ສິ່ງທີ່ມີຄ່າຈາກພະຄຳຂອງພະເຈົ້າ | 2 ເທຊະໂລນີກ 1-3
ການເປີດເຜີຍຕົວຂອງຜູ້ທີ່ຝ່າຝືນກົດໝາຍ
ໂປໂລໝາຍຄວາມວ່າແນວໃດເມື່ອເວົ້າເຖິງສິ່ງເຫຼົ່ານີ້?
“ສິ່ງນັ້ນທີ່ຫ້າມທ່ານ” (ຂໍ້ 6)—ອາດໝາຍເຖິງພວກອັກຄະສາວົກ.
“ເປີດເຜີຍຕົວ” (ຂໍ້ 6, ລ.ມ.)—ຫຼັງຈາກພວກອັກຄະສາວົກຕາຍ ຄລິດສະຕຽນທີ່ທໍລະຍົດພະເຈົ້າກໍເລີ່ມສອນສິ່ງທີ່ຜິດຢ່າງເປີດເຜີຍ ແລະເຮັດສິ່ງທີ່ບໍ່ຖືກຕ້ອງ.
“ເຂົາຝ່າຝືນກົດໝາຍຂອງພະເຈົ້າຢູ່ແລ້ວແຕ່ເຮັດແບບລັບໆ” (ຂໍ້ 7, ລ.ມ.)—“ຜູ້ຝ່າຝືນກົດໝາຍ” ຍັງບໍ່ປາກົດຕົວຢ່າງຈະແຈ້ງໃນສະໄໝຂອງໂປໂລ.
“ຜູ້ຝ່າຝືນກົດໝາຍ” (ຂໍ້ 8, ລ.ມ.)—ໝາຍເຖິງພວກນັກເທດນັກບວດຂອງຄລິດຕະຈັກໃນທຸກມື້ນີ້.
“ພະເຍຊູຈະທຳລາຍເພິ່ນເສຍ [ຫຼື ຜູ້ຝ່າຝືນກົດໝາຍ] . . . ເວລາພະອົງຈະສະເດັດມາ” (ຂໍ້ 8)—ພະເຍຊູຈະເຮັດໃຫ້ເຫັນວ່າທ່ານເປັນກະສັດ ເມື່ອທ່ານເຮັດຕາມຄຳພິພາກສາຂອງພະເຢໂຫວາໂດຍທຳລາຍລະບົບຊົ່ວຂອງຊາຕານ ເຊິ່ງລວມເຖິງ “ຜູ້ຝ່າຝືນກົດໝາຍ” ນຳ.
ຂໍ້ຄຳພີເຫຼົ່ານີ້ກະຕຸ້ນເຈົ້າແນວໃດໃຫ້ປະກາດຢ່າງກະຕືລືລົ້ນແລະຄິດເຖິງຄວາມຮີບດ່ວນຢູ່ສະເໝີ?