ເພງທີ 66
ປະກາດຂ່າວດີ
1. ດົນແລ້ວເລື່ອງລາຊະອານາຈັກໄດ້ຖືກປິດບັງ
ຕອນນີ້ກະສັດທີ່ສັນຍາໄວ້ຖືກເປີດເຜີຍແລ້ວ
ຍ້ອນເຢໂຫວາມີຄວາມຮັກແລະເມດຕາຊອບທຳ
ພະອົງໄດ້ຄິດເຖິງມະນຸດເຮົາທີ່ມີຄວາມບາບ
ຈຶ່ງຕັ້ງລູກຊາຍມາປົກຄອງໂລກເພື່ອຊ່ວຍພວກເຮົາ
ເມື່ອເຖິງເວລາກຳນົດທ່ານຈະມາປົກຄອງໂລກນີ້
ເຢໂຫວາໄດ້ຈັດກຽມເຈົ້າສາວໃຫ້ລູກພະອົງ
ຜູ້ທີ່ຮັບກຽດເຊິ່ງຖືກເລືອກນັ້ນຄືຜູ້ຖືກເຈີມ
2. ຕອນນີ້ເຮົາປະກາດຂ່າວທີ່ໄດ້ພະຍາກອນໄວ້
ດ້ວຍພະລັງຂອງພະເຢໂຫວາເຮົາຈຶ່ງເຮັດໄດ້
ເຫຼົ່າທູດສະຫວັນກໍຮ່ວມໃນງານແຫ່ງຄວາມຍິນດີ
ປະກາດຄວາມຈິງເລື່ອງລາຊະອານາຈັກພະເຈົ້າ
ຕອນນີ້ເຮົາໄດ້ຮັບກຽດໃຫ້ເຮັດວຽກທີ່ສຳຄັນ
ເພື່ອນຳຄຳສັນລະເສີນມາໃຫ້ພະເຈົ້າພຽງຜູ້ດຽວ
ໄດ້ໃຊ້ນາມຊື່ແລະເປັນພະຍານພະເຈົ້າຍິ່ງໃຫຍ່
ຂອບໃຈພະອົງທີ່ໃຫ້ສິ່ງລ້ຳຄ່ານີ້ແກ່ເຮົາ
(ເບິ່ງຕື່ມ ມໂກ. 4:11; ກິດ. 5:31; 1 ໂກ. 2:1, 7)