Okoki kopesa ntango mpe makasi na yo!

Ndenge Yisaya asakolaki yango, tozali komona bokoli monene na eteni ya ebongiseli ya Yehova awa na mabele. (Yis 54:2) Bokoli yango esali ete tóbakisa lisusu Bandako ya Bokonzi, Bandako ya mayangani, mpe bandako ya Betele. Nsima ya kotonga bandako yango, esɛngaka kobatela yango mpe bandako yango mosusu esɛngaka kobongisa yango lisusu. Yango wana, ndenge nini tokoki kopesa Yehova ntango na biso mpe makasi na biso?

• Tokoki kopesa mabɔkɔ ntango baponi etuluku na biso ya mosala ya kosakola mpo na kotya bopɛto na Ndako ya Bokonzi

• Tokoki komipesa mpo na kozwa formasyo ya kobatela Bandako ya Bokonzi na biso

• Tokoki kotondisa formilɛrɛ (DC-50) mpo na mosala ya Biro ya kosala baplan ya bandako/Departema ya botongi (LDC) mpo na kopesa mabɔkɔ mpo na mwa ntango na misala ya botongi mpe na misala ya kobatela bandako yango na esika tofandi

• Tokoki kotondisa formilɛrɛ A-19 (Demande d’admission comme volontaire) mpe kondima kosala ata pɔsɔ moko to koleka na teritware ya filiale na biso, na Betele mpe na bandako mosusu ya Betele

TALÁ VIDEO MOSALA MOKO YA BOTONGI EZALI KOBONGISAMA​—VIDEO YA MOKUSE, MPE NA NSIMA YANOLÁ NA MITUNA OYO:

• Likambo nini ya monene emonanaki na likambo etali bavideo kobanda na 2014?

• Mpo na kobimisa lisusu bavideo mingi ya losambo na biso, mosala nini ezali kobongisama, ekobanda ntango nini mpe ekosila ntango nini?

• Ndenge nini bavolontɛrɛ bakoki kopesa mabɔkɔ na mosala yango?

• Soki tolingi kopesa mabɔkɔ na mosala ya botongi na Ramapo, mpo na nini tosengeli kotondisa formilɛrɛ (DC-50) mpo na mosala ya LDC?

• Nini emonisi ete Yehova nde azali kotambwisa mosala yango?

• Ndenge nini tokoki kopesa mabɔkɔ na mosala yango ata soki tokokoka te kosala na esika yango ya botongi?