ເລີ່ມລົມ
ບົດທີ 1
ສົນໃຈຄົນອື່ນ
ຫຼັກການ: “ຄວາມຮັກ . . . ບໍ່ເຫັນແກ່ໂຕ.”—1 ກຣ. 13:4, 5
ສິ່ງທີ່ພະເຢຊູເຮັດ
1. ເບິ່ງ ວິດີໂອ ຫຼືອ່ານໂຢຮັນ 4:6-9. ແລ້ວຕອບຄຳຖາມຕໍ່ໄປນີ້:
ກ. ພະເຢຊູສັງເກດເຫັນຫຍັງກ່ຽວກັບຜູ້ຍິງຄົນນັ້ນກ່ອນເລີ່ມລົມ?
ຂ. ພະເຢຊູເວົ້າວ່າ: “ຂ້ອຍຂໍກິນນ້ຳແດ່.” ເປັນຫຍັງວິທີນີ້ຈຶ່ງເປັນວິທີທີ່ໄດ້ຜົນໃນການເລີ່ມລົມ?
ເຮົາໄດ້ບົດຮຽນຫຍັງຈາກພະເຢຊູ?
2. ເຮົາຈະລົມນຳຄົນອື່ນໄດ້ງ່າຍຂຶ້ນຖ້າເຮົາເລີ່ມໂດຍໃຊ້ເລື່ອງທີ່ເຂົາເຈົ້າສົນໃຈ.
ຮຽນແບບພະເຢຊູ
3. ພ້ອມຈະປັບປ່ຽນ. ຢ່າພະຍາຍາມທີ່ຈະເລີ່ມລົມໃນເລື່ອງທີ່ເຈົ້າໄດ້ກຽມໄວ້ເທົ່ານັ້ນ. ແຕ່ໃຫ້ເລີ່ມດ້ວຍເລື່ອງທີ່ຄົນອື່ນກຳລັງສົນໃຈໃນຕອນນັ້ນ. ໃຫ້ຖາມໂຕເອງວ່າ:
ກ. ‘ຊ່ວງນີ້ມີຂ່າວຫຍັງແດ່?’
ຂ. ‘ເພື່ອນບ້ານ ໝູ່ຢູ່ບ່ອນເຮັດວຽກ ຫຼືໝູ່ຢູ່ໂຮງຮຽນກຳລັງເວົ້າເຖິງເລື່ອງຫຍັງ?’
4. ເປັນຄົນມັກສັງເກດ. ໃຫ້ຖາມໂຕເອງວ່າ:
ກ. ‘ຄົນທີ່ເຮົາລົມນຳກຳລັງເຮັດຫຍັງຢູ່? ລາວອາດຈະກຳລັງຄິດຫຍັງຢູ່?’
ຂ. ‘ເຄື່ອງນຸ່ງ ຮູບຮ່າງໜ້າຕາ ຫຼືເຮືອນຂອງລາວບອກຫຍັງຂ້ອຍກ່ຽວກັບຄວາມເຊື່ອຫຼືວັດທະນະທຳຂອງລາວ?’
ຄ. ‘ຕອນນີ້ເໝາະບໍທີ່ຈະລົມນຳລາວ?’
5. ຕັ້ງໃຈຟັງ.
ກ. ພະຍາຍາມຢ່າເວົ້າຫຼາຍເກີນໄປ.
ຂ. ກະຕຸ້ນຄົນທີ່ເຮົາລົມນຳໃຫ້ສະແດງຄວາມຄິດແລະຄວາມຮູ້ສຶກອອກມາ. ເມື່ອເຫັນວ່າເໝາະສົມ ກໍຖາມຄຳຖາມລາວ.