Kupwila Kwa Mingilo Kwa Kweji Wabubidi
Yenga Ushilula 2 Kweji 2
Min 8: Misapu imutala. Misapu itala Mwingilo Wetu wa Bulopwe.
Min 17: Twiteakanyei Mwanda wa Kukatanwa ku Kitango kya Distrike kya mu 1998. Bubandaudi na mulembi wa pa kipwilo, na bipangujo ne malondololo, bikemanina pa papye wa ntentekelo wa Mwingilo Wetu wa Bulopwe wa kweji 2, 1998. Monka mwimanine’po kishinte, kokela milangwe pa buluji bwa Bible bwitutonona kulonda bulombodi bwitupa Sosiete pa mwanda utala mobo a bifikilo. Tendela banabetu bakwatakanya mpangiko ikwata Sosiete pa mobo a bifikilo.
Min 20: Twiteakanyei Tamba’nka Pano ku Kulēmeka Kijila kya Leza Kitala pa Mashi. Mukulumpe wa bwino wisambila pa mvubu ya kudinga kakanda “Instructions médicales/Pas de sang.” Binenwa bya ku bukomo bwa mushipiditu bidi mu Mitōto 19:7 bilombola’mba bulombodi budi mu Bilongwa 15:28, 29 i kilomboji kya kijila kibwaninine kya Leza kitala pa mashi. Batōtyi bandi bakikōkeji baloñanga buninge mwanda wa kwikilēmeka. Tuno tukanda tulombolanga kusumininwa kwetu pa uno mwanda ne kadi tunenanga pa kyetu kyaba kitatyi kyotukomenwanga kunena. (Tala Nkindi 22:3.) Kano kakanda kapya kalombola patōkelela mu mene mafuku’a kupela kotupelele mashi. Kupwa kupwila, Batumoni babatyijibwe basakile, bakapebwa kakanda kapya, ne boba badi na bana banuke bakubulwa kubatyijibwa bakatambula Carte d’identité ka mwana ne mwana. Ke biyampepo kwitudinga ponka na ponka. Kifwaninwe kwitudinga na mutyima mutūke ku njibo, ino PAMPIKWA kushinya’po. Shinyantile ya mwinē kakanda, dijina dya batumoni ne difuku, bikadingwa ku tukanda tonso ku mfulo kwa kifundwa kya kitabo kilonda’ko, na bwendeji bwa tutu wendeja kifundwa. Shi tulonge namino, nankyo bonso basakile kulonda ano madingi atala pa bundapi bakapebwa bukwashi bobasakilwa. Boba ba kushinya bu batumoni bafwaninwe kumona bidi shi mwinē kakanda mwine ke mushinye’po kala.
Ku Kupwila kwa Mingilo kulonda’ko, banabetu bendeja kifundwa kya kitabo ne bakulumpe bo bakakwasha boba bonso basakile kudinga ne kushinya kakanda, babudilwe kutanwa ku kifundwa kya kitabo difuku dyashinyinye bakwabo, bikalongwa’nka namino kufika ne pakapwa basapudi babatyijibwe bonsololo kudinga senene ne kushinya twabo tukanda. (Pitulukai mu mukanda wa 20 kweji 12, 1996.) Shi kudi basapudi bakubulwa kubatyijibwa basaka kulemba bulombodi bwabo ne bwa babo bana mwendele myanda idi pa kakanda ketu ka muñanga kukwatañana na kusumininwa kwabo abo bene, bakokeja kulemba.
Lwimbo 142 ne milombelo yamfulo.
Yenga Ushilula 9 Kweji 2
Min 10: Misapu imutala. Lapolo wa mukōlo wa pa kipwilo. Wisambile pa mpangiko ikwetwe ya kutambila mu busapudi ku mfulo kwa yenga.
Min 15: “Malondololo ku Bipangujo Byenu.” Mīsambo na bemvwaniki. Tela ne myanda mimweke isekunwinwe mu Amkeni! ilombwelwe mu kishinte.
