• ເອຊາຢາ 30:10
    ຄຳພີໄບເບິນສະບັບແປໂລກໃໝ່

    • 10 ເຂົາເຈົ້າ​ບອກ​ພວກ​ຜູ້​ເຫັນ​ນິມິດ​ວ່າ ‘ເຊົາ​ເບິ່ງ​ນິມິດ​ສະ’

      ແລະ​ເວົ້າ​ກັບ​ພວກ​ຜູ້ພະຍາກອນ​ວ່າ ‘ບໍ່​ຕ້ອງ​ບອກ​ນິມິດ​ທີ່​ເປັນ​ຄວາມຈິງ​ໃຫ້​ພວກ​ເຮົາ​ຟັງ.+

      ໃຫ້​ບອກ​ພວກ​ເຮົາ​ເລື່ອງ​ທີ່​ຟັງ​ແລ້ວ​ມ່ວນ​ຫູ ແລະ​ໃຫ້​ຊອກ​ເບິ່ງ​ນິມິດ​ທີ່​ເປັນ​ພາບ​ລວງ​ຕາ.+

  • ເຢເຣມີຢາ 5:31
    ຄຳພີໄບເບິນສະບັບແປໂລກໃໝ່

    • 31 ພວກ​ຜູ້​ພະຍາກອນ​ພາກັນ​ບອກ​ເລື່ອງ​ຕົວະ.+

      ພວກ​ປະໂລຫິດ​ໃຊ້​ອຳນາດ​ຂົ່ມ​ຄົນ​ອື່ນ

      ແລະ​ປະຊາຊົນ​ຂອງ​ເຮົາ​ກໍ​ມັກ​ແບບ​ນັ້ນ.+

      ແຕ່​ເຈົ້າ​ຈະ​ເຮັດ​ແນວ​ໃດ​ເມື່ອ​ຈຸດຈົບ​ມາ​ຮອດ?”

  • ເຢເຣມີຢາ 14:14
    ຄຳພີໄບເບິນສະບັບແປໂລກໃໝ່

    • 14 ພະ​ເຢໂຫວາ​ເວົ້າ​ກັບ​ຂ້ອຍ​ວ່າ: “ພວກ​ຜູ້​ພະຍາກອນ​ກຳລັງ​ພະຍາກອນ​ຕົວະ​ໂດຍ​ໃຊ້​ຊື່​ຂອງ​ເຮົາ.+ ເຮົາ​ບໍ່​ໄດ້​ສົ່ງ​ເຂົາ​ເຈົ້າ​ໄປ ບໍ່​ໄດ້​ສັ່ງ​ເຂົາ​ເຈົ້າ​ໃຫ້​ເວົ້າ​ແນວ​ນັ້ນ ແລະ​ບໍ່​ໄດ້​ເວົ້າ​ກັບ​ເຂົາ​ເຈົ້າ​ເລີຍ.+ ສິ່ງ​ທີ່​ເຂົາ​ເຈົ້າ​ບອກ​ເຈົ້າ​ເປັນ​ນິມິດ​ຂີ້​ຕົວະ ເປັນ​ຄຳ​ທຳນາຍ​ທີ່​ບໍ່​ມີ​ປະໂຫຍດ ແລະ​ເປັນ​ເລື່ອງ​ຫຼອກ​ລວງ​ທີ່​ເຂົາ​ເຈົ້າ​ຄິດ​ຂຶ້ນ​ມາ​ເອງ.*+