‘Tóluka koyeba makambo oyo eleki ntina’

1. Oyo nde ntango ya kososola,

Makambo’a solo mpenza,

Koyeba makambo’eleki ntina,

Oy’ebongi tósala!

Lingá solo; Yiná mabe.

Pesá Nzambe,

Esengo na motema Libela;

Yekoláká.

Tókokis’oy’eleki ntina.

2. Nini eza’ na ntina koleka

Kosakola Bokonzi?

Koluka bampate’oy’ebungá,

Kopesa bango lisungi?

Nsango yango; Eyebana.

Tómonisa

Bolingo mpe bato tósalisa,

Básikwama!

Kosakola nd’eleki ntina.

3. Soki tosali’oy’eleki ntina,

Kondima ekokola.

Tokozala na kimya ya Nzambe,

Tokobatel’elikya.

Tokokóma, Mpe baninga.

Tokokola.

Tokozwa mpe mapamboli mpenza,

Tósosola,

Mpe tósal’oy’eleki ntina!