ຊີວິດຄລິດສະຕຽນ
ໃຊ້ໜ້າຫຼັກຂອງເວັບໄຊ JW.ORG ໃນການປະກາດ
ໜ້າຫຼັກໃນເວັບໄຊຂອງເຮົາມີບົດຄວາມແລະວິດີໂອທີ່ອອກແບບມາເພື່ອກະຕຸ້ນຄວາມສົນໃຈຄົນທົ່ວໄປທີ່ອາດຕອບຮັບຄວາມຈິງ. (ກຈກ 13:48) ເລື່ອງສ່ວນໃຫຍ່ທີ່ຢູ່ໃນໜ້າຫຼັກຈະກ່ຽວຂ້ອງກັບຂ່າວຫຼືເລື່ອງທີ່ຜູ້ຄົນກຳລັງໃຫ້ຄວາມສົນໃຈ.
ເຈົ້າຈະໃຊ້ໜ້າຫຼັກຂອງເວັບໄຊ jw.org ໃນການປະກາດແນວໃດ?
ເຂົ້າເວັບໄຊເປັນປະຈຳ. ເຂົ້າມາເບິ່ງວ່າຕອນນີ້ໜ້າຫຼັກເວັບໄຊຂອງເຮົາເວົ້າເຖິງເລື່ອງຫຍັງ ແລະຄິດເບິ່ງວ່າເຈົ້າຈະໃຊ້ເລື່ອງນັ້ນລົມກັບຜູ້ສົນໃຈແນວໃດ. (ຖ້າຕ້ອງການເບິ່ງເລື່ອງອື່ນທີ່ເຄີຍລົງໃນໜ້າຫຼັກ ໃຫ້ກົດ “ເບິ່ງເພີ່ມເຕີມ”) ຖ້າເຈົ້າເຂົ້າເວັບໄຊເປັນປະຈຳ ເຈົ້າຈະໄດ້ວິທີໃໝ່ໆສຳລັບການເຮັດວຽກປະກາດ.
ໃຊ້ບົດຄວາມແລະວິດີໂອທີ່ຢູ່ໃນໜ້າຫຼັກເພື່ອເລີ່ມລົມ. ບົດຄວາມແລະວິດີໂອເຫຼົ່ານີ້ຈະຊ່ວຍໃຫ້ເຫັນວ່າຫຼາຍຄົນກຳລັງສົນໃຈເລື່ອງຫຍັງ.
ເປີດໜ້າຫຼັກຂອງເວັບໄຊໃຫ້ເບິ່ງ. ເລືອກເລື່ອງທີ່ຄິດວ່າຜູ້ຄົນສົນໃຈ ແລະອະທິບາຍວິທີຊອກຫາຂໍ້ມູນຕ່າງໆທີ່ຢູ່ໃນເວັບໄຊ.
ສົ່ງລິ້ງ. ບາງຄົນອາດບໍ່ສະດວກທີ່ຈະລົມກັບເຮົາ ແຕ່ກໍຢາກເຂົ້າໄປເບິ່ງເວັບໄຊຂອງເຮົາ. ດັ່ງນັ້ນ ເຈົ້າອາດສົ່ງລິ້ງຂອງໜ້າຫຼັກເວັບໄຊຂອງເຮົາ ສົ່ງລິ້ງບົດຄວາມຫຼືວິດີໂອອື່ນໆໃຫ້ລາວໄດ້.