabanjani?
12 Akala muli muru wabanja n’nga munaire a-vi ira a-iminyu tasangalalenga na lambela wavabanjani? Vinokala pama ira masaka-edho oi mufunjedhe naaliwa bukhu lipya loi Mungakhale Ndi Moyo Mpaka Kalekale! Bukhu leli linooda ukami-ani ira mutapanyenga naaliwa momasuwa. Akala munofuna ira a-iminyu tamasuwenga uwandelani mwemo munovivwela aliwa, thitho vyongo vinoakumbanyi-a, kamu-indiyedhe basa hora yolambela wavabanjani ira mwaasumulule venango aombela uwali. Thitho muvilimbi-edhe ira mwa-athakaleliwe, akala a-iminyu tanoonga makundo o-iyana na malemba. Malo mwavyevyo mwaasimbenga namwasa oonga moona rima mwemo munovivwela aliwa, thitho mwaalimbi-e ira taumasuwelengani. Idhiwani ira munooda kami-a a-iminyu mofwanelela, akala mutoidhiwa pama moda unovivwela aliwa.
N’nga anamabala tana-indi-edhe a-vi basa vyongo vyopanduchiwa vofunji-a a-imiwa makalelo a Yohova? (Muone ndima 13)
13. N’nga mbamahora aavi anamabala ana-indi-edhe aliwa basa vokami-a a-imiwa ira tamdhiveliwengana Yohova?
13 Anamabala muvilimbi-edhenga ira dambo lililothene mukaengana hora yokami-a a-iminyu ira tamdhiveliwengana Yohova. Kamudedi-edhenga hora yofunjedha Bibilya ira mufunji-e a-iminyu vyokuza Nlungwi-u waudhivela. Kaonani viongile m’ma mwinango dhinalee Lisa: “Nanoo-indi-edha basa vyopanduchiwa vilivyothene vofuna kami-a a-imi-u idhiwa vyokuza Yohova. Mofwanafwani-a, mwanambwi-u aira vyongo vinango vyothei-a, nanoo-indi-edha basa vyevyo voakami-a idhiwa ira namapanduchi-u, ngothei-a thitho unofuna ira nisangalalenga.”
Anamabala, n’nga munaaidhiwe a-iminyu afwiwa? (Muone ndima 14)d
14. Mwasiwa ngwan’ni kofuneya maningi ira anamabala takami-e a-imiwa sakula afwiwa mwazelu? (Sanganikho 13:20)
14 Likundo 4: mukami-enga a-iminyu fwanya afwiwa apama. Madhu a Nlungu anoonga movweya pama ira afwi-u anooda nikami-a kaana makalelo apama venango othakala. (Muleri Sanganikho 13:20.) Anamabala, n’nga munaaidhiwa a-vi a-iminyu afwiwa? N’nga mutoroma gumana naaliwa nyo awaredhana? N’nga munaire a-vi ira mwaakami-e ira tavwelanenga naatu anomdhiveliwana Yohova? (1 Akor. 15:33) Munooda akami-a sakula afwiwa apama voaitanela nyumbani winyu atu olimba mwauzimu, ira mudhairele vambo-i vyongo vinango.—Sal. 119:63.
15. N’nga anamabala anaire a-vi ira takami-e a-imiwa kaana afwiwa apama?
15 Kathuulelani vyaongile baba mwinango dhinalee Tony. Liye atoonga vinoirecha liye na-iyanee vokami-a a-imiwa ira takaena afwiwa apama. Tony aongile ira: “Wavyawa vinjinji nikadhi niitanelanga nyumbani wi-u abali naarongola amatunga o-iyana-iyana. Ninoaitana ira tadhadye thitho ira taire vambo-i na-iyo lambela wavabanjani. Yen’na ndindhila yapama yoidhiwela atu anomdhiveliwana, thitho mlambela Yohova mosangalala. Nyumbani wi-u nitokaana ngari yowachela anamaing’anela visa, amisionario thitho atu enango. Vyongo vikalile vyaaireelanga thindhi liwa thihto dhivelela wiwa wa Yohova, vitokami-a maningi a-imi-u ira takale vauxamwali olimba na Yohova.” Ee-no anamabala mudhilimbi-edhenga kami-a a-iminyu kaana afwiwa apama.
