Ndenge ya kolakisa bazulunalo

(Soki zulunalo ya Lingala ezali te bósalela ya Lifalanse)

Linɔ́ngi ya Mosɛnzɛli 1 Aprili

“Bato mosusu bakanisaka ete makambo nyonso ya bomoi na biso etángamá liboso, nzokande basusu bakanisaka ete biso moko nde toponaka ndenge oyo bomoi na biso ekozala. Yo okanisaka nini? [Tiká ye apesa eyano.] Yoká naino maloba oyo. [Tángá Mosakoli 9:11.] Lisolo oyo elobeli eyano oyo Biblia epesi na motuna oyo: ‘Bomoi na biso etángamá?’ ” Lakisá lisolo yango na lokasa 26.

Lamuká! Aprili

“Mabala mingi ekufaka mpo na ekobo. Okanisi ete soki mwasi ná mobali batosi maloba oyo ezali na vɛrsɛ oyo, libala na bango ekoumela? [Tángá Matai 5:28. Na nsima tiká ye apesa eyano.] Lisolo oyo ezali na toli ya Biblia oyo ekoki kosalisa mwasi ná mobali bákima motambo ya ekobo.” Lakisá lisolo yango na lokasa 28.

Linɔ́ngi ya Mosɛnzɛli 1 Mai

“Okanisi ete nini ekoki kopekisa moto andimela Nzambe? [Tiká ye apesa eyano.] Vɛrsɛ oyo emonisi ete kondima ezali na ntina. [Tángá Baebele 11:6.] Zulunalo oyo elobeli makambo minei oyo tokoki kosala mpo na kokómisa kondima na biso makasi.”

Lamuká! Mai

“Lelo oyo bato mingi bakómi kosalela bankisi mosusu ya monganga na ndenge ya mabe. Okanisi ete bazali kosala bongo mpo na nini? [Tiká ye apesa eyano.] Biblia elobeli ntina moko oyo ezali kotinda bango, mingimingi bana mike. [Tángá Masese 13:20.] Zulunalo oyo elobeli ndenge oyo okoki komibatela yo moko mpe kobatela libota na yo na likama wana.”