Min 20: “Yehova Upānanga Bukomo Butabukile pa Bwikalwanga Nabo Nyeke.” Na bipangujo ne malondololo. (Tala w90-F 15/7 19, mus. 15-16.) Ipangula banabetu bamo babange myanda ikankamika yobemwenine ilombola muswelo webakomeja Yehova.
Lwimbo 81 ne milombelo yamfulo.
Yenga Ushilula 16 Kweji 2
Min 10: Misapu imutala.
Min 15: “Tusepelelei Kupāna Bukamoni Bukunkane.” Mīsambo na bemvwaniki. Lombola patōka biyukeno bilombola’mba ntwelelo yobe i mifike’po: (1) Kwimuna na kyanga, (2) kuleta nshintulwilo kampanda nansha kulupula kipangujo pa mambo mapya, (3) Kutela kisonekwa kya Bible kifwaninwe ne (4) kuludikila muntu usepelele musapu ku dibuku dipānwa. Kyakumwenako na musapudi wabwino kitala pa ntwelelo iletelwe ne kujokelamo kupya.
Min 20: Kifundwa kya Kisaka Kileta Nsangaji. Tutu umo ne wandi mukaji besambila pa bisakibwa bya kumushipiditu bya kyabo kisaka. Batompola lupusa lubi ludi na ino ntanda pa babo bana, bakimba muswelo wa kukomeja babo bana kumushipiditu, ino abamone amba kifundwa kya kisaka kekikiloñwangapo kitatyi ne kitatyi, kadi divule kikalanga kya kūlukūlu. Abo bonso pamo, kebabandaula monka misoñanya itala pa muswelo wa kwendeja kifundwa kya kisaka kimwenwa’mo kamweno iletelwe mu Kiteba kya Mulami kya difuku 1 kweji 8, 1997, p. 26-29, Falanse. Bonso babidi abasumininwa kulonga buninge bwabo bonso, bakwatakanye būmi bwa kumushipiditu bwa babo bana.
Lwimbo 146 ne milombelo yamfulo.
Yenga Ushilula 23 Kweji 2
Min 12: Misapu imutala. Wisambile pa mabuku otukapāna mu kweji wabusatu. Tela mulangwe umo nansha ibidi ilupwilwe mu dibuku Ufunuo—Upeo Wao Mtukufu U Karibu! ikakwasha mu kupāna dibuku.
Min 15: “Tulombolei Bulēme ku Kifuko kya Mutōtelo wa Yehova.” Mīsambo ya bipangujo ne malondololo ikendejibwa na mukulumpe ukeingidija na mutyima muyampe pa kipwilo.
Min 18: Malapolo a kuputumina kwetu mu mwingilo wa kulombola bukamoni mu ntanda yonso. (Ikemanina pa dibuku Tumefanywa Tengenezo, p. 100-102, 106-110.) Kishinte ne mīsambo na mulembi wa pa kipwilo. Kupwa kulombola’mba kutūla lapolo ya mwingilo wetu kitatyi kyonso kudi na kitako mu Bible, uketa bengidi ba mingilo babidi bakabandaula kamutwe ka mwanda “Buluji bwa Kutūdila Malapolo.” Kupwa, mulembi ukemanina bininge pa mvubu ya Kutūla pampikwa kwija Malapolo abine afwaninwe kutumwa bukidibukidi, mfulo i difuku dyabusamba dya kweji. Nakampata bipwilo (makumi atano pa katwa) bya mu wetu mwaba bitumanga malapolo abyo ke mungya kala, o mwanda keabadilwangapo mu mwine kweji’wa. Ukashintulula buluji bulombola buya bwa kwitungila bitungo bya kikasuku kadi ukafula na binenwa bikankamika bitala pa madyese atananga boba baputumina mu mwingilo byabinebine.
Lwimbo 189 ne milombelo yamfulo.