ສິ່ງທີ່ເຈົ້າເຮັດໄດ້ໃນການສຶກສາສ່ວນໂຕ
ຈະອົດທົນກັບຄວາມບໍ່ຍຸຕິທຳໄດ້ແນວໃດ?
ອ່ານປະຖົມມະການ 37:23-28; 39:17-23 ເພື່ອຮຽນຈາກເລື່ອງຂອງໂຢເຊັບທີ່ອົດທົນເມື່ອເຈິຄວາມບໍ່ຍຸຕິທຳ.
ວິເຄາະເນື້ອໃນ. ເປັນຫຍັງຄົນອື່ນຈຶ່ງເຮັດກັບໂຢເຊັບແບບບໍ່ຍຸຕິທຳ? (ປຖກ. 37:3-11; 39:1, 6-10) ໂຢເຊັບຕ້ອງອົດທົນກັບຄວາມບໍ່ຍຸຕິທຳດົນປານໃດ? (ປຖກ. 37:2; 41:46) ໃນຕອນນັ້ນ ພະເຢໂຫວາເຮັດຫຍັງເພື່ອໂຢເຊັບ ແລະເພິ່ນບໍ່ໄດ້ເຮັດຫຍັງ?—ປຖກ. 39:2, 21; ຫ23.01 ໜ້າ 17 ຂໍ້ 13
ຄົ້ນຄວ້າໃຫ້ເລິກເຊິ່ງກວ່າເກົ່າ. ເຖິງວ່າສິ່ງທີ່ເມຍຂອງໂປຕີຟາກ່າວຫາໂຢເຊັບບໍ່ແມ່ນຄວາມຈິງ ແຕ່ຄຳພີໄບເບິນກໍບໍ່ໄດ້ບອກວ່າໂຢເຊັບເວົ້າປົກປ້ອງໂຕເອງວ່າເມຍຂອງໂປຕີຟາເວົ້າຕົວະ. ຂໍ້ຄຳພີຕໍ່ໄປນີ້ຊ່ວຍເຮົາແນວໃດໃຫ້ເຫັນເຫດຜົນທີ່ວ່າເປັນຫຍັງໂຢເຊັບຈຶ່ງເລືອກທີ່ຈະບໍ່ເວົ້າຫຍັງ ຫຼືເປັນຫຍັງເຮົາບໍ່ຄວນຄາດໝາຍວ່າຄົນອື່ນຕ້ອງຮູ້ທຸກຢ່າງວ່າເຮົາກຳລັງເຈິເລື່ອງຫຍັງແດ່? (ສພສ. 20:2; ຢຮ. 21:25; ກຈກ. 21:37) ຄຸນລັກສະນະອັນໃດທີ່ຊ່ວຍໂຢເຊັບໃຫ້ອົດທົນກັບຄວາມບໍ່ຍຸຕິທຳ?—ມກ. 7:7; ລກ. 14:11; ຢກບ. 1:2, 3
ໃຫ້ເບິ່ງວ່າເຈົ້າໄດ້ບົດຮຽນຫຍັງ? ໃຫ້ຖາມໂຕເອງວ່າ:
‘ຄວາມບໍ່ຍຸຕິທຳແບບໃດແດ່ທີ່ຂ້ອຍຄາດໝາຍໄດ້ເລີຍວ່າຈະເຈິຍ້ອນເປັນລູກສິດຂອງພະເຢຊູ?’ (ລກ. 21:12, 16, 17; ຮຣ. 10:33, 34)
‘ຂ້ອຍສາມາດເຮັດຫຍັງຕັ້ງແຕ່ຕອນນີ້ເພື່ອຊ່ວຍຂ້ອຍໃຫ້ອົດທົນກັບຄວາມບໍ່ຍຸຕິທຳ?’ (ພສ. 62:7, 8; 105:17-19; ຫ19.07 ໜ້າ 2-7)