ພາກທີ 7
ພະເຍຊູແມ່ນໃຜ?
ພະເຢໂຫວາສົ່ງພະເຍຊູມາທີ່ແຜ່ນດິນໂລກ. 1 ໂຢຮັນ 4:9
ຖ້າເຮົາຢາກໃຫ້ພະເຢໂຫວາຍິນດີ ເຮົາຕ້ອງເຊື່ອຟັງບຸກຄົນທີ່ສຳຄັນອີກຜູ້ໜຶ່ງ. ເປັນໄລຍະເວລາດົນກ່ອນສ້າງອາດາມ ພະເຢໂຫວາໄດ້ສ້າງບຸກຄົນກາຍວິນຍານຜູ້ໜຶ່ງທີ່ມີລິດເດດໃນສະຫວັນ.
ຕໍ່ມາພະເຢໂຫວາໄດ້ສົ່ງບຸກຄົນຜູ້ນີ້ມາເກີດໃນເມືອງເບດເລເຫມໂດຍທາງຍິງບໍລິສຸດທີ່ຊື່ວ່າມາລີ. ມີການຕັ້ງຊື່ໃຫ້ເດັກນ້ອຍຜູ້ນີ້ວ່າເຍຊູ.—ໂຢຮັນ 6:38.
ຕອນທີ່ເປັນມະນຸດຢູ່ເທິງແຜ່ນດິນໂລກ ພະເຍຊູສະທ້ອນຄຸນລັກສະນະຕ່າງໆຂອງພະເຈົ້າໄດ້ຢ່າງຄົບຖ້ວນ. ພະອົງມີຄວາມເມດຕາ ມີຄວາມຮັກແລະເຂົ້າຫາໄດ້ງ່າຍ. ພະອົງສອນຄວາມຈິງເລື່ອງພະເຢໂຫວາໃຫ້ກັບຄົນອື່ນຢ່າງກ້າຫານ.
ພະເຍຊູເຮັດສິ່ງທີ່ຖືກຕ້ອງ ແຕ່ເຂົາເຈົ້າຊັງພະອົງ. 1 ເປໂຕ 2:21-24
ພະເຍຊູຍັງປິ່ນປົວຄົນເຈັບປ່ວຍແລະປຸກຄົນຕາຍໃຫ້ຄືນມາມີຊີວິດ.
ພວກຫົວໜ້າສາສະໜາຊັງພະເຍຊູ ເພາະພະອົງເປີດເຜີຍວ່າຄຳສອນຂອງເຂົາເຈົ້າບໍ່ຖືກຕ້ອງແລະແນວທາງຂອງເຂົາເຈົ້າຊົ່ວຮ້າຍ.
ພວກຫົວໜ້າສາສະໜາຊັກນຳພວກໂລມໃຫ້ທຸບຕີແລະຂ້າພະເຍຊູ.