ເລີ່ມລົມ
ບົດທີ 2
ເປັນທຳມະຊາດ
ຫຼັກການ: “ຄຳເວົ້າທີ່ເວົ້າຖືກຈັງຫວະກໍດີຫຼາຍແທ້ໆ.”—ສພສ. 15:23
ສິ່ງທີ່ຟີລິບເຮັດ
1. ເບິ່ງ ວິດີໂອ ຫຼືອ່ານກິດຈະການ 8:30, 31. ແລ້ວຕອບຄຳຖາມຕໍ່ໄປນີ້:
ກ. ຟີລິບເລີ່ມລົມແນວໃດ?
ຂ. ເປັນຫຍັງຈຶ່ງເປັນວິທີທີ່ເປັນທຳມະຊາດໃນການເລີ່ມລົມແລະສອນສິ່ງໃໝ່ໆໃຫ້ຜູ້ຊາຍຄົນນັ້ນ?
ເຮົາໄດ້ບົດຮຽນຫຍັງຈາກຟີລິບ?
2. ຖ້າເຮົາລົມແບບເປັນທຳມະຊາດ ກໍເປັນໄປໄດ້ທີ່ເຂົາເຈົ້າຈະຮູ້ສຶກຜ່ອນຄາຍແລະເຕັມໃຈຟັງສິ່ງທີ່ເຮົາເວົ້າຫຼາຍຂຶ້ນ.
ຮຽນແບບຟີລິບ
3. ເປັນຄົນຮູ້ຈັກສັງເກດ. ເຈົ້າຈະຮູ້ຄວາມຄິດແລະຄວາມຮູ້ສຶກຂອງຄົນທີ່ເຈົ້າລົມນຳໄດ້ໂດຍສັງເກດເບິ່ງສີໜ້າທ່າທາງຂອງລາວ. ເຈົ້າຈະຮູ້ໄດ້ແນວໃດວ່າລາວເຕັມໃຈທີ່ຈະລົມນຳເຈົ້າຫຼືບໍ່? ເຈົ້າອາດເລີ່ມເວົ້າເຖິງບາງຢ່າງຈາກຄຳພີໄບເບິນໂດຍພຽງແຕ່ຖາມວ່າ “ເຈົ້າຮູ້ບໍວ່າ . . . ?” ບໍ່ຄວນບັງຄັບລາວໃຫ້ລົມຕໍ່ຖ້າລາວບໍ່ຢາກລົມ.
4. ອົດທົນ. ເຈົ້າບໍ່ຈຳເປັນຕ້ອງເລີ່ມເວົ້າເຖິງຄຳພີໄບເບິນທັນທີ. ໃຫ້ລໍຖ້າໂອກາດທີ່ເໝາະສົມເພື່ອເຈົ້າຈະເວົ້າໄດ້ເປັນທຳມະຊາດ. ບາງເທື່ອ ເຈົ້າອາດຈະຕ້ອງລໍຖ້າຈົນກວ່າຈະໄດ້ລົມນຳລາວອີກໃນເທື່ອໜ້າ.
5. ພ້ອມຈະປັບໂຕ. ຄົນທີ່ເຈົ້າລົມນຳອາດເວົ້າເຖິງເລື່ອງທີ່ເຈົ້າບໍ່ຄາດຄິດ. ດັ່ງນັ້ນ ຂໍໃຫ້ພ້ອມທີ່ຈະເວົ້າບາງເລື່ອງທີ່ເໝາະກັບລາວ ເຖິງວ່າຈະບໍ່ແມ່ນເລື່ອງທີ່ເຈົ້າຄິດໄວ້ວ່າຈະລົມນຳລາວກໍຕາມ.