“Lwitabijo Mu Kinenwa Kya Leza”—kitango Kya Distrike 1997
1 Mu kino kyetu kitatyi, Yehova wingidijanga bitango bya distrike bya ku mwaka ne mwaka mwanda wa kufundija bantu bandi bebungīle pamo ne kwibatompeja ku nsangaji ya bubutule bwa bwine-kristu. Bitango bya distrike bya mu 1996, “Mikendi ya Ndoe ya Leza,” byalongelwe mu Zaïre ne mu Congo, byabungakenyinye pamo bantu 317 872; bavule baikele kulombola kufwijako kwabo pamwanda wa milangwe ikankamika yesambilwe’ko, ne pamwanda wa byabuyabuya byantentekelo byaletelwe na kutalulwa’ko kwa mwingilo wa kutēka bidibwa, kimfwa, nsangaji ya kupityija kitatyi kilampe pamo na batutu ne bakaka, ne kwiūbaka abo bonso. Bana-babwanga 4 350 basumininwe kwikala bu mikendi ya ndoe ya Leza, baikele kubatyijibwa bu kilomboji kya kwipāna kwabo kudi Leza. Kamweno kotwamwenine mu ino mpangiko isangaja mu mwaka wapityile’u, kafwaninwe kwitutonona tulonge bukomo bwetu bonso tukatanwe ku kitango kya distrike kikalongwa mu 1997, “Lwitabijo mu Kinenwa kya Leza.” Bantu bavule mu ano etu mafuku batanwa na makambakano a miswelo ne miswelo, omwanda tufwaninwe kwita ne boba botwifundanga nabo Bible, nabo bakatanwe’ko. Batwe bonso byotusaka kwingidila Yehova na lwitabijo mu kino kitatyi kya kumfulo, kino kitango kiketukankamika ne kwitupa bukomo kumushipiditu.
2 Mwilongololei kumeso kwa kitatyi mukatanwe ku ano mafuku asatu a masobo manune a kumushipiditu, tamba ku lwimbo lwa kushilula nalo, kutūla ne ku milombelo yamfulo. Ku bavule, kifuko kikalongelwa’ko kitango komwityilwe kekidipo kulampe na kwenu. Sosiete wepudilepudile byabinebine mwanda wa kwimupēleleja’ko makambakano amo a kwa kufikila ku bino bitango. Omwanda bifuko bipya bikalongelwa’po bitango i bibwejibwe ku bya ku mwaka wapityile, mwanda wa kupa yense wa umbukata mwetu muswelo wa kukadishibwa bidibwa bya kumushipiditu pamo na ba mu kyandi kisaka bonso. (Kup. 31:12) Kino kyo kitatyi kya kulanga kyokya kyofwaninwe kulonga mwanda wa kukongakanya lupeto lufwaninwe lwa mwa kwendela banwe bonso. Tukulupile’mba umo ne umo ukatanwa ku kitango kityilwe’ko kyabo kipindi, mwanda wa kulombola kufwijako kwandi ku bukomo bulonga Sosiete. Inoko, shi usaka kukatanwa ku kitango kikwabo pamwanda wa buluji kampanda, ubwanya kwiendela shobe, kepadipo kikukankaja.
3 Pomukakwata mpangiko ya kukatanwa ku kitango kya distrike, tai mutyima ku buswe bwa kulangila’ko ne boba basakilwa bukwashi, nakampata boba basepelele bubinebine pano-pano, nabo bakatanwe ku bipindi byonso bya kitango. I kya kamweno kubandaula pamo na bantu bowifunda nabo Bible, myanda idi mu kino kishinte, shi basakile kwenda kukatanwa ku kitango. (Ngat. 6:6, 10) Mu dyabutano ne mu dyamposo, kitango kikashilula na minjiki na nsaa ya 9:30, kikapwa na nsaa ya 16:30. Kipindi kya mu dyayenga lubanga kikashilula na nsaa ya 9:30, kitango kikapwa na nsaa ya 15:50. Myanda ilonda’ko ino ikemukwasha mu kwiteakanya kwenu.
