Lisolo

Komonisela bato nyonso motema mawa

Mokolo moko, ndeko mwasi moko na Nouvelle-Zélande atalaki video “Bótyelanaka likebi,” oyo emonisi ete Yehova asukaka kaka te na koyoka mawa, kasi mpe amonisaka yango. (Yis. 63:​7-9) Ndeko mwasi yango azwaki ekateli ya kosalela makambo oyo ayekolaki, mpe koluka libaku ya kosalisa ata moto moko. Na nsuka ya mokolo yango, wana azalaki kosomba biloko ya kolya, amonaki mwasi oyo azangá ndako mpe atunaki ye soki akoki kosombela ye eloko ya kolya. Mwasi yango andimaki. Ntango ndeko mwasi amemelaki ye bilei, asalelaki traktɛ Bampasi ekosila mokolo mosusu? mpo na kopesa litatoli ya mokuse.

Mwasi mobola yango alelaki. Alobaki ete abɔkwamá na libota ya Batatoli ya Yehova kasi atiká solo eleki bambula mingi. Kasi esali mwa mikolo, azalaki kobondela Yehova asalisa ye mpo azongela ye. Ndeko mwasi apesaki ye Biblia mpe asalaki programɛ mpo bákóma koyekola.a

Ndenge moko na Yehova, tosengeli koyokelaka bato mawa, ata mpe bandeko na biso ya libota mpe ya lisangá. Mpe tokoki komonisa motema mawa soki tozali koluka mabaku ya kosakwela basusu.