Kupwila Kwa Mingilo Kwa Kweji Wabubidi
Yenga Ushilula 3 Kweji 2
Min 10: Misapu imutala. Misapu itala Mwingilo Wetu wa Bulopwe. Lombola lapolo wa kipwilo wa kweji wakwanza.
Min 20: “Lwitabijo mu Kinenwa kya Leza—Kitango kya Distrike 1997.” Na bipangujo ne malondololo. Longa ne kyakumwenako kya minite 5, mutwe wa kisaka wisamba na ba mu kipango kyandi pa mwanda utala kwilongolola kwabo kwa kukatanwa ku kitango kya distrike.
Min 15: “Twi Babwanye Bisakibwa ne Bakumbanye Bingidilwa Byonso Mwanda wa Kufundija Bakwabo.” (Mus. 1-6) Shintulula mu kīpi myanda idi mu mus. 1-2 ne kulombola mvubu ya kukulupila mu bukwashi bwa Yehova shi tusaka kufundija bakwetu senene. Teakanya byakumwenako bibidi, kimo ne kimo kidi na bipindi bibidi, bimanine pa mus. 3-6, bilombola mwa kukwatakenya mīsambo imbajinji ne mwa kulongela kujokelamo kupya. Vuluja basapudi’mba, potupānanga mabuku ku bantu, i kiyampe kwibalombola’mba tusangelanga kutambula byabuntu byabo bikwasha ku mwingilo wingilwa ntanda yonso.
Lwimbo 14 ne milombelo yamfulo.
Yenga Ushilula 10 Kweji 2
Min 15: Misapu imutala. Lapolo wa mukōlo wa pa kipwilo. Imanina pa milangwe itanwa mu mapepala alupwilwe pano-pano, ilombola mwa kushilwila mīsambo. Leta madingi atala pa muswelo wakobolola muntu umusapwile bukamoni bwa kiponka na ponka. Nena bemvwaniki basekunune binenwa byobashilulanga nabyo mīsambo kitatyi kyobasapulanga mu mangajini, mu kipito, mu nsoko, mu ñendo, ne kukwabo. Lombola mpangiko ikwetwe ya busapudi bwa mu uno yenga.
Min 15: “Twi Babwanye Bisakibwa ne Bakumbanye Bingidilwa Byonso Mwanda wa Kufundija Bakwabo.” (Mus. 7-9) Sekununa myanda idi mu Annuaire 1995, p. 45, itala pa kujokelamo kupya kadi ukokele milangwe ne pa mvubu ya kulonda kusepelela konso kulombwelwe. Nena musapudi wa bwino esambile pa mus. 7-8 mu kyakumwenako. Nansha shi twashile mabuku makwabo, tufwaninwe kulonga bukomo bwetu bwa kwendeja kifundwa mu dibuku Buyuki. Kankamika musapudi yense ekale kwitūdila’ko kitatyi umbula bwa yenga wiya’ko kya kulonga kujokelamo kupya.
Min 15: Bisakibwa bya pa kipwilo nansha kishinte “Twelei Nyeke Kiselwa Kyetu Padi Yehova.” Dishikulu dikankamika kipwilo dimanine pa Kiteba kya Mulami kya 1 kweji 4, 1996, paje 27-30, Falanse.
Lwimbo 15 ne milombelo yamfulo.
Yenga Ushilula 17 Kweji 2
Min 10: Misapu imutala.
Min 15: “Bantu ba Miswelo Yonso Bakapandanga.” Na bipangujo ne malondololo. Nena bemvwaniki basekunune mu kīpi myanda imo-imo ilombola muswelo obafikilanga pa kutwala bantu batambile mu bifuko bishileshile ku kwitabija biyampe musapu.
Min 20: Tusapulei bukamoni na mwiendelejo wetu mulumbuluke. Mukulumpe umo wimanine mīsambo na bansongwanzele babidi nansha basatu, babandaula milangwe idi mu Kiteba kya Mulami kya 15 kweji 8, 1987, p. 10-20, Falanse. Leta bimfwa bilupwilwe mu mabuku, nansha bya myanda ipita mu kipindi kyenu, bilombola muswelo utengwa ku mityima boba babandaulanga mikadilo milumbuluke ya bakristu bansongwanzele.
Lwimbo 23 ne milombelo yamfulo.
Yenga Ushilula 24 Kweji 2
Min 5: Misapu imutala.
Min 10: Mulembi ubandaula Malondololo ku Bipangujo Byenu.
Min 15: ‘Tusapulei Uno Mwanda.’ Na bipangujo ne malondololo. Leta’po milangwe imo-imo ilombola amba twi bayuke bine bine mvubu ya Kinenwa kya Leza.—Tala Amkeni! wa 22 kweji 6, 1984, p. 10-12, Falanse.
Min 15: Mabuku otukapāna mu kweji 3. Kokela milangwe pa tuyukeno tusangaja twa dibuku, kimfwa: (1) mitwe ya myanda isangaja ya mashapita, (2) misombelo ya bifwatulo, (3) matabulo ne tulata twa kamweno mu bufundiji, (4) bipangujo bileta kulanguluka. Kukwatañana na byanenwa mu mwisambo watangidila’u, kankamika bemvwaniki bengidije vese mufwaninwe mu kuponeja dibuku. Kankamika yense ekale na mabuku andi a kukapāna mu yenga wiya’ko.
Lwimbo 26 ne milombelo yamfulo.