ຊີວິດຄລິດສະຕຽນ
ເຈົ້າກຽມພ້ອມແລ້ວບໍ?
ຖ້າມີໄພທຳມະຊາດເກີດຂຶ້ນໃນບ່ອນທີ່ເຈົ້າຢູ່ ເຈົ້າກຽມພ້ອມແລ້ວບໍ? ຕົວຢ່າງເຊັ່ນ: ແຜ່ນດິນໄຫວ ພາຍຸໄຕ້ຝຸ່ນ ໄຟໄໝ້ປ່າ ແລະນ້ຳຖ້ວມ ເຊິ່ງເກີດຂຶ້ນຢ່າງກະທັນຫັນເຮັດໃຫ້ເກີດຄວາມເສຍຫາຍຢ່າງໜັກ. ນອກຈາກນັ້ນ ຍັງມີການກໍ່ການຮ້າຍ ຄວາມບໍ່ສະຫງົບ ແລະໂລກລະບາດເກີດຂຶ້ນຢູ່ທຸກບ່ອນໂດຍທີ່ເຮົາບໍ່ຮູ້ລ່ວງໜ້າ. (ຜູ້ປ 9:11) ເຮົາບໍ່ຄວນຄິດເອົາເອງວ່າເຫດການເຫຼົ່ານັ້ນຈະບໍ່ມີທາງເກີດຂຶ້ນໃນບ່ອນທີ່ເຮົາຢູ່.
ເຮົາແຕ່ລະຄົນຕ້ອງເຮັດຕາມຂັ້ນຕອນທີ່ເໝາະສົມເພື່ອກຽມຕົວຮັບມືກັບໄພທຳມະຊາດ. (ສຸພາ 22:3) ເຖິງວ່າອົງການຂອງພະເຢໂຫວາຈະເຮັດຫຼາຍຢ່າງເພື່ອໃຫ້ການຊ່ວຍເຫຼືອເມື່ອມີໄພທຳມະຊາດເກີດຂຶ້ນ ແຕ່ຍັງເປັນຄວາມຮັບຜິດຊອບຂອງເຮົາທີ່ຈະກຽມຕົວໃຫ້ພ້ອມ.—ຄລຕ 6:5
ເບິ່ງວິດີໂອເຈົ້າໄດ້ກຽມຕົວຮັບມືໄພທຳມະຊາດແລ້ວບໍ? ແລ້ວຕອບຄຳຖາມຕໍ່ໄປນີ້:
ເມື່ອມີໄພທຳມະຊາດເກີດຂຶ້ນ ເຮົາຈະກຽມຕົວທາງດ້ານຄວາມເຊື່ອແນວໃດ?
ເປັນຫຍັງຈຶ່ງສຳຄັນທີ່ຈະ . . .
• ບອກຂໍ້ມູນການຕິດຕໍ່ຫຼ້າສຸດໃຫ້ກັບຜູ້ດູແລກ່ອນ ໃນລະຫວ່າງ ແລະຫຼັງຈາກມີໄພທຳມະຊາດເກີດຂຶ້ນ?
• ກຽມກະເປົ໋າສຸກເສີນ?—g17.5-SI ໜ້າ 6
• ຄິດເຖິງໄພທຳມະຊາດທີ່ອາດຈະເກີດຂຶ້ນແລະເຮົາຈະເຮັດແນວໃດໃນແຕ່ລະສະຖານະການ?
ມີ 3 ວິທີຫຍັງແດ່ທີ່ເຮົາຊ່ວຍຄົນອື່ນໄດ້ເມື່ອມີໄພທຳມະຊາດເກີດຂຶ້ນ?