ສິ່ງທີ່ມີຄ່າຈາກພະຄຳຂອງພະເຈົ້າ | ໂກໂລດ 1-4
ປະຖິ້ມນິດໄສເກົ່າ ແລະປູກຝັງນິດໄສໃໝ່
ຕອນທີ່ເຈົ້າເຂົ້າມາໃນຄວາມຈິງເຈົ້າໄດ້ປ່ຽນແປງຕົວເອງຫຼາຍຢ່າງແມ່ນບໍ? ເຈົ້າໝັ້ນໃຈໄດ້ວ່າພະເຢໂຫວາພໍໃຈໃນຄວາມພະຍາຍາມຂອງເຈົ້າ. (ເອເຊກ. 33:11) ແຕ່ເພື່ອຈະບໍ່ໃຫ້ນິດໄສເກົ່າກັບຄືນມາອີກເຈົ້າຕ້ອງພະຍາຍາມຕໍ່ໆໄປ ແລະສະແດງລັກສະນະນິດໄສໃໝ່ຢູ່ສະເໝີ. ຕອບຄຳຖາມຕໍ່ໄປນີ້ເພື່ອເບິ່ງວ່າມີຈຸດໃດແດ່ທີ່ເຈົ້າຕ້ອງປັບປຸງ:
ຂ້ອຍຍັງຄຽດບໍ່ເຊົາໃຫ້ກັບຄົນທີ່ເຮັດບໍ່ດີກັບຂ້ອຍບໍ?
ຂ້ອຍສະແດງຄວາມອົດທົນ ແມ່ນແຕ່ເມື່ອຂ້ອຍຟ້າວຫຼືເມື່ອຍບໍ?
ເມື່ອຂ້ອຍມີຄວາມຄິດທີ່ຜິດສິນລະທຳ ຂ້ອຍກຳຈັດມັນທັນທີບໍ?
ຂ້ອຍມີອະຄະຕິກັບຄົນທີ່ມີສີຜິວແລະເຊື້ອຊາດຕ່າງກັບຂ້ອຍບໍ?
ຫວ່າງບໍ່ດົນມານີ້ ຂ້ອຍເວົ້າບໍ່ດີຫຼືໃຊ້ອາລົມກັບຄົນອື່ນບໍ?