ຊີວິດຄລິດສະຕຽນ
ຢ່າເຜີຍແຜ່ເລື່ອງທີ່ບໍ່ແມ່ນຄວາມຈິງ
ໃນທຸກມື້ນີ້ ຫຼາຍລ້ານຄົນໄດ້ຮັບຂ່າວສານຢ່າງໄວວາຜ່ານທາງສິ່ງພິມ ວິທະຍຸ ໂທລະພາບ ແລະອິນເຕີເນັດ. ຜູ້ທີ່ນະມັດສະການ “ພະເຈົ້າແຫ່ງຄວາມຈິງ” ບໍ່ຢາກເຜີຍແຜ່ຂໍ້ມູນທີ່ບໍ່ແມ່ນຄວາມຈິງ ບໍ່ວ່າຈະຕັ້ງໃຈຫຼືບໍ່ໄດ້ຕັ້ງໃຈກໍຕາມ. (ເພງ 31:5; ອົບ 23:1) ການສົ່ງຕໍ່ເລື່ອງທີ່ບໍ່ເປັນຄວາມຈິງໃຫ້ຄົນອື່ນເປັນອັນຕະລາຍຫຼາຍ. ດັ່ງນັ້ນ ເພື່ອຈະໝັ້ນໃຈວ່າເຮົາບໍ່ໄດ້ສົ່ງຂໍ້ມູນທີ່ຜິດໆ ໃຫ້ຖາມໂຕເອງວ່າ:
‘ເລື່ອງທີ່ຂ້ອຍໄດ້ຍິນເຊື່ອຖືໄດ້ບໍ?’ ຄົນທີ່ເລົ່າເລື່ອງອາດຈະບໍ່ຮູ້ຂໍ້ມູນທີ່ເປັນຄວາມຈິງ. ດັ່ງນັ້ນ ເຮົາຕ້ອງລະວັງເມື່ອເຮົາບໍ່ຮູ້ວ່າຕອນທຳອິດເລື່ອງນັ້ນເປັນແນວໃດແທ້ໆ ເພາະເລື່ອງທີ່ຄົນໜຶ່ງເລົ່າໃຫ້ອີກຄົນໜຶ່ງຟັງອາດຈະຜິດພ້ຽນໄປ. ຜູ້ທີ່ມີສິດທິພິເສດໃນປະຊາຄົມຕ້ອງໃຫ້ຂໍ້ມູນທີ່ຖືກຕ້ອງ ດັ່ງນັ້ນ ເຂົາເຈົ້າແຮ່ງຕ້ອງລະວັງແທ້ໆທີ່ຈະບໍ່ສົ່ງຕໍ່ຂໍ້ມູນທີ່ບໍ່ເປັນຄວາມຈິງ.
‘ເລື່ອງທີ່ຂ້ອຍໄດ້ຍິນທຳລາຍຊື່ສຽງຄົນອື່ນບໍ?’ ຖ້າເລື່ອງທີ່ເຮົາໄດ້ຍິນນັ້ນທຳລາຍຊື່ສຽງຂອງບາງຄົນຫຼືບາງກຸ່ມ ເຮົາກໍບໍ່ຄວນເວົ້າຕໍ່.—ສຸພາ 18:8; ຟລປ 4:8
‘ເລື່ອງທີ່ຂ້ອຍໄດ້ຍິນມີເຫດຜົນບໍ?’ ໃຫ້ລະວັງເມື່ອເຮົາໄດ້ຍິນເລື່ອງທີ່ເຫຼືອເຊື່ອແລະປະສົບການທີ່ໜ້າຕື່ນເຕັ້ນເຊິ່ງເຮົາຢາກເລົ່າໃຫ້ຄົນອື່ນຟັງ.
ເປີດວິດີໂອ ການນິນທາ—ເຈົ້າຢຸດມັນໄດ້! ແລະຕອບຄຳຖາມຕໍ່ໄປນີ້:
ຕາມສຸພາສິດ 12:18 ຄຳເວົ້າສາມາດສົ່ງຜົນທີ່ບໍ່ດີແນວໃດ?
ຟີລິບປອຍ 2:4 ຊ່ວຍເຮົາແນວໃດໃຫ້ໃຊ້ຄຳເວົ້າທີ່ເໝາະສົມເມື່ອເວົ້າເຖິງຄົນອື່ນ?
ເຮົາຄວນເຮັດແນວໃດຖ້າມີຄົນເວົ້າເຖິງຄົນອື່ນໃນທາງທີ່ບໍ່ດີ?
ກ່ອນຈະເວົ້າເລື່ອງຂອງຄົນອື່ນເຮົາຄວນຖາມໂຕເອງແນວໃດ?