4 Kwa kukafikila kukekala ku banabetu pala pala. Tufwaninwe kukalombola kufwijako kwetu ku batutu ne bakaka baketabija kwitutundaila. Pakwabo napo, kikekala kyakubulwa kwendelamo shi boba bakalombolwa kino kizaji, bakekale kwikyonakanya na kusaka bebalame mu kitatyi kilampe kumeso nansha kunyuma kwa kitango. Kutundailwa kwetu i enka umbula bwa mafuku a kitango. Boba batambulwa uno muswelo bafwaninwe kulēmeka bintu bya wibatambwile’wa, pampikwa konakanya kintu nansha kimo, ne kuleka kutwela muntu mokebapelwepo kishima, ebiya kadi bakata mutyima ne ku babo bana, nabo balongele monka. Shi bafikilwa abamone’mba kudi kintu kampanda kyaleta bikoleja mu uno mwanda, bafwaninwe kuyukija bukidi-bukidi banabetu bemanine mwingilo wa kutundaila bāya, nabo bakasepelela kuleta’po bukwashi bwabo. Kwendeka senene kwa mwingilo wa kutundaila bāya i kwingidila pamo kwa umo ne umo umbukata mwetu. (Bah. 13:17) Twivwananga divule amba bamo-bamo batalukanga ku kusaka kwa abo bene ku bifuko kobatūdilwe, bakalumba ku bifuko bikwabo kudi balunda nabo, nansha bantu bobeyukile nabo. Kino kikolejanga batutu bemanine mwingilo wa kutundaila bāya. Nanshi tubemulombe mwingidile pamo na batutu bengila uno mwingilo.
5 Dimo-dimo banunu nansha babilema, bengidi ba kitatyi kyonso nansha bantu bakwabo basakilwanga bukwashi, mwanda wa kukatanwa ku kitango. Balongo babo, bakulumpe nansha bonso ba pa kipwilo, bayukile ngikadilo yabo ya pabula, bakokeja kwibakwasha na buswe, kupita’ko kutentwila kino kiselwa kyabo pa banabetu bateakanya kitango.—Tala 1 Temote 5:4.
6 Nabubine Yehova uteñanga kuboko pa byobya byonso biloñwanga pangala pa bitango bya ku mwaka ne mwaka. Banabetu bavule batambanga kulampe, bāya ku kitango kya distrike, basakilwanga kwa kufikila, tukulupile’mba Yehova uketusokwela byonso bino bibasakilwa. Buno bulombodi byobwimanine pa mutōtelo wabine, tufwaninwe kulonda na nsangaji misoñanya yonso itupebwa. Tulombolei amba tutūkenye mu tutyetye; nabya tukabwanya kutambula byabuyabuya bivule bitengele baswedibwe ba Yehova.—Luka 16:10.
7 Isaya 33:20 unena’mba: “Tala pa Ziona, kibundi kya bitango byetu bikola.” Tuvulukei bibumbo bya bantu bādi na nsangaji, byādi bipungulwila mu Yelusalema ne kulondolola kiundaunda ku musoñanya wa Yehova wa kusangala byamwiko’tu. (Kup. 16:15) Bitango byetu bya distrike bitupanga muswelo wa pabula wa kutambula bufundiji bwa Leza ne kumwena mu kisense kilēme pamo na batutu ne bakaka. Tulomba Yehova emwesele dyese mu bukomo bwenu bomulonga mwanda wa kwiteakanya mwa kukataninwa ku kitango kya distrike 1997 “Lwitabijo mu Kinenwa kya Leza.”
