ຄຳນຳຕອນທີ 12
ພະເຢຊູສອນປະຊາຊົນເລື່ອງການປົກຄອງທີ່ຢູ່ໃນສະຫວັນ. ນອກຈາກນັ້ນ ເພິ່ນຍັງສອນເຂົາເຈົ້າໃຫ້ອະທິດຖານຂໍໃຫ້ຊື່ຂອງພະເຈົ້າໄດ້ຮັບຄວາມນັບຖືຫຼາຍທີ່ສຸດ ຂໍໃຫ້ພະເຈົ້າເລີ່ມປົກຄອງ ແລະຂໍໃຫ້ທຸກຢ່າງໃນໂລກເປັນໄປຕາມທີ່ພະເຈົ້າຕ້ອງການໃຫ້ເປັນ. ຖ້າເຈົ້າເປັນພໍ່ແມ່ ຂໍຊ່ວຍລູກໃຫ້ເຂົ້າໃຈວ່າຄຳອະທິດຖານເຫຼົ່ານີ້ກ່ຽວຂ້ອງກັບເຮົາແນວໃດ. ພະເຢຊູບໍ່ຍອມໃຫ້ຊາຕານທຳລາຍຄວາມພັກດີຂອງເພິ່ນ. ພະເຢຊູເລືອກພວກອັກຄະສາວົກຂອງເພິ່ນແລະເຂົາເຈົ້າກໍໄດ້ເປັນສະມາຊິກກຸ່ມທຳອິດຂອງການປົກຄອງທີ່ຢູ່ໃນສະຫວັນ. ຂໍໃຫ້ສັງເກດວ່າພະເຢຊູຮັກການນະມັດສະການແທ້ຫຼາຍ. ຍ້ອນເພິ່ນຢາກຊ່ວຍຄົນອື່ນ ເພິ່ນຈຶ່ງປິ່ນປົວຄົນທີ່ເຈັບປ່ວຍ ລ້ຽງອາຫານຄົນທີ່ຫິວ ແລະເຖິງຂັ້ນປຸກຄົນຕາຍໃຫ້ຟື້ນ. ການອັດສະຈັນທັງໝົດນີ້ຊ່ວຍເຮົາໃຫ້ເຂົ້າໃຈວ່າພະເຢຊູຈະເຮັດຫຍັງແດ່ເພື່ອມະນຸດຕອນທີ່ເພິ່ນມາປົກຄອງ.