ລະບຽບພວກເລວີ
22 ພະເຢໂຫວາເວົ້າກັບໂມເຊອີກວ່າ: 2 “ໃຫ້ບອກອາໂຣນກັບພວກລູກຊາຍຂອງລາວວ່າ ເຂົາເຈົ້າຕ້ອງນັບຖືສິ່ງບໍລິສຸດທີ່ພວກອິດສະຣາເອນແຍກໄວ້ຕ່າງຫາກສຳລັບເຮົາ+ ແລະຕ້ອງບໍ່ເຮັດໃຫ້ຊື່ທີ່ບໍລິສຸດຂອງເຮົາຖືກດູໝິ່ນ.+ ເຮົາແມ່ນເຢໂຫວາ. 3 ໃຫ້ບອກເຂົາເຈົ້າວ່າ ‘ຖ້າລູກຫຼານຂອງເຈົ້າຄົນໃດເຊິ່ງຢູ່ໃນໄລຍະທີ່ຖືວ່າບໍ່ສະອາດ ເຂົ້າມາໃກ້ສິ່ງບໍລິສຸດທີ່ພວກອິດສະຣາເອນແຍກໄວ້ຕ່າງຫາກສຳລັບພະເຢໂຫວາ ຜູ້ນັ້ນຈະຕ້ອງຕາຍ.+ ເຮົາແມ່ນເຢໂຫວາ. 4 ຖ້າລູກຫຼານຂອງອາໂຣນຄົນໃດເປັນຂີ້ທູດ+ ຫຼືເປັນພະຍາດທີ່ເຮັດໃຫ້ມີນ້ຳເມືອກໄຫຼອອກມາຈາກອະໄວຍະວະເພດ+ ໃນໄລຍະທີ່ຖືວ່າລາວບໍ່ສະອາດ+ ລາວຈະກິນສ່ວນແບ່ງຈາກສິ່ງບໍລິສຸດບໍ່ໄດ້. ຄົນທີ່ບໍ່ສະອາດຍ້ອນໄປຖືກຫຼືໄປບາຍສົບ+ ຄົນທີ່ເປັນພະຍາດທີ່ເຮັດໃຫ້ມີນ້ຳອະສຸຈິໄຫຼອອກມາເອງ+ 5 ຄົນທີ່ໄປຖືກຫຼືໄປບາຍສັດໂຕນ້ອຍໆທີ່ຢູ່ນຳກັນເປັນຝູງທີ່ຖືວ່າບໍ່ສະອາດ+ ຫຼືຄົນທີ່ໄປຖືກຫຼືໄປບາຍຄົນທີ່ບໍ່ສະອາດ ກໍກິນບໍ່ໄດ້ຄືກັນ.+ 6 ຄົນທີ່ໄປຖືກຫຼືໄປບາຍສິ່ງທີ່ບໍ່ສະອາດຈະຖືວ່າລາວບໍ່ສະອາດຈົນຮອດຄ່ຳ ແລະລາວຈະກິນສ່ວນແບ່ງຈາກສິ່ງບໍລິສຸດບໍ່ໄດ້ຖ້າລາວບໍ່ອາບນ້ຳກ່ອນ.+ 7 ຫຼັງຈາກຕາເວັນຕົກດິນ ຈະຖືວ່າລາວສະອາດ ແລະລາວຈະກິນສ່ວນແບ່ງຈາກສິ່ງບໍລິສຸດໄດ້ເພາະມັນເປັນອາຫານຂອງລາວ.+ 8 ນອກຈາກນັ້ນ ລາວບໍ່ຄວນເຮັດໃຫ້ໂຕເອງບໍ່ສະອາດໂດຍກິນຊີ້ນສັດທີ່ຕາຍເອງ ຫຼືຊີ້ນສັດທີ່ຖືກສັດປ່າກັດຕາຍ.+ ເຮົາແມ່ນເຢໂຫວາ.
9 ເຂົາເຈົ້າຕ້ອງເຊື່ອຟັງຄຳສັ່ງຂອງເຮົາ ເພື່ອເຂົາເຈົ້າຈະບໍ່ໄດ້ເຮັດບາບແລະບໍ່ຕ້ອງຕາຍ ຍ້ອນເຮັດໃຫ້ສິ່ງບໍລິສຸດຖືກດູໝິ່ນ. ເຮົາແມ່ນເຢໂຫວາຜູ້ທີ່ແຍກເຂົາເຈົ້າໄວ້ຕ່າງຫາກ.
