Yehova, Nzambe ya kimya

1. Ee Yehova Nzambe,

Yo olakaki biso

Kimya na yo. Tosɛngi yo,

Pesá elimo na yo.

Tondimeli Yesu,

Mwana n’o ya bolingo,

Atye kimya, mpe tokómi

Baninga na yo, Nzambe.

2. Mokili, molili.

Kasi liloba na yo

Emonisi biso pole,

Epesi biso kimya.

Tiká tóbatela

Kimya yango malamu,

Tii bitumba mpe

Koswana ekosila libela.

3. Osangisi biso,

Na nse mpe na likoló.

Na bomoko, toteyaka:

Bokonzi ebotami.

Etikali moke,

Bitumba ekosila.

Bampate bakosepela

Na kimya mpo na seko.