KAMUTATILE RIMA
16. N’nga munaire a-vi akala mwaninyu otoonga ira kanafuna mlabela Yohova?
16 N’nga a-vi akala vasogolo vovilimbi-edha mkami-a m’mbo-i mwaa-iminyu utoonga ira kanafuna mlabela Yohova? Vyaira e-no, kamuthuulelenga ira mutoimwanana izo yinyu ninga namabala. Yohova atova-a atu othene thangani-avo mwaninyu ufulu osakula mlabela venango a-mlabela. Akala mwaninyu usakunle i-yachi mlabela Yohova, mudedi-edhenga ira dambo n’nango unodha welela. Muthuulelenga ifwanafwani-o ya mwana opupuruwa. (Luka 15:11-19, 22-24) Zombwe wen’na atoira vyongo vinjinji vyothakala mbwenye vakomonivee atowelela. Atu enago anooda onga ira: “Ifwanafwani-o yei cho-okaana basa.” “N’nga vyevi vinooda ireyadi?” Ee vinooda ireya! Thitho vyevi pyam’mwireele zombwe mwinango dhinalee Elie.
17. N’nga vyongo vyam’mwireele Elie vinoulimbi-ani a-vi?
17 Voonga vyaanamabalee Elie aongile ira: “Aliwa tatovilimbi-edha ndikami-a ira ndimdhiveliwengana maningi Yohova, thitho madhwee Bibilya. Mbwenye ndingana vyawa 15 ndato-iyachi avwela.” Elie atoroma kaana ingumi yodhioni-anga ninga kanadawa, thitho anookonda anamabalee tafuna mkami-a mwauzimu. Angakumile vam’ndhe vaanamabalee atoroma irana makalelo othakala. Angalive vyali e-no hora dhinango tanootapanyecha myasa ya Bibilyani namfwee mwinango. Elie aongile ira: “Natapanyanga maningi nafwanguo makundo a Bibilyani, paevo vathuulela miyo maningi vyokuza Yohova. Vang’ono navang’ono mbeu dhaimbarimbari dhakaatheile rimani mwanga dhedho anamabalanga dhadhanle aliwa mwathindhi, dhatoroma ulukula.” Vangavirile hora Elie atowelela thitho mugulu la Yohova.c Kathuulelani moda wasangalale anamabalee namwasa oi tatovilimbi-edha mkami-a romela angali mwana, ira amdhiveliwengana Yohova!—2 Timo. 3:14, 15.
18. N’nga munovivwa a-vi mwathuulela vyaanamabala anovilimbi-edha kami-a a-imiwa ira tamdhiveliwena Yohova?
18 Anamabala mutova-iwa ngari yavakundu, yolela a-ima oi mbobaliwa mwachineneeva waatu omlambela Yohova. (Sal. 78:4-6) Yei kai izo yokweya kabe, thitho ninousimbani kumela vathi varima namwasa ovilimbi-edha kami-a a-iminyu! Akala munoira vilivyothene vokami-a a-iminyu ira tamdhiveliwengana Yohova noalela namalangi-oee thitho afunji-a mathuulelwee, munodha kala osikimiza ira Babi-u wadhulu unodha sangalala na nyo.—Aef. 6:4.
NYUMBO 135 Yehova Akutipempha Kuti: “Mwana Wanga, Khala Wanzeru”
a Anamabala au Kristau tanodhiveliwana maningi a-imiwa. Tanokala athindhi voafwanyela vyongo vyofuneya vaingumi yiwa thitho akami-a ira tasangalalenga. Yofuneya maningi choi aliwa tanoira vyothene vinaoda aliwa, vokami-a a-imiwa ira tamdhiveliwengana maningi Yohova. Yofunjedha yei inoonga makundo 4 a Bibilyani anofuna kami-a anamabala irana vyevi.
b Muonele vidiyo yava jw.org yoi Yehova Anatithandiza Kulera Ana Athu.
c Muone mwasa oi “Baibulo Limasintha Anthu” mu Nsanja ya Olonda ya 1 wa Abril wa 2012.
d IRUTHIRUTHI YAVA: Vofuna aidhiwa pama afwee a mwanee, baba unogwa bola vambo-i namwaneuo naafwee.