Musakesakenga makundo okami-a enao ana-indi-edhanga nyo basa va dambo na dambo

Naleringa Bibilya, ninooda fwanya makundo okami-a vosakasaka vyongo vinjinji vyokuza mwasa unoleri i-yo. N’nga ninaire a-vi ira niganyalinga nasakasakanga?

Musakesakenga modi-a myasa ya Bibilyani. Mofwanafwani-a, musakesakenga ira mum’muidhiwe mutu ulembile, mutu wam’lembela liye thitho hora ilembile liye. N’nga vyongo vyali a-vi vahora yeniyo ya lemba liye? N’nga chini yaireile a-analembe mwasula? N’nga chini yaireile angamadhi lemba mwasula?

Muthuulelenga makundo anofunjedhavo nyo, vosakasaka vyowakula vya vyofuka vi: ‘N’nga atu talembeliwile mwasula tavivwide a-vi rimani mwiwa? N’nga mbamakhalelo aavi athonyi-edhe aliwa? N’nga mwasiwa ngwan’ni miyo thitho ndinofwanela sazi-edhanga makalelwala? N’nga mbamakalelo aavi othakala enao anofwanela miyo arambela?’

Mu-indi-edhenga basa makundo afunjedhile nyo, mwakala muurumiwi venango mwaira vyongo naatu enango. Mwaira ee-no, munodha thonyi-edha zelu dha Nlungu, ninga mwemo munoongela Bibilya ira: “Mutu uliwethene wa zelu unodha ona vyongo vyevi.”—Sal. 107:43.

• Vyongo vinango vinaukami-eni: Muonenga mwemo makundo anofwanyecha i-yo va ikundu yoi fuma dhofwanyeya m’madhu a Nlungu, va migumanoni ya vari vasumana munonikami-edha aliwa ira ni-indi-edhenga basa vifunjedhile i-yo. Hora dhinjinji ikundu yen’na inokaechana yofuka inofwanela i-yo vifukanga okene, makundo anofwanela i-yo athuulelanga modi-a na viruthiruthi vinofwanela i-yo funjedhavo yongo.