10 ຄົນທີ່ບໍ່ມີສິດ*ຈະກິນສ່ວນແບ່ງຈາກສິ່ງບໍລິສຸດບໍ່ໄດ້.+ ຄົນຕ່າງຊາດທີ່ມາຢູ່ກັບປະໂລຫິດຫຼືຄົນທີ່ຖືກຈ້າງມາເຮັດວຽກກໍກິນບໍ່ໄດ້ຄືກັນ. 11 ຖ້າປະໂລຫິດຊື້ທາດຄົນໜຶ່ງດ້ວຍເງິນຂອງໂຕເອງ ທາດນັ້ນຈະກິນສ່ວນແບ່ງຈາກສິ່ງບໍລິສຸດໄດ້.+ 12 ຖ້າລູກສາວຂອງປະໂລຫິດແຕ່ງດອງກັບຄົນທີ່ບໍ່ໄດ້ເປັນປະໂລຫິດ ລາວຈະກິນສ່ວນແບ່ງຈາກສິ່ງບໍລິສຸດບໍ່ໄດ້. 13 ແຕ່ຖ້າລູກສາວຂອງປະໂລຫິດເປັນແມ່ໝ້າຍ ຫຼືແມ່ຮ້າງ ແລະບໍ່ມີລູກ ແລ້ວກັບໄປຢູ່ເຮືອນຂອງພໍ່ຄືແຕ່ກ່ອນ ລາວກໍຈະກິນອາຫານຂອງພໍ່ໄດ້+ ແຕ່ຄົນທີ່ບໍ່ມີສິດຈະກິນບໍ່ໄດ້.
14 ຖ້າຜູ້ໃດກິນສ່ວນແບ່ງຈາກສິ່ງບໍລິສຸດໂດຍບໍ່ໄດ້ຕັ້ງໃຈ ລາວຕ້ອງເອົາເຄື່ອງບູຊາມາໃຫ້ແທນ ແລະຕ້ອງເອົາ 1 ສ່ວນ 5 ຂອງມູນຄ່າເຄື່ອງບູຊານັ້ນມາຕື່ມໃຫ້ປະໂລຫິດນຳອີກ.+ 15 ພວກປະໂລຫິດບໍ່ຄວນເຮັດໃຫ້ສິ່ງບໍລິສຸດທີ່ພວກອິດສະຣາເອນເອົາມາໃຫ້ພະເຢໂຫວາຖືກດູໝິ່ນ+ 16 ແລະເຮັດໃຫ້ພວກອິດສະຣາເອນຖືກລົງໂທດຍ້ອນການກິນສ່ວນແບ່ງຈາກສິ່ງບໍລິສຸດເຫຼົ່ານັ້ນ ເພາະເຮົາແມ່ນເຢໂຫວາຜູ້ທີ່ແຍກເຂົາເຈົ້າໄວ້ຕ່າງຫາກ.’”
17 ພະເຢໂຫວາເວົ້າກັບໂມເຊອີກວ່າ: 18 “ໃຫ້ບອກອາໂຣນກັບພວກລູກຊາຍຂອງລາວ ແລະພວກອິດສະຣາເອນທັງໝົດວ່າ ‘ຖ້າຄົນອິດສະຣາເອນ ຫຼືຄົນຕ່າງຊາດທີ່ຢູ່ໃນແຜ່ນດິນຄົນໃດເອົາເຄື່ອງບູຊາເຜົາ+ມາໃຫ້ພະເຢໂຫວາ ຕາມທີ່ລາວໄດ້ສາບານໄວ້ ຫຼືເອົາມາໃຫ້ດ້ວຍຄວາມສະໝັກໃຈ+ 19 ລາວຈະຕ້ອງເອົາສັດທີ່ຕຸ້ຍພີດີງາມມາ+ ຈະເປັນງົວໂຕຜູ້ ເປັນແກະໂຕຜູ້ ຫຼືເປັນແບ້ກໍໄດ້ ເພື່ອພະເຈົ້າຈະພໍໃຈລາວ. 20 ຫ້າມເຈົ້າເອົາສັດທີ່ພິການມາເປັນເຄື່ອງບູຊາ.+ ຖ້າເຮັດແນວນັ້ນ ພະເຈົ້າຈະບໍ່ພໍໃຈເຈົ້າ.
