Géorgie

NDENGE nsango malamu ya Bokonzi ezali kopalangana na ekólo Géorgie, eyokani mpenza na ndakisa oyo Yesu apesaki ya levire oyo ebombani na kati ya farini. (Mat. 13:33) Ndenge moko na levire yango, na ebandeli bokoli ya elimo emonanaki polele te, kasi eumelaki te nsango malamu ya Bokonzi epalanganaki bisika nyonso mpe ebongolaki bomoi ya bato ebele.

Tángá lisolo kitoko mpe ya kolendisa oyo etali bolingo, kondima, bosembo mpe mpiko oyo basaleli ya Nzambe na Géorgie bamonisaki, mpe makambo oyo basalaki “na eleko ya malamu,” mpe “na eleko ya mpasi.”​—2 Tim. 4:2.