Misau miraru yoroma

Aiguputu tanoakanyi-edha Aisraeli ira talabenga basa ninga adhaari. Yohova atom’ruma Mose na Aroni wa Farau maonga ira: ‘Yohova uongile ira murumeli-e ira atwee tadhowe kokolani ira tamam’lambele.’ Farau atoorumela modhiulukuli-a ira: ‘Viongile Yohovavyo kandinavyo basa. Kandinorumeli-a ira Aisraeli tadhowe.’ Adhamale atoawenjedhela basa lalaba Aisraeli. Ee-no Yohova afuna ira Farau aidhiwe ira liye ngu Nlukhulu kwaranya milungu yothene. N’nga utoidhiwa vyairile Yohova? Atoodhi-a misau 10 wu Iguputu. Yohova atom’mwandela Mose ira: ‘Farau kanofuna ndivwela, bebe-i namaebe-i unokala angali i-njeni wa Nilo. Udhowe umam’mwandele ira. Voi kunofuna ira atwanga tadhowe, Ma-inje othene a-inje wa Nilo anodha sanduwa sangiri. Mose atoovwela Yohova voi atoodhowa wa Farau. Tangafiile Aroni atookoma na golomondolee ma-inje a-inje wa Nilo Farau aonanga. Ma-injao tatoosanduwa sangiri thitho tatooroma nukha. Somba dhothene dhatookwa thitho atu tatoorambulela ma-inje omwa. Mbwenye Farau kaarumeli-idhe ira Aisraeli tadhowe.

Vangavirile malambo 7, Yohova atom’ruma okoka Mose wa Farau dhowa mam’mwandela ira: ‘Wakonda rumeli-a atwanga dhowa, muilambo ya Iguputo munodha kala anachidwe valimburo nlilothene.’ Aroni atooing’ani-a golomondolee dhulu thitho anachidwe tatooroma dhala Muilambo yothene. Anachidwao tanoofwanyeya m’mba, vakamani, paratoni venango nionge ira valimburo nlilothene. Vingaireile ee-no, Farau atom’vepha Mose ira amavephe wa Yohova ira amali-e sauo thitho atoolanyedha ira unorumeli-a Aisraeli ira tadhowe. Ee-no Yohova atoomali-a sauo thitho anachidwao tatooroma wukwa. Aiguputo tatoagumani-a anachidwao kamba kamba, moi ilambo yothene mwanoonuka. Mbwenye Farau angaoni ira sauo utomala, kaarumeli-idhe ira Aisraeli tadhowe.

Voi ee-no Yohova atom’mwandela Mose ira: ‘Aroni akome vathi na golomondolee thitho thumbulu linosanduwa puzuzu.’ Aroni atooiranadi vyevo thitho watookala puzuzu. Aiguputo enango tatom’mwandela Farau ira: ‘Saula ukhumele wa Nlungu.’ Mbwenye Farau, kaarumeli-idhe ira Aisraeli tadhowe.