ສິ່ງທີ່ເຈົ້າຈະເອົາໄປໃຊ້ໃນວຽກປະກາດ | ເພີ່ມຄວາມສຸກໃນວຽກຮັບໃຊ້
ໃຊ້ເຄື່ອງມືໃນການຄົ້ນຄວ້າ
ພະເຢໂຫວາໃຫ້ເຮົາມີເຄື່ອງມືຕ່າງໆທີ່ຊ່ວຍເຮົາໃຫ້ສອນຄຳພີໄບເບິນເກັ່ງ ເຊັ່ນວິດີໂອ ແຜ່ນພັບ ວາລະສານ ຈຸນລະສານ ປຶ້ມ ແລະຄຳພີໄບເບິນເຊິ່ງເປັນເຄື່ອງມືຫຼັກຂອງເຮົາ. (2ຕມ 3:16) ເພິ່ນຍັງໃຫ້ເຮົາມີເຄື່ອງມືຄົ້ນຄວ້າທີ່ຊ່ວຍເຮົາໃຫ້ອະທິບາຍຂໍ້ຄຳພີຕ່າງໆໄດ້. ນີ້ລວມເຖິງຫ້ອງສະໝຸດວັອດສ໌ທາວເວີ້ ແອັບ JW Library® ຫ້ອງສະໝຸດອອນລາຍຂອງວັອດສ໌ທາວເວີ້ ແລະຄູ່ມືຄົ້ນຄວ້າສຳລັບພະຍານພະເຢໂຫວາ.
ເຈົ້າຈະມີຄວາມສຸກເມື່ອເຈົ້າໃຊ້ເຄື່ອງມືເຫຼົ່ານີ້ເພື່ອຄົ້ນຄວ້າຄວາມຮູ້ໃນຄຳພີໄບເບິນຢ່າງເລິກເຊິ່ງ. ຢ່າລືມສອນນັກສຶກສາຂອງເຈົ້າໃຫ້ໃຊ້ເຄື່ອງມືເຫຼົ່ານີ້ເປັນ. ແລ້ວເຂົາເຈົ້າກໍຈະມີຄວາມສຸກຄືກັນທີ່ໄດ້ພົບຄຳຕອບທີ່ຢາກຮູ້ກ່ຽວກັບຄຳພີໄບເບິນດ້ວຍໂຕເອງ.
ເບິ່ງວິດີໂອມີຄວາມສຸກໃນການສອນຄົນໃຫ້ເຂົ້າມາເປັນລູກສິດ—ຍອມໃຫ້ພະເຢໂຫວາຊ່ວຍ—ເຄື່ອງມືໃນການຄົ້ນຄວ້າ ແລ້ວຕອບຄຳຖາມຕໍ່ໄປນີ້:
ເຈດີ້ເວົ້າແນວໃດເມື່ອນີຕ້າບອກວ່າພະເຈົ້າສ້າງສິ່ງຕ່າງໆ?
ນີຕ້າຊອກຫາຂໍ້ມູນຈາກໃສ?
ການຊອກຫາແລະແບ່ງປັນຄວາມຮູ້ຈາກຄຳພີໄບເບິນເຮັດໃຫ້ເຮົາມີຄວາມສຸກ
ນີຕ້າຮູ້ໄດ້ແນວໃດວ່າເລື່ອງຫຍັງເໝາະກັບເຈດີ້ທີ່ສຸດ?
ການໃຊ້ເຄື່ອງມືຄົ້ນຄວ້າມີຜົນແນວໃດຕໍ່ນີຕ້າ?