Loyembo 42
“Talá nzela”
1. Talá nzela oyo’ebongi tólanda;
Nzela ya Yehova, tika tólanda.
Y’aponi mosali na ye ya sembo;
Akokebisa mp’akoteya bato.
Talá nzela, mpe tambolá!
Nzela yango, lendendelá!
Tika ete bayengebene bayoka
Libyangami; sakoláká.
Awa tokambami n’elimo na Yah,
Na nzela ya sembo, tokotambola.
2. Oyo esengo bɛɛ, tolakisami
Epai na Nzambe, ye Mozalisi!
Biso Batatoli, tóyoka Nzambe,
Mpo ete tózala na bokɛngi bɛɛ.
Tósɛnzɛla na mayele!
Tótambola sé na pole!
Tongɛngisami na kondima; mpe tika
Tósakola mpo na kimya.
Mwana na Nzambe akómi Mokonzi.
Tika tólanda sé nzela toponi.
3. Nzela ya Yehova ekomonisa
Ete tozali batosi Liloba.
Lokola bibengá, bato na sembo;
Nzambe Yehova, ekimelo solo.
Akokamba kino kimya;
Mpe na mabe, tokosikwa.
Banzela na ye ezali nde bosembo,
Na malamu mpe elikya.
Tótombola mitó ete tótala
Bokonzi ya Nzambe, tokosepela.