ສິ່ງທີ່ເຈົ້າຈະເອົາໄປໃຊ້ໃນວຽກປະກາດ | ເພີ່ມຄວາມສຸກໃນວຽກຮັບໃຊ້
ສະແດງຄວາມເຫັນອົກເຫັນໃຈ
ຄວາມເຫັນອົກເຫັນໃຈແມ່ນການທີ່ເຮົາເຂົ້າໃຈຄວາມຄິດ ຄວາມຮູ້ສຶກ ຄວາມຕ້ອງການ ແລະເຫັນຄຸນຄ່າຄົນອື່ນ. ເມື່ອເຮົາເຫັນອົກເຫັນໃຈ ຄົນອື່ນກໍຈະຮັບຮູ້ໄດ້ຍ້ອນເຫັນວ່າເຮົາຢາກຊ່ວຍເຫຼືອເຂົາເຈົ້າແທ້ໆ. ເມື່ອເຮົາສະແດງຄວາມເຫັນອົກເຫັນໃຈໃນວຽກຮັບໃຊ້ ເຮົາກໍກຳລັງສະທ້ອນຄວາມຮັກແລະຄວາມຫ່ວງໃຍຂອງພະເຢໂຫວາ ແລະນີ້ຈະດຶງດູດໃຫ້ຫຼາຍຄົນຢາກມາຮູ້ຈັກເພິ່ນ.—ຟລປ 2:4
ການສະແດງຄວາມເຫັນອົກເຫັນໃຈບໍ່ໄດ້ເປັນພຽງວິທີໜຶ່ງຂອງການສອນ ການສະແດງຄວາມເຫັນອົກເຫັນໃຈສະແດງອອກໂດຍການຕັ້ງໃຈຟັງ ແລະວິທີທີ່ເຮົາເວົ້າລວມເຖິງຄວາມຄິດ ທ່າທາງ ແລະການສະແດງສີໜ້າຂອງເຮົານຳ. ເຮົາສະແດງຄວາມເຫັນອົກເຫັນໃຈໄດ້ໂດຍສົນໃຈຄົນນັ້ນແທ້ໆ. ສັງເກດວ່າລາວມັກຫຍັງ ເຊື່ອຫຍັງ ແລະຊີວິດຄວາມເປັນຢູ່ຂອງລາວເປັນແນວໃດ. ເຮົາໃຫ້ຄຳແນະນຳທີ່ເປັນປະໂຫຍດແລະໃຫ້ຄວາມຊ່ວຍເຫຼືອແຕ່ກໍບໍ່ກົດດັນລາວໃຫ້ປ່ຽນແປງໂຕເອງ. ເມື່ອຄົນອື່ນຍອມຮັບຄວາມຊ່ວຍເຫຼືອ ເຮົາກໍຈະມີຄວາມສຸກໃນວຽກຮັບໃຊ້ຫຼາຍຂຶ້ນ.
ເບິ່ງວິດີໂອມີຄວາມສຸກໃນການສອນຄົນໃຫ້ເຂົ້າມາເປັນລູກສິດ—ປັບປຸງຄວາມສາມາດຂອງເຈົ້າ—ສະແດງຄວາມເຫັນອົກເຫັນໃຈ ແລ້ວຕອບຄຳຖາມຕໍ່ໄປນີ້:
ນີຕ້າສະແດງຄວາມເຫັນອົກເຫັນໃຈແນວໃດຕອນທີ່ເຈດີ້ມາຊ້າ?
ນີຕ້າສະແດງຄວາມເຫັນອົກເຫັນໃຈແນວໃດຕອນທີ່ເຈດີ້ບອກວ່າມື້ນີ້ສຶກສາບໍ່ໄຫວ?
ເມື່ອເຮົາສະແດງຄວາມເຫັນອົກເຫັນໃຈກໍຈະດຶງດູດຫຼາຍຄົນໃຫ້ຢາກມາຮູ້ຈັກພະເຢໂຫວາ
ນີຕ້າສະແດງຄວາມເຫັນອົກເຫັນໃຈແນວໃດຕອນທີ່ເຈດີ້ບອກວ່າໂຕເອງເປັນຄົນບໍ່ມີລະບຽບ?