ສິ່ງທີ່ເຈົ້າຈະເອົາໄປໃຊ້ໃນວຽກປະກາດ | ເພີ່ມຄວາມສຸກໃນວຽກຮັບໃຊ້
ສອນດ້ວຍຄວາມກະຕືລືລົ້ນ
ຄວາມກະຕືລືລົ້ນຂອງເຮົາສາມາດສົ່ງຜົນຕໍ່ຄົນອື່ນ. ຖ້າເຮົາເວົ້າຢ່າງກະຕືລືລົ້ນຜູ້ຟັງກໍຈະສົນໃຈຫຼາຍຂຶ້ນ ແລະຍັງເຮັດໃຫ້ເຫັນວ່າເຮົາເຫັນຄຸນຄ່າຂ່າວສານທີ່ເຮົາເວົ້ານຳ. ບໍ່ວ່າເຮົາຈະມີພູມຫຼັງຫຼືນິດໄສແນວໃດ ເຮົາກໍເປັນຄົນກະຕືລືລົ້ນໄດ້. (ຣມ 12:11) ເຮົາຈະເປັນແບບນັ້ນໄດ້ແນວໃດ?
ທຳອິດ ໃຫ້ຄິດເຖິງຄວາມສຳຄັນຂອງຂ່າວສານທີ່ເຈົ້າປະກາດ. ເຈົ້າມີສິດທິພິເສດທີ່ຈະ ‘ປະກາດຂ່າວດີກ່ຽວກັບສິ່ງດີໆ!’ (ຣມ 10:15) ສອງ ໃຫ້ຄິດວ່າຜູ້ຟັງຈະໄດ້ປະໂຫຍດຫຍັງຈາກຂ່າວດີທີ່ເຈົ້າປະກາດ. ເຂົາເຈົ້າຈຳເປັນຕ້ອງໄດ້ຍິນສິ່ງທີ່ເຈົ້າເວົ້າແທ້ໆ. (ຣມ 10:13, 14) ສຸດທ້າຍ ໃຫ້ເວົ້າຢ່າງກະຕືລືລົ້ນ ສະແດງທ່າທາງທີ່ເປັນທຳມະຊາດແລະສີໜ້າທີ່ຈິງໃຈ.
ເບິ່ງວິດີໂອມີຄວາມສຸກໃນການສອນຄົນໃຫ້ເຂົ້າມາເປັນລູກສິດ—ປັບປຸງຄວາມສາມາດຂອງເຈົ້າ—ສອນດ້ວຍຄວາມກະຕືລືລົ້ນ ແລ້ວຕອບຄຳຖາມຕໍ່ໄປນີ້:
ອັນໃດເຮັດໃຫ້ຄວາມກະຕືລືລົ້ນຂອງນີຕ້າທີ່ມີຕໍ່ເຈດີ້ຫຼຸດລົງ?
ອັນໃດຊ່ວຍນີຕ້າໃຫ້ມີຄວາມກະຕືລືລົ້ນອີກເທື່ອໜຶ່ງ?
ຄວາມກະຕືລືລົ້ນຂອງເຮົາສາມາດສົ່ງຜົນຕໍ່ຄົນອື່ນ
ເປັນຫຍັງເຮົາຄວນເບິ່ງຈຸດດີຂອງຜູ້ຟັງ?
ຄວາມກະຕືລືລົ້ນຂອງເຮົາເຮັດໃຫ້ເກີດຜົນດີແນວໃດຕໍ່ນັກສຶກສາແລະຄົນອື່ນ?