• 1 ຊາມູເອນ 2:8
    ຄຳພີໄບເບິນສະບັບແປໂລກໃໝ່

    •  8 ເພິ່ນ​ຍົກ​ຄົນ​ທີ່​ຕ່ຳຕ້ອຍ​ຂຶ້ນ​ຈາກ​ດິນ.

      ເພິ່ນ​ຍົກ​ຄົນ​ທີ່​ທຸກຍາກ​ຂຶ້ນ​ຈາກ​ກອງຂີ້ເທົ່າ*+

      ເພື່ອ​ໃຫ້​ເຂົາເຈົ້າ​ນັ່ງ​ກັບ​ພວກ​ເຈົ້າ​ນາຍ

      ແລະ​ໃຫ້​ເຂົາເຈົ້າ​ນັ່ງ​ໃນ​ບ່ອນ​ທີ່​ມີ​ກຽດ.

      ຮາກຖານ​ຂອງ​ໂລກ​ເປັນ​ຂອງ​ພະ​ເຢໂຫວາ+

      ແລະເພິ່ນ​ໄດ້​ວາງ​ແຜ່ນດິນ​ໄວ້​ເທິງ​ຫັ້ນ.

  • ເພງສັນລະເສີນ 113:6-8
    ຄຳພີໄບເບິນສະບັບແປໂລກໃໝ່

    •  6 ເພິ່ນ​ກົ້ມ​ລົງ​ມາ​ເບິ່ງ​ທ້ອງຟ້າ​ແລະ​ໂລກ.+

       7 ເພິ່ນ​ຍົກ​ຄົນ​ຕ່ຳຕ້ອຍ​ຂຶ້ນ​ມາ​ຈາກ​ກອງ​ຂີ້​ດິນ.

      ເພິ່ນ​ຍົກ​ຄົນ​ທຸກ​ຂຶ້ນ​ມາ​ຈາກ​ກອງ​ຂີ້ເທົ່າ*+

       8 ເພື່ອ​ໃຫ້​ລາວ​ນັ່ງ​ກັບ​ພວກ​ເຈົ້າ​ນາຍ

      ເຊິ່ງ​ແມ່ນ​ພວກ​ເຈົ້າ​ນາຍ​ໃນ​ກຸ່ມ​ປະຊາຊົນ​ຂອງ​ເພິ່ນ.

  • ເອຊາຢາ 57:15
    ຄຳພີໄບເບິນສະບັບແປໂລກໃໝ່

    • 15 ພະເຈົ້າ​ສູງ​ສຸດ

      ຜູ້​ທີ່​ມີ​ຊີວິດ​ຢູ່​ຕະຫຼອດໄປ+​ແລະ​ຜູ້​ທີ່​ມີ​ຊື່​ບໍລິສຸດ​ເວົ້າ​ວ່າ:+

      “ເຖິງ​ວ່າ​ເຮົາ​ຈະ​ຢູ່​ບ່ອນ​ທີ່​ສູງ​ໆ​ແລະ​ບໍລິສຸດ+

      ແຕ່​ເຮົາ​ກໍ​ຢູ່​ກັບ​ຄົນ​ທີ່​ທຸກໃຈ​ແລະ​ຄົນ​ທີ່​ຕ່ຳຕ້ອຍ

      ເພື່ອ​ຈະ​ຍົກ​ຄົນ​ທີ່​ຕ່ຳຕ້ອຍ​ຂຶ້ນ

      ແລະ​ໃຫ້​ກຳລັງໃຈ​ຄົນ​ທີ່​ທຸກໃຈ.+