ເຄັດລັບການຄົ້ນຄວ້າ
ເຮົາຈະໃຊ້ສ່ວນ “ລາຍການໃໝ່” ແນວໃດ?
ໃນສ່ວນ “ລາຍການໃໝ່” ທີ່ຢູ່ໃນແອັບ JW Library® ແລະໃນເວັບໄຊ jw.org ຈະສະແດງວິດີໂອແລະບົດຄວາມທີ່ອອກໃໝ່ຫຼ້າສຸດ. ເຈົ້າຈະໃຊ້ສ່ວນນີ້ເພື່ອໃຫ້ທັນກັບຂໍ້ມູນຂ່າວສານຫຼ້າສຸດໄດ້ແນວໃດ?
ແອັບ JW Library
ບົດຄວາມທີ່ອອກມາໃໝ່ທີ່ເປັນສ່ວນຂອງບົດຄວາມຊຸດຈະຖືກເອົາມາລວມກັບບົດຄວາມຊຸດ. ດັ່ງນັ້ນ ເມື່ອບົດຄວາມໃໝ່ໆທີ່ປາກົດຂຶ້ນມາໃນສ່ວນ “ລາຍການໃໝ່” ເຈົ້າກໍສາມາດດາວໂຫຼດບົດຄວາມນັ້ນໄດ້. ແລະບົດຄວາມນັ້ນຈະເຂົ້າໄປຢູ່ໃນລຳດັບທຳອິດຂອງລາຍການບົດຄວາມຊຸດທີ່ຖືກຈັດລຽງໄວ້ຕາມວັນທີ.
ສຳລັບປຶ້ມທີ່ມີຫຼາຍບົດ ເຈົ້າອາດຈະອ່ານບໍ່ຈົບພາຍໃນເວລາສັ້ນໆ. ເຈົ້າສາມາດເອົາປຶ້ມນີ້ໄປໃສ່ໄວ້ໃນສ່ວນລາຍການທີ່ມັກເພື່ອຈະຊອກຫາໄດ້ງ່າຍແລະສາມາດອ່ານຕໍ່ໄດ້. ເມື່ອເຈົ້າອ່ານຈົບແລ້ວກໍສາມາດລົບອອກຈາກລາຍການທີ່ມັກໄດ້.
ເວັບໄຊ JW.ORG
ຂໍ້ມູນບາງຢ່າງ ເຊັ່ນ ລາຍງານຂ່າວ ແລະ ຄຳປະກາດຕ່າງໆຈະປາກົດຢູ່ໃນເວັບໄຊ jw.org ເທົ່ານັ້ນ ຈະບໍ່ປາກົດໃນແອັບ JW Library. ຂໍໃຫ້ໝັ່ນກວດເບິ່ງໜ້າ “ມີຫຍັງໃໝ່ໆໃນ JW.ORG?” ເພື່ອຈະບໍ່ພາດບົດຄວາມຕ່າງໆທີ່ອອກໃໝ່ຫຼ້າສຸດ.