ສິ່ງທີ່ເຈົ້າຈະເອົາໄປໃຊ້ໃນວຽກປະກາດ | ເພີ່ມຄວາມສຸກໃນວຽກຮັບໃຊ້
ເຂົ້າເຖິງຫົວໃຈ
ການເຊື່ອຟັງພະເຈົ້າຕ້ອງມາຈາກຫົວໃຈ. (ສຸພາ 3:1) ສະນັ້ນ ເມື່ອເຮົາສອນຄຳພີໄບເບິນ ເຮົາຈຶ່ງຕ້ອງພະຍາຍາມເຂົ້າເຖິງຫົວໃຈຜູ້ຟັງຂອງເຮົາ. ແຕ່ເຮົາຈະເຮັດແບບນັ້ນໄດ້ແນວໃດ?
ຢ່າພຽງແຕ່ສອນຄວາມຈິງໃນຄຳພີໄບເບິນໃຫ້ກັບນັກສຶກສາ ແຕ່ເຈົ້າຕ້ອງຊ່ວຍລາວໃຫ້ເອົາສິ່ງທີ່ຮຽນໄປໃຊ້ໃນຊີວິດແລະຊ່ວຍລາວໃຫ້ສະໜິດກັບພະເຢໂຫວາ. ຊ່ວຍລາວໃຫ້ເຫັນວ່າມາດຕະຖານໃນຄຳພີໄບເບິນສະທ້ອນເຖິງຄວາມຮັກ ຄວາມດີ ແລະຄວາມຍຸຕິທຳຂອງພະເຈົ້າແນວໃດ. ຮູ້ຈັກໃຊ້ຄຳຖາມເພື່ອກະຕຸ້ນນັກສຶກສາໃຫ້ຄິດວ່າລາວຮູ້ສຶກແນວໃດກັບສິ່ງທີ່ລາວຮຽນ. ຊ່ວຍລາວໃຫ້ຫາເຫດຜົນວ່າລາວຈະໄດ້ປະໂຫຍດຫຍັງແດ່ຈາກການທີ່ລາວປັບປ່ຽນຄວາມຄິດແລະການກະທຳທີ່ບໍ່ຖືກຕ້ອງ. ເມື່ອເຈົ້າເຫັນນັກສຶກສາຮັກພະເຢໂຫວາຈາກຫົວໃຈ ເຈົ້າກໍຈະມີຄວາມສຸກຫຼາຍຂຶ້ນ.
ເບິ່ງວິດີໂອມີຄວາມສຸກໃນການສອນຄົນໃຫ້ເຂົ້າມາເປັນລູກສິດ—ປັບປຸງຄວາມສາມາດຂອງເຈົ້າ—ການເຂົ້າເຖິງຫົວໃຈ ແລ້ວຕອບຄຳຖາມຕໍ່ໄປນີ້:
ເປັນຫຍັງນີຕ້າຈຶ່ງຖາມເຈດີ້ວ່າ: “ເຈົ້າຄິດແນວໃດກັບເລື່ອງທີ່ເຮົາລົມກັນມື້ວັນຈັນ?”
ນີຕ້າຊ່ວຍເຈດີ້ແນວໃດໃຫ້ເຫັນວ່າການທີ່ພະເຢໂຫວາຕັ້ງມາດຕະຖານໃນຄຳພີໄບເບິນເປັນຍ້ອນເພິ່ນຮັກເຈດີ້?
ຖ້າເຮົາເຂົ້າເຖິງຫົວໃຈຂອງນັກສຶກສາ ລາວກໍຈະຖືກກະຕຸ້ນໃຫ້ກ້າວໜ້າ
ນີຕ້າຊ່ວຍເຈດີ້ແນວໃດໃຫ້ຮູ້ວິທີທີ່ຈະສະແດງວ່າລາວຮັກພະເຈົ້າ?