N’nga munothuulela?

N’nga mutoleri pama miru yothene ya Nsanja yanamaing’anela ya manene? Mbwenye muone akala munooda wakhula vyofuka vyo-arelavi:

N’NGA MUNOAONA A-IYANA NINGA MUNAONELA YOHOVA?

Nitokhaana ngari yolaba vambo-i na arongola anjinji ororomeleya thitho ninoadhiveliwana. Noasimba maningi arongoli-u athindhala. Ee-no nyo abali, mudhilimbi-edhenga maningi ira muirenga vyongo vambo-i na aliwa moriya rima, mwalongomano na mwalemezo. Abali enango anorucheya irana vyevi namwasa wa vyorucha vinango vamwasa wen’na.—w24.01, thakuru. 15-16.

N’nga nina-arele a-vi movwelana na lemba la Aefeso 5:7, lelo linoonga ira: “Kanivwelane naaliwa”?

Ngu mwasiwa Paulo atooawandela Makristau au Efeso ira: “Kamuirenga vyongo vinoira aliwa,” thapulela atu enao anoira vyongo vinoidanana Nlungu. Nithuulelenga ira atu anovwelana na i-yo, kai enao anoawaredhana i-yo vamethoni navamethoni baa-i. Atwala anothangani-avo enao anoawaredhana i-yo vainternetini. —w24.03, thakuru. 22-23.

N’nga chini vinaire i-yo navwa myasa yonama?

Myasa yonama inooda kumela waafwi-u, mo-othuulela pama aliwa anooda niwandela myasa yoi katiisakasakile. Myasa yonamila inooda nifwanya kumela wu milanyu inofuna nitumizela atu enango. Dhinooda thitho kumela waatu opanduwa aaguman’nena i-yo muurumiwini na waatu enao anolokota vifunelo viwa.—w24.04, tharuku. 12.

Vyongo vinoidhiwa i-yo na vyongo vya-anoidhiwa i-yo vyokhuza mwemo Yohova munofuna liye dhatongela Mwene Solomu thitho atu enao anongiwile wu Sodoma na Gomora thitho na igumula?

Kaninoidhiwa mosikimizela ira Yohova utowanonga modhowa nodhowa. Mbwenye, ninoidhiwa ira liye unoidhiwa vyothene thitho utokaana tangaranga.—w24.05, thakuru. 3-4.

“Kavali lipandhe lofwanafwana na Nlungwi-u” n’nga ninosikimizela n’ni? (Dot. 32:4)

Molandana na lipandhe linavitalemo mutu vahora ya lipevo nlukulu, Yohova unonibarela vahora inogumanana i-yo nyarwa. Liye unonibarela ira nyarwadho dha-anonge uxamwali-u na liye.

N’nga munaire a-vi ira mulemeele mwathamela pingo mwinango?

Vinokala vyorucha lemeela pingo upya vahora yeniyene noonechechanga ira mutu uliwethene banjani mwinyu unodhowanave ira vyongo vinalimbi-e uxamwalee na Yohova.—w24.07, thakuru. 26-28.

N’nga ninofunjedhavon’ni va vifwanafwani-o viraruvi vinofwanyeya mu bukhu la Mateu kapitulu 25?

Ifwanafwani-o ya mabila na mbudi, inokhuza maningi atu anaidedi-edho yokaana ingumi vailamboi. Ifwanafwani-o ya anamwali owenjela na opupwa linothonyi-edha ira ninofuneya kala methove. Ifwanafwani-o ya matalento linothonyi-edha ira ninofuneya kala athindhi.—w24.09, thakuru. 20-24.

N’nga chi-i la kachisi wa Solomu lali lolapha a-vi?

Va lemba la 2 Limbili 3:4, olemba awale taongile ira “likhondelo lali lolapa 120.” Thapulela ira likhondelo lali mametru 53 dhowa dhulu (175 madhu achindo.) Malemba enango anoonga ira “likhondelo lali makhono 20” Thapulela ira mametru 9 (30 madhu achindo.) Lapawee. Vinooneya ira vinovwelana na ulukhula wa machi-i akachisini.—w24.10, thakuru. 31.

N’nga inothapulelan’ni ira rumiwi okami-a akale wa i-yana mbo-i? (1 Ti. 3:12)

Kristau kanofwanela irana vyongo vya mararuo. Mbwenye kai vyevyo baa-i. Unofwanela kala ororomeleya thitho kanofwanela kopanga a-iyana enango.—w24.11, thakuru. 19.

Ninoona ira vyaongiwile va lemba la Juwau 6:53, pyo-iyana na vyaongile liye vamwambo wa yodya ya namaulo ya mbwiye?

Ndiwani weo Yesu waongile liye madhu anofwanyeya va lemba la Juwau 6:53 liye atoonga vyevi wa Ayuda wu Galileya mu 32 EC. Pyo-iyana na vyaonga liye vamwambo wa yodya ya namaulo ya mbwiye wu Yerusalemu. Weo Yesu aonga naatu enao anofuna liye dhatonganga na liye dhulu.—w24.12, thakuru. 10-11.