[Binenwa bya Kifwatulo pa paje 4]
[Binenwa bya Kifwatulo pa paje 4]
(For fully formatted text see printed copy)
BITANGO BYA DISTRIKE 1997
MAFUKU BIFUKO BIPINDI BITYILWE
11-13 kweji 7 Kinshasa (F, LI-1) KIN-1, KIN-3, KIN-4, KIN-7, KIN-8, KIN-10, KIN-12, KIN-13
18-20 kweji 7 Kinshasa (LI-2) KIN-2, KIN-5, KIN-6, KIN-9, KIN-11, BZ-3, BZ-6
Brazzaville (F) CO-1, CO-4, CO-5, kipindi CO-7, kipindi CO-8
Matadi (LI) BZ-1, BZ-5
Mbandaka (LI) E-2, E-7, E-16, E-17, E-23, E-24
Isiro (LI) HZ-2, kipindi HZ-17, HZ-18
Boende (LI) E-3, E-6, E-13, E-27
25-27 kweji 7 Gemena (LI) E-1, E-14
Dungu (LI) HZ-6, HZ-13, kipindi HZ-17
Kisangani (F, LI) HZ-1, HZ-7, HZ-14
Lisala (LI) E-8, E-11, E-18, E-21
Pointe-Noire (F, MK) CO-2, CO-6, kipindi CO-8
Kimpese (LI) BZ-2, BZ-4, BZ-7, BZ-8
01-03 kweji 8 Gbadolite (LI) E-5, E-9, E-19
Kisangani (SW) HZ-5, HZ-9, HZ-16
Bandundu (LI) B-1, B-10
Buta (LI) HZ-8, HZ-11
Bumba (LI) E-4, E-12, E-15, E-20, E-22, HZ-3, HZ-10, HZ-15
Ouesso (F) CO-3, kipindi CO-7
08-10 kweji 8 Popokabaka (LI) B-7, kipindi B-13
Lodja (OT) KA-4, kipindi KA-11, KA-12, KA-27, KA-32
Mulongo (KU) S-8, kipindi S-9, S-10, S-14, S-16
Kindu (SW) KI-3, KI-13
Buja/Uvira (RU, SW) BU-1, BU-2, BU-3, KI-8
Nioki (LI) B-4, B-6, B-14, B-15
15-17 kweji 8 Bukavu (SW) KI-1, KI-11, KI-12
Bunia (SW) HZ-4, HZ-12
Kamina (KU, SW) kipindi S-7, kipindi S-9, S-15
Lubumbashi (F, SW) kipindi S-1, S-2, S-13
Kole (OT) KA-7, kipindi KA-11, kipindi KA-21, KA-26
Tembo (LI) B-17, kipindi B-13
22-24 kweji 8 Goma (SW) KI-2, KI-6, KI-14
Beni (SW) KI-5, KI-10
Likasi (F, SW) kipindi S-1, S-17, S-20, S-23
Kime (KU) S-4, S-6, kipindi S-7, S-24
Ilebo (LI, SH) KA-10, KA-15, kipindi KA-21, KA-29
Kirungu/Moba (SW) S-12, S-18, S-19
29-31 kweji 8 Butembo (SW) KI-7, KI-9
Kolwezi (F, SW) kipindi S-1, S-3
Pepa (SW) S-11, S-25
Kananga (F, SH) KA-1, KA-9, KA-14, KA-18, KA-19, KA-28, KA-30
Kikwit (F, MK) B-2, B-22, B-24, kipindi B-19
Bokungu (LI) E-10, E-25, E-26
05-07 kweji 9 Mbuji-Mayi (F, SH) KA-2, KA-8, KA-16, KA-17, KA-20, KA-25
Tshikapa (F, SH) KA-6, KA-22, KA-23, KA-31
Bulungu (MK) B-5, kipindi B-19, B-20
12-14 kweji 9 Kabinda (SH) KA-5, KA-13
Sandoa (DR, SW) S-5, S-21
Idiofa (MK) B-8, B-16, kipindi B-18
19-21 kweji 9 Mwene Ditu (SH) KA-3, KA-24
Kongolo (SW) KI-4, S-22
Gungu (MK) B-11, B-12, kipindi B-18, B-23
Kenge (MK) B-3, B-9, B-21