ວິທີ​ກຽມ​ຄຳຕອບ​ທີ່​ດີ

ຄຳຕອບ​ທີ່​ດີ​ເສີມ​ສ້າງ​ປະຊາຄົມ. (ໂລມ 14:19) ຄຳຕອບ​ທີ່​ດີ​ຍັງ​ເປັນ​ປະໂຫຍດ​ຕໍ່​ຄົນ​ທີ່ຕອບ. (ສຸພາ. 15:23, 28) ດັ່ງ​ນັ້ນ ໃນ​ການ​ປະຊຸມ​ແຕ່​ລະ​ຄັ້ງ ເຮົາ​ຄວນ​ພະຍາຍາມ​ທີ່​ຈະຕອບ​ຢ່າງ​ໜ້ອຍ​ໜຶ່ງ​ຄັ້ງ. ເຮົາ​ຈະ​ບໍ່​ຖືກ​ເອີ້ນ​ທຸກໆຄັ້ງ​ທີ່​ຍົກ​ມື​ຂຶ້ນ ດີ​ທີ່​ສຸດ​ແມ່ນ​ໃຫ້​ກຽມ​ຄຳຕອບ​ໄວ້​ຫຼາຍໆຂໍ້.

ຄຳຕອບ​ທີ່​ດີ . . .

• ເຂົ້າ​ໃຈ​ງ່າຍ ຈະ​ແຈ້ງ ແລະ​ສັ້ນ. ສ່ວນ​ຫຼາຍ​ບໍ່​ຄວນ​ເກີນ 30 ວິນາທີ

• ດີ​ທີ່​ສຸດ​ແມ່ນ​ຕອບ​ເປັນ​ຄຳ​ເວົ້າ​ຂອງ​ເຈົ້າ​ເອງ

• ບໍ່​ຈຳເປັນ​ຕ້ອງ​ຕອບ​ຊ້ຳ

ຖ້າ​ເຈົ້າ​ຖືກ​ເອີ້ນ​ເປັນ​ຄົນ​ທຳອິດ . . .

• ຕອບ​ງ່າຍໆ ແລະ​ກົງ​ຈຸດ​ຂອງ​ຄຳຖາມ

ຖ້າ​ມີ​ຄົນ​ຕອບ​ຄຳຖາມ​ນັ້ນ​ແລ້ວ ເຈົ້າ​ອາດ . . .

• ຍົກ​ໃຫ້​ເຫັນ​ວ່າ​ຂໍ້​ພະ​ຄຳພີ​ທີ່​ອ້າງ​ເຖິງ​ກ່ຽວ​ຂ້ອງ​ແນວ​ໃດ​ກັບ​ຈຸດ​ທີ່​ພິຈາລະນາ

• ເວົ້າ​ເຖິງ​ວ່າ​ເລື່ອງ​ນັ້ນ​ມີ​ຜົນ​ກະທົບ​ແນວ​ໃດ​ຕໍ່​ຊີວິດ​ຂອງ​ເຮົາ

• ອະທິບາຍ​ວ່າ​ຈະ​ເອົາ​ຂໍ້​ມູນ​ນັ້ນ​ໄປ​ໃຊ້​ແນວ​ໃດ

• ເວົ້າ​ສັ້ນໆເຖິງ​ປະສົບການ​ທີ່​ກ່ຽວ​ຂ້ອງ​ເຊິ່ງ​ເນັ້ນ​ຈຸດ​ສຳຄັນ