ETENI 1

Ndenge nini toyokaka Nzambe?

Nzambe alobaka na biso na nzela ya Biblia. 2 Timote 3:16

Na kiti na ye ya bokonzi na likoló, Yehova atindaki bato bákoma Biblia

Nzambe ya solo atindaki bato bákoma makanisi na ye na buku moko mosantu. Buku yango ezali Biblia. Ezali na makambo ya ntina oyo Nzambe alingi oyeba.

Nzambe ayebi oyo eleki malamu mpo na biso mpe bwanya nyonso eutaka epai na ye. Soki ozali koyoka ye, okokóma mpenza na bwanya.—Masese 1:5.

Biblia na minɔkɔ ebele; moto moko azali kotánga Biblia na monɔkɔ na ye

Nzambe alingi ete moto nyonso awa na mabele atánga Biblia. Lelo oyo ezali na minɔkɔ mingi.

Soki olingi koyoka Nzambe, osengeli kotánga mpe kokanga ntina ya makambo oyo ezali na Biblia.

Bato na bisika nyonso bazali koyoka. Matai 28:19

Motatoli ya Yehova moko azali kotángela moto moko vɛrsɛ ya Biblia, na nsima azali koyekola na ye Biblia

Batatoli ya Yehova bakoki kosalisa yo oyeba makambo oyo ezali na Biblia.

Bateyaka solo na ntina na Nzambe na mabele mobimba.

Likita na Ndako ya Bokonzi ya Batatoli ya Yehova

Okofuta ata eloko moko te mpo na mateya yango. Okoki mpe koyekola makambo ya Nzambe na Ndako ya Bokonzi ya Batatoli ya Yehova oyo ezali na esika oyo ofandi.