ສິ່ງທີ່ເຈົ້າຈະເອົາໄປໃຊ້ໃນວຽກປະກາດ | ເພີ່ມຄວາມສຸກໃນວຽກຮັບໃຊ້
ຊ່ວຍນັກສຶກສາໃຫ້ເຊົານິດໄສທີ່ບໍ່ສະອາດ
ຄົນທີ່ສະອາດທາງດ້ານສິນລະທຳເທົ່ານັ້ນຈະສະໜິດກັບພະເຢໂຫວາໄດ້. (1ປຕ 1:14-16) ເມື່ອນັກສຶກສາເຊົານິດໄສທີ່ບໍ່ດີ ລາວຈະໄດ້ເຫັນວ່າຊີວິດລາວດີຂຶ້ນທັງໃນເລື່ອງຄອບຄົວ ເລື່ອງສຸຂະພາບ ແລະເລື່ອງເງິນ.
ເຮົາຕ້ອງອະທິບາຍໃຫ້ນັກສຶກສາເຂົ້າໃຈຈະແຈ້ງເຖິງມາດຕະຖານດ້ານສິນລະທຳຂອງພະເຢໂຫວາ ເຫດຜົນທີ່ລາວຕ້ອງເຊົານິດໄສທີ່ບໍ່ດີ ແລະປະໂຫຍດທີ່ລາວຈະໄດ້ຮັບ. ພະຍາຍາມຊ່ວຍລາວໃຫ້ປ່ຽນຄວາມຄິດ ເພາະຖ້າລາວປ່ຽນຄວາມຄິດແລ້ວ ລາວກໍຈະຢາກເຮັດຕາມທີ່ພະເຢໂຫວາເວົ້າ. (ອຟຊ 4:22-24) ເຮັດໃຫ້ລາວໝັ້ນໃຈວ່າພະເຢໂຫວາຈະຊ່ວຍລາວໃຫ້ເອົາຊະນະນິດໄສທີ່ບໍ່ດີໄດ້. (ຟລປ 4:13) ສອນລາວໃຫ້ອະທິດຖານອ້ອນວອນພະເຢໂຫວາໃຫ້ຊ່ວຍເມື່ອຢາກກັບໄປເຮັດຜິດ. ຊ່ວຍລາວໃຫ້ເຫັນວ່າມີສະຖານະການໃດແດ່ທີ່ຄວນຫຼີກລ່ຽງ. ສະໜັບສະໜູນລາວໃຫ້ຊອກຫາກິດຈະກຳທີ່ດີເຮັດເພື່ອຈະເຊົານິດໄສທີ່ບໍ່ດີໄດ້. ເຮົາຈະມີຄວາມສຸກເມື່ອໄດ້ເຫັນພະເຢໂຫວາຊ່ວຍເຫຼືອນັກສຶກສາໃຫ້ປ່ຽນແປງໂຕເອງ.
ເບິ່ງວິດີໂອຊ່ວຍນັກສຶກສາໃຫ້ເຊົານິດໄສທີ່ບໍ່ສະອາດ ແລ້ວຕອບຄຳຖາມຕໍ່ໄປນີ້:
ຜູ້ດູແລແລະນີຕ້າສະແດງໃຫ້ເຫັນແນວໃດວ່າເຂົາເຈົ້າໝັ້ນໃຈໃນເຈດີ້?
ນີຕ້າຊ່ວຍເຈດີ້ແນວໃດ?
ເຈດີ້ຂໍຄວາມຊ່ວຍເຫຼືອຈາກພະເຢໂຫວາແນວໃດ?