21 ຖ້າຜູ້ໃດເອົາເຄື່ອງບູຊາສ້າງຄວາມສະຫງົບສຸກ+ມາໃຫ້ພະເຢໂຫວາ ຕາມທີ່ລາວໄດ້ສາບານໄວ້ ຫຼືເອົາມາໃຫ້ດ້ວຍຄວາມສະໝັກໃຈ ລາວຕ້ອງເອົາງົວຫຼືແກະໂຕທີ່ຕຸ້ຍພີດີງາມມາໃຫ້ ເພື່ອພະເຈົ້າຈະພໍໃຈລາວ. ຫ້າມເອົາສັດທີ່ພິການມາໃຫ້ເດັດຂາດ. 22 ຫ້າມເອົາສັດທີ່ຕາບອດ ກະດູກຫັກ ເປັນບາດ ເປັນປູດ ຕົກເກັດ ຫຼືເປັນຂີ້ກາກມາໃຫ້ພະເຢໂຫວາ. ຫ້າມເອົາສັດແບບນັ້ນມາເປັນເຄື່ອງບູຊາເທິງແທ່ນໃຫ້ພະເຢໂຫວາ. 23 ເຈົ້າເອົາງົວໂຕຜູ້ຫຼືແກະທີ່ມີຂາຍາວບໍ່ເທົ່າກັນມາເປັນເຄື່ອງບູຊາທີ່ໃຫ້ດ້ວຍຄວາມສະໝັກໃຈໄດ້ ແຕ່ຈະເອົາມາໃຫ້ເປັນເຄື່ອງບູຊາຕາມທີ່ສາບານໄວ້ບໍ່ໄດ້ ເພາະພະເຈົ້າຈະບໍ່ພໍໃຈ. 24 ຫ້າມເຈົ້າເອົາສັດໂຕທີ່ມີໝາກອັນທະບໍ່ສົມບູນ ຫຼືໂຕທີ່ຖືກຕອນມາໃຫ້ພະເຢໂຫວາ. ຫ້າມເອົາສັດແບບນັ້ນມາເປັນເຄື່ອງບູຊາໃນແຜ່ນດິນຂອງເຈົ້າ. 25 ຫ້າມຄົນຕ່າງຊາດເອົາສັດແບບນັ້ນມາໃຫ້ເປັນຄືກັບອາຫານຂອງພະເຈົ້າ ຍ້ອນມັນບໍ່ສົມບູນແລະພິການ. ຖ້າເອົາສັດແບບນັ້ນມາໃຫ້ ພະເຈົ້າຈະບໍ່ພໍໃຈ.’”
26 ພະເຢໂຫວາເວົ້າກັບໂມເຊຕໍ່ໄປອີກວ່າ: 27 “ຕອນທີ່ງົວນ້ອຍໂຕຜູ້ ແກະນ້ອຍໂຕຜູ້ ຫຼືແບ້ນ້ອຍເກີດມາ ເຈົ້າຕ້ອງໃຫ້ມັນຢູ່ນຳແມ່ 7 ມື້.+ ຫຼັງຈາກນັ້ນ ເຈົ້າຈະເອົາພວກມັນໄປເປັນເຄື່ອງບູຊາໄດ້ ເພື່ອເປັນເຄື່ອງບູຊາດ້ວຍໄຟໃຫ້ພະເຢໂຫວາ. 28 ຫ້າມຂ້າງົວໂຕຜູ້ ແກະ ຫຼືແບ້ໃນມື້ດຽວກັນກັບທີ່ຂ້າແມ່ຂອງມັນ.+
29 ຖ້າເຈົ້າເອົາເຄື່ອງບູຊາເພື່ອສະແດງຄວາມຂອບໃຈມາໃຫ້ພະເຢໂຫວາ+ ເຈົ້າຕ້ອງເຮັດໃນແບບທີ່ເພິ່ນພໍໃຈ. 30 ເຈົ້າຕ້ອງກິນຊີ້ນສັດຈາກເຄື່ອງບູຊາໃນມື້ນັ້ນເລີຍ. ຫ້າມຈົ່ງສ່ວນທີ່ເຫຼືອໄວ້ຈົນຮອດເຊົ້າມື້ຕໍ່ໄປ.+ ເຮົາແມ່ນເຢໂຫວາ.
31 ເຈົ້າຕ້ອງເຊື່ອຟັງຄຳສັ່ງຂອງເຮົາ.+ ເຮົາແມ່ນເຢໂຫວາ. 32 ຫ້າມເຮັດໃຫ້ຊື່ທີ່ບໍລິສຸດຂອງເຮົາຖືກດູໝິ່ນ.+ ພວກອິດສະຣາເອນຕ້ອງແຍກເຮົາໄວ້ຕ່າງຫາກ.+ ເຮົາແມ່ນເຢໂຫວາຜູ້ທີ່ແຍກພວກເຈົ້າໄວ້ຕ່າງຫາກ+ 33 ຜູ້ທີ່ພາພວກເຈົ້າອອກຈາກປະເທດເອຢິບ ເພື່ອສະແດງວ່າເຮົາແມ່ນພະເຈົ້າຂອງພວກເຈົ້າ.+ ເຮົາແມ່ນເຢໂຫວາ.”