ຫ້ອງສະໝຸດອອນລາຍຂອງວັອດສ໌ທາວເວີ້

ລະບຽບພວກເລວີ 3:16, 17

ຄຳພີໄບເບິນສະບັບແປໂລກໃໝ່
- 16 ປະໂລຫິດຈະເອົາສ່ວນຕ່າງໆເຫຼົ່ານີ້ໄປເຜົາເທິງແທ່ນບູຊາຄືກັບອາຫານ. ນີ້ແມ່ນເຄື່ອງບູຊາດ້ວຍໄຟທີ່ມີກິ່ນຫອມທີ່ເຮັດໃຫ້ພະເຈົ້າພໍໃຈ. ນ້ຳມັນທັງໝົດເປັນຂອງພະເຢໂຫວາ.+
  
  17 ຫ້າມພວກເຈົ້າກິນນ້ຳມັນຫຼືເລືອດ+ເດັດຂາດ. ນີ້ແມ່ນກົດໝາຍທີ່ພວກເຈົ້າຕ້ອງເຮັດຕາມໄປຈົນຮອດລຸ້ນລູກລຸ້ນຫຼານຕໍ່ໆໄປ ບໍ່ວ່າເຈົ້າຈະຢູ່ໃສກໍຕາມ.’”

ລະບຽບພວກເລວີ 4:8-10

ຄຳພີໄບເບິນສະບັບແປໂລກໃໝ່
- 8 ຫຼັງຈາກນັ້ນ ລາວຕ້ອງລອກນ້ຳມັນຂອງງົວທີ່ເປັນເຄື່ອງບູຊາໄຖ່ບາບອອກໃຫ້ໝົດຄື: ນ້ຳມັນທີ່ປົກໄສ້ກັບນ້ຳມັນທີ່ຕິດຢູ່ໄສ້ 9 ແລະໝາກໄຂ່ຫຼັງ 2 ໜ່ວຍ ກັບນ້ຳມັນທີ່ຕິດໝາກໄຂ່ຫຼັງທີ່ຢູ່ໃກ້ໆແອວ. ລາວຕ້ອງລອກນ້ຳມັນທີ່ຕິດຢູ່ຕັບອອກໄປຈົນຮອດໝາກໄຂ່ຫຼັງ.+ 10 ປະໂລຫິດໃຫຍ່ຈະເອົາສ່ວນຕ່າງໆເຫຼົ່ານີ້ອອກຄືກັບງົວໂຕທີ່ໃຊ້ເປັນເຄື່ອງບູຊາສ້າງຄວາມສະຫງົບສຸກ.+ ລາວຈະເອົາສ່ວນຕ່າງໆເຫຼົ່ານີ້ໄປເຜົາຢູ່ເທິງແທ່ນເຜົາເຄື່ອງບູຊາ.

1 ຊາມູເອນ 2:16, 17

ຄຳພີໄບເບິນສະບັບແປໂລກໃໝ່
- 16 ຖ້າຄົນນັ້ນເວົ້າກັບຜູ້ຊ່ວຍວ່າ: “ຂໍເຜົານ້ຳມັນສັດ+ໃຫ້ພະເຈົ້າກ່ອນໄດ້ບໍ? ຖ້າເຈົ້າຢາກໄດ້ຫຍັງແລ້ວຈຶ່ງເອົາໄປ.” ຜູ້ຊ່ວຍກໍຈະເວົ້າວ່າ: “ບໍ່ໄດ້ ຕ້ອງເອົາມາໃຫ້ຂ້ອຍດຽວນີ້. ຖ້າບໍ່ໃຫ້ ຂ້ອຍກໍຈະຍາດເອົາ.” 17 ພວກຜູ້ຊ່ວຍຂອງປະໂລຫິດເຮັດຜິດຮ້າຍແຮງຕໍ່ພະເຢໂຫວາ+ ຍ້ອນເຂົາເຈົ້າ*ບໍ່ນັບຖືເຄື່ອງບູຊາທີ່ເອົາມາໃຫ້ພະເຢໂຫວາ.