N’nga munothuulela?

N’nga mutoleri mopwasedha ma Nsanja a Namaing’anela amanene? Wakulani vyofukavi:

N’nga madhu oi chinja mathuulelo anothapulelan’ni? (Aroma 12:2)

Madhu o chinja mathuulelo katinothapulela ira ninofwanela iranga vyongo vyaphamave baa-i, mbwenye anothapulela ira ninofwanela sakhasakhanga umutwi-u wa mwari nochinja vyevyo vinoona i-yo ira pyofwanelela chinja. Na ifunelo yoi vyoira vi-u vivwelanenga na makundo a Yohova.—w23.01 thakhuru 8 na 9.

N’nga ninathonyi-edhe a-vi ira ninothuulela -phama naonanga vyoireya vya ilamboi?

I-yo othene kaninodabwa naonanga vyoireya vya ilamboi, namwasa oi vinaakwakwaneli-edha viongile Bibilya. Malo moonganga mathuulelwi-u, ninofwanela onganga movwelana na vilengeziwile vo-odembuwava. Naonganga vyongo movwelana na vili mubukhu la gulu la Yohova, ninokhami-a ira pingo udhowenave khala ovwelana. (1 Akor. 1:10)—w23.02 thakhuru 16.

N’nga ubadizo wa Yesu uno-iyana a-vi na ubadizo wa anama-arelee?

Yesu khaafuneela dhivelela wa Yohova namwasa oi abaliwile muziza laatu odhivelela wa Nlungu. Yesu khaafuneela chinyuwa va vyodawa venango vepha ithuulela rima yaphama namwasa oi liye ali olongomana venango nionge ira o-odawa.—w23.03 thakhuru 5.

N’nga ninakhami-e a-vi atu enango ira tawakhulenga vamigumanoni?

Ira naakhami-e atu enango wakhula vamigumanoni, ninofwanela wakhulanga mogwandela ira naava-e ngari yowakhula. Thitho ninofwanela rambela onganga makhundo manjinji namwasa oi vyevyo vinooda iri-a ira ta-aone makhundo enango owakhula.—w23.04 thakhuru 23.

N’nga madhu oi “ndhila yochena” venango “ndhila yopambuleya” aongiwile va lemba la Esaya 35:8, anothapulelan’ni?

Madhu ovira khundwala, anoimelela ndhila yavirile Ayuda vahora yakhuma aliwa wu Babulo nowelela waniwa. N’nga vyevi vinothapulelan’ni malamboano? Wa vyawa vinjinji ya-anafiye yawa ya 1919, basa yosakha-edha ndhila yauzimu yatoolabiwa—vothapulela no dinda Bibilya. Atu a Nlungu takhadhi tawendanga mu “Ndhila yopambuleya” yodhowa paradaizo ira tamawachele maraeli-o anofuna dhana Umwene wa Nlungu.—w23.05 thakhuru 15 fiyedha 19.

N’nga valemba la Sanganikho kapitulu 9, ninofwanyavo malangi-o aavi okhuza a-iyana ambili opipirisa?

Kapitululi linoonga ira “i-yana opupwa” unoitana atu ira tadhowe masiyeni, voi zelu yaimbarimbari inofwanafwani-edhiwa na i-yana unoitana atu ira tasogoleliwenga novwechecha vyongo nodhowa mafwanya ingumi yo-omala. (Sang. 9:1, 6, 13, 18)—w23.06 thakhuru 22 fiyedha 24.

N’nga Nlungu athonyi-edhe a-vi ira ngodhiyevi-a na ololela voira vyongo na Loti?

Yohova atom’mwandela Loti ira akhumemo sidadi la Sodoma notawela myangoni. Mbwenye Loti atom’vepha Yohova ira atawele wu Zoari. Nlungu atoorumela vya vepile Loti.—w23.07 thakhuru 21.

N’nga i-yana unaire a-vi akhala man’nee unoonela vyongo vyaumandhave?

Khanofwanela dhiombanga landu maningi mbwenye unofwanela dhilimbi-edha thuulelanga vya uxamwalee na Yohova, na myasa ya Bibilyani ya a-iyana enao tadidili-iwile tangam’vepile Nlungu. Nlungu unooda m’kami-a man’nee rambela vyongo vinam’muiri-e onelanga mavidiyo ooni-a vyaumandhave.—w23.08 thakhuru 14 fiyedha 17.

N’nga akhala atu anoruni-a vinororomela i-yo, zindiyela unanikhami-e a-vi ira niwakhulenga mopwaseya?

Nionenga ira yofukiyo thitho runi-aweeo ikale ngari inanikami-e idhiwa vinothuulela mutuo venango vyevyo vinom’sukwali-a. Naira e-no ninooda m’mwakhula mopwaseya.—w23.09 thakhuru 17.

N’nga ninofunjedhavon’ni wa Mariya, vamwasa ofwanya kopolo?

Mariya angavwide ira unokhala m’mee wa Mesiya, atoofwanya kopolo dhela waatu enango. Ngelo Gabiriyeli na Elizabeti tatom’limbi-a vo-indi-edha basa malemba. Na-iyene thitho ninooda fwanya kopolo dhela wa Makristau afwi-u.—w23.10 thakhuru 15.

N’nga Yohova unowakula a-vi malobelwi-u?

Yohova atoolanyedha ira unongo wakhula malobelwi-u movwelana na ifunelwee. (Jer. 29:12) Malobelwi-u anooda khala olandana mbwenye Yohova unowakhula mundhila dho-iyana na mwemo mwadedi-edhela i-yo.—w23.11 thakhuru 21 na 22.

Lemba la Aroma 5:2 linoonga vya “idedi-edho,” n’nga mwasiwa ngwan’ni idedi-edhwiyo inoongiwa okhokha va versu 4?

Mutu avwa milanyu yaphama unokhaana idedi-edho yoi unodha khaana ingumi paradaizo vailambo yavathi. Mbwenye agumanangana nyarwa no vilela, noona ira Yohova unosangalala na liye, idedi-edhoyee inokhala yakopolo maningi thitho vinodedi-edhela liyevyo vinokuza maningi rimee.—w23.12 thakhuru 